من نوادر البخلاء

من نوادر البخلاء
بخيل جدا جاء له ضيف
فنادى البخيل ولده
وقال له : يا ولدي
عندنا ضيف عزيز على قلبي روح للسوق واشتر لنا لحم ... أحسن لحم في السوق..
( طبعاً الضيف يسمع )
راح الولد للسوق وبعد مدة رجع..
لكنه ما اشترى شي !!
سأله أبوه: وين اللحم؟
قال الولد: رحت ل لجزار وقلت له:
عطني أحسن ما عندك من اللحم...
قال الجزار:
بأعطيك لحم كأنه زبده.
قلت لنفسي إذا كان كذا..
ليش ما أشتري الزبده بدل اللحم.
رحت للبقال وقلت له:
عطني أحسن ما عندك من الزبدة..
قال راعي البقالة:
أعطيك زبده كأنها دبس من حلاوتها..
قلت في نفسي : إذا كان الموضوع كذ..
أفضل لي أشتري الدبس.
رحت لراعي الدبس وقلت له :
عطني أحسن ما عندك من الدبس.
فقال الرجل:
أعطيك « دبس » كأنه الماء الصافي..
فقلت لنفسي: إذا كانت السالفة كذا..
فعندنا ماء صافي في البيت وأحلى منه..
عشان كذا رجعت بدون ما أشتري شي..

قال له أبوه : ما شاء الله عليك يابعدي..
والله إنت كريم مثل أبوك والضيف يسمع وجهه يتقلب من القهر
الأب همس في أذن ولده
بس فاتك شي ياولدي
استهلكت نعالك
وقطعتها من كثر المطامر من دكان إلى دكان..

قال الولد :آفا عليك يابوي..
أنا لبست نعال الضيف


 ~هههه