من هي دليلي بالرياض

اهلا وسهلا فيك تنور الرياض بوجودك 00الاحياء القريبه للجامعه الرائد والخزامى والنخيل وكلها حلوه وقريبه للحياة بالرياض لكن الرائد اغلب سكانه يشتغلون بالجامعه 000المستشفيات الحكوميه الملك خالد اقرب شي لكم وفيه مدينة الملك فهد الطبيه ومستشفى الملك عبدالعزيز 000وبالنسبه للايجار ابحثي بمنتدى عقار ستي 000موفقه

اختي انا بجاوبك بالنسبه لجامعة الملك سعود للبنات فهي فروع فيه في عليشه وهو حي قديم وفيه فرع الملز وكذلك وفيه في البديعه وهذا حي لابأس به ويكثر فيه السعوديين واجتماعيين وفيه اسواق وقريب من مستشفى الامير سلمان وبالنسبه للاحياء الراقيه فهي بشمال الرياض عامة مثل العليا والنخيل والرائد والصحافه والربيع وهذي لوجود غالبية الاسواق الراقيه فيها والمعارض والمطاعم لكن اسعار الاجار غاليه يعني توصل سعر الشقه العاديه 27 الف والدور ماينزل عن 40 الف واي سؤال ارسلي على الخاص وانا تحت امرك

يالبى قلوبكم فديت بنات الرياض ام الفزعات حبيبتى في جزيره هاديه الا في السعوديه جزيره هاديه مشكوره افدتيني اختى العزيزه فلتى انا مابي ادرس بجامعه الملك سعود ياعيوني بغيت احياء قريبه من الجامعه وحلوه واهلها اجتماعيين ومشكوره ياقلبي

رفع ..........

النخيل والمحمدية والشمال: الغدير والمروج

هذول مواقعهم استراتيجية وناس راقية

ابعدي عن الشرق والجنوب
بعييييييدة جدا عن طريق العليا وزحمة تقرف