من واقع خبرتكم افيدوني..مع نبذه من قصتي

السلام عليكم ورحمة الله وبركاته..

متزوجه لي 3سنوات عمري 26سنه عندي تكيسات ودورتي متلخبطه وسمينه وحالتي حاله ولله الحمد:eek:

أتابع بمستشفى النور بمكه من سنه ونص بسبب المواعيد البعيده

بدأت رحلة العلاج من 4شهور بالكلوفاج اولا مع آثاره السيئه من غثيان واسهال :09:

ومن ثم الدافستون وبعده تجي الدوره وبدأت معاه كل التحاليل ومافي اثار جانبيه مع الدافستون

وزوجي ياخذ فيتامينات ومنشط طبيعي اسمه مارنيز اكزوتيك ومفعوله بصراحه عجيب وصفله الدكتور ياخذه معي مع كورس الكلوميد حقي..

وثالث شهر اعطاني الدكتور دافستون وبعده الكلوميد من خامس يوم الدوره لمدة 5 ايام اخذتها بالساعه يعني 9ص و9م بالمنبه ولا اتاخر ولا دقيقه حتى مع الدافستون اسوي كدا المهم بدات معي افرازات لزجه وبيضه جدا وكثيره قلت في نفسي التبويض ممتاز:(

والمهم اعطاني موعد يوم13 من الدوره يشوف التبويض ونفسيتي جدا سيئه لانه دكتور رجال وراح يكشف عليه بالسونار الداخلي لانه السونار الاول مع دكتوره الوضع عادي لكن حاليا حولوني لدكتور والحمد لله على كل حال المهم كشف الدكتور وانا مغطيه وجهي وابكي من الم السونار وقهر كشف عورتي وخدش حيائي واقول يارب ارحمني الناس تحمل ببيوتها وانا الغريب يكشف عليه عشان احمل يارب ارحمني..

وبعد كل التعب داا يقول الدكتور مافي تبويض مو باين معاي شي وانا على طول قلت بصوت عالي ومبحوح يارحيم يارحيم ارزقني بالحمل السليم وصفلي كورس كلوميد تاني ودافستون وحاليا استعمل الدافستون لكن الم بظهري وجنبي اليسار واتبول كثير ونفسي خايسه وغثيان وحرقه والم بصدري وحبوب حمره تحت بطني والم بمبيضي اليسار ونوم وكسل وافرازات كثيره بس شفافه
و بكره اخر يوم دافستون لمدة خمس ايام اخذتها وبيكون بكره كمان يوم 25 من دورتي الكل حولي يقول شكلي حامل وشككوني بنفسي واقلهم كيف اصير حامل ومافي تبويض من اصله فهموني احد صار معاه كده يقول الدكتور لها مافي تبويض وحملت..

وماني محلله الا بعد الدافستون باسبوع اعاند نفسي عشان ما اتعب نفسيتي:22: ويارب ما اشوف الهانم من غير شر بعد 9 شهور..