شمس راكبه جمس :

لا فض فووكِ يالغاليه وموضوعك جى في وقته وفعلا انا قرأت الموضوعين اللي نزلو بالمجلس العام واستغربت من هالحمله اللي شانينها على تبوك واللي ما يدري عنها يصدق كلامهم وفعلا في عضواة بالمنتدى ما يعرفون تبوك وينها فيه اصلا ً ومثل هالمواضيع تعطي صوره سيئه عن تبوك وتشوه صورة منطقتنا ويكفينا قصيدة الامير خالد الفيصل في تبوك مـن ابهـا الجنـوب الـى تـبـوك الشمالـيـه تهـل السمـاء مـن عاطـر الـورد والـكـادي ثـلاثـيـن يـــوم بـــاول الـوقــت وسـمـيــه تقـوم الفيـاض وينـبـت السـهـل والــوادي تـحـيـه مـــودة يـابــن سـلـطــان مـثـنـيـه أ ورد ضـمـايـاهـا عــلــى كــــل مــيــرادي ألبـي لـك الدعـوة واجــي هــاوي الجـيـه لابن عمي اللي مثل جدي السماء بادي ((ولاهــل الشـمـال الطيبـيـن الشلاقـيـه رجـال فعايلهـم علـى روس الاشهـادي)) بــلاد بـهـا كـــل الـقـيـم والـشـيـم حـيــه على الدين والاخلاق من عهد الاجـدادي بــــلاد لــهــا حــنــا بـــــالارواح مـفــديــه لـنـا الـوغـى والـمـوت والـنـصـر مـيـعـادي رجـــال الـعــرب حـنــا اصــايــل ومـنـقـيـه ودستورنـا الـقـرآن مــن عـهـد الاجــدادي شمال وجنـوب وشـرق وغربـن سعوديـه تـحـت رايــة التـوحـيـد تبـقـيـن يـابــلادي وبعدين تبوك مثلها مثل اي بلد في العالم مو بس المملكه يعني تحدث فيها الجرااائم ومشاغبات من بعض الشباب هداهم الله وهذا ما يعطيهم الحق انهم يعممون على كل اهل تبوك انهم عربجيه وقتالين قتلا والله اللي يقرا مو اضيعهم يحسب انا عايشين في خوف وانا ما نقدر نطلع من بيوتنا بالعكس الحمد لله عايشين في امن وامااان وانا والله ما ابالغ ولا انااافق عشان بلدي بس والله هذا واقعنا الحمد لله ننزل الاسواق ونروح المنتزهات بكل راحة بال وزوجي كل يوم يداوم واجلس انا واطفالي بالبيت لحالنا واحيانا ًيجلس 24 ساعه بالدوام والحمد لله ما يصير لنا شي بالرغم اني بغربه بعيده عن اهلي بس الحمد لله كاني وسط اهلي والله ان اهلها ناس طيبين واهل نخوه وكرم يا اخوات خلوني اكون صريحه معكم لكل مجتمع سلبياااته وماننكر انو تبوك صارت فيها جرااائم قتل لكن هذي حالات فرديه لا تمثل مجتمع باكمله وتمثل انفسها ماتمثل كل اهل تبوك يعني لوكل ما سمعنا عن مدينه بالمملكه انو صارت فيها جراااائم رحنا وسوينا مواضيع عنها وقلنا فيها وفيها وشوهنا صورتها على كذا كل المملكه صارت الصين الشعبيه وشيكاغو وكلها جرايم وقتل ومافيها لا امن ولا امان يعني يا اخوات بضرب لكم مثل لو بنت اخطأةوغواها الشيطان وهي من عائله معروفه ومحافظه ومحترمه وانتشرت سالفة هالبنت بين الناس تلاقون الناس تاكل في لحم هالعائله ويجلسون يطلعون قصص واشاعات عنهم بالرغم انهم عائله محافظه ولهم سمعتهم بس بسبب بنتهم صارو سالفة الناس قالو فيهم وفيهم وضلموهم بسبب عمل فردي من بنتهم وهذا اللي صار لتبوك يعني الخير يخص والشر يعم يعني ياعااااااااالم اللي يصير في تبوك حالات نادره وتحدث في كل مجتمع واتركوكم من الاشاعات والكلام المبالغ فيه تلاقون اللي طلعن الاشاعات جايات مع ازواجهن غصب عنهن عشان كذا كارهات تبوك ويشوهن سمعة تبوك هنا اسف لاطالتي لكن هذا غيض من فيض والف شكر للغاليه اسيره لفتحها المجال للدفاع عن تبوووك الورد وهي ورد بترابها وناسها وجوها :p

لا فض فووكِ يالغاليه وموضوعك جى في وقته وفعلا انا قرأت الموضوعين اللي نزلو بالمجلس العام ...