من ولدت صاير يجيني كثير 😭

مساء الخير ( اللهم صٓلِّ وسلم على حبيبنا محمد)
انا والده توني ماصار لي اسبوعين 
ومن ولدت هالحاله جتني يمكن 4 مرات .. والله اني صايره اكره انام ومع اني اتعب بيومي واكون مرهقه الا ان يجيني ارق وانام بصعوبه من التفكير 
يجيني جاثوم اسمع ولدي الصغير يبكي وماقدر الف عليه اكون مثبته واشوف زوجي واحاول اناديه بس ماقدر 
مره كنت نايمه قريب الفجر ومعطيه ولدي ظهري هو بسريره نايم وصحيت اسمعه يبكي بقوه ومتخيله ان الخدامه تحاول تذبحه بسم الله عليه واشوف زوجي نايم واحاول اناديه احاول الف على ولدي ماني قادره جلست يمكن دقيتين على هالحال وقلبي بيطلع من مكانه من الخوف على ولدي بعدها فكني ورحت لسريره وماكان يبيكي ولا شي نايم بسابع حلم ومره اسمع ولدي الكبير يناديني وهو خايف ويطق باب غرفتي واقوم مفجوعه ولا يطلع في شي.. زوجي قالي اقري المعوذات وماعاد يجيك انا اقرا اذكاري كل يوم واحصن عيالي كل صباح ومغرب ولما بنام اشغل قرآن عندي بس ليش كذا يصير ماعرف 😭 
الله يخليكم ايش الحل .. والله احس بيوقف قلبي بيوم من الايام من كثر الخوف امس عجزت انام خايفه اصحى على فجعه .. ما نمت لما رحت لغرفة ولدي وجبته لغرفتي واخذت الصغير من سريره وفرشت لي ولهم ونمنا على الارض