من وانا بالمتوسط وانا ذابحني هالتفكير ومو قادره اتخلص منه

مستحيه افضفض هنا
بس ضايقه فيني الدنيا من التفكير اللي ماقدرت اتخلص منه:44:
والله فيني العبره ودي اطق راسي في الجدار عقاباً لمخي

من وانا بالمتوسط بأولى متوسط وانا دايماً افكر بالزواج
وبالشخص اللي اقدر احبه واحس فيه جنبي واللي يهتم فيني ويحس فيني
كل دفاتري رسومات وشخابيط وارقام كلها احسب متى بيصير عمري بـ عمر الزواج
كل ليلة من يوم احط راسي على مخدتي وانا أتخيلني انا وزوجي وحياتنا
في بيتنا و بطلعاتنا وبهواشنا وبزعلنا كنت اعيش حياة خياليه قبل النوم
ماكان بيدي اتخلص من هالتفكير .. ولاكنت اعترف لأحد أو ابين اني متلهفه على الزواج

تعبت ومو بيدي ابدا تخلص من هالتفكير اقول خلاص انشغلت بدراسه في الكلية وبتعب الدراسه
بس برضو ارجع اصيح وانهار من التفكير .. تمر السنين ولا يطق بابنا ولا خاطب

إحنا جماعتنا ماياخذون اقارب ولا لنا طلعات وروحات بيتوتين جداً بس من جدتي لخالتي لعمتي
وزواجاتنا مختصره ماينادون فيها احد يادوب امي بس :44:


انا تعبت لا أنا قدرت اتزوج ولا أنا اللي قدرت اتخلص من هالتفكير واعيش حياتي زي باقي البنات

بخاطري اتزوج بخاااااطري ياناس اتزوج والله تعبت احسب عمري واحسب متى اتزوج( طبعاً هالكلام هذا مستحيل اقوله لأحد لا أمي ولا إي احد من صديقاتي )


ادري العرس مو كل شيء بالحياة بس انا مو قادره انسى الفكره :icon33:
كبرت وكبرت افكاري معي معد صارت بس حاجه عاطفيه

انا مابي الحرام ومابي اكلم شباب ومابي اشبع نفسي بالحرام مابي
ومابي اني اظل دايم تعبانه من هالتفكير ومن هالهواجيس ومن الرغبات


أدري إنو الموضوع كله بعين البعض مو مستاهل كل هالتعب
بس انا زيكم حاولت اني اشوف تفكيري سخيف واتجاهله واشغل نفسي بأمور اكبر
حاولت اغمس نفسي مع المشاريع التطوعيه حاولت اني اتجه اتجاه ثاني في حياتي
انمي مواهبي وانمي ثقافتي بس تعبت سنييين وانا اغمس نفسي بهالأشياء ولا قدرت اتخلص
من الرغبه اللي بداخلي من وانا صغيره من وانا بزر بـ 12 :icon33:


انا فضفضت لكم لأنكم الوحيدين اللي بقدر افضفض لهم
وابي دعواتكم .. بما ان الدعوه لأخيك المسلم في ظهر الغيب مستجابه

انا دايما اقرا مواضيعكم يابنات والله وادعيلكم من قلبي وكل ما امر بتوقيع بنت ادعي لها :icon33:

آآه بس تعبت من كثر ماتصنع عند البنات إني ما أفكر بالزواج وان تأخره شيء عادي ومو مهم:44: