من ولدت للحين ماجربت النوم في الليل واسمع صوت من تنفس بنتي

نفس معانتي
قل نوم ماتاخذ 5 دقايق على بعض الاهي قايمة
وتصيح والخشم مسكر والسعابيل مسوية زحمة
واشوفها امس طلع راس اسنانها من تحت
انتي اطحني شوي محلب خوى جوى
واذ ماعندك نقعي مرة وزعفران وافركي لثتها كل ماطرى عليك
وادهني قاع رجلينها بالفكس لاتسالين لية ؟سويتها لبنتي ورقدت

مشكووره والله يعطيك العافيه
وين البقيه ؟؟!

شوفي يا عمري ...

بنتك والله اعلم تشكو من شي داخلي ..

خذيها لطبيب انف واذن وحنجرة خاص بالاطفال .. د.العمار في مركز الحبيب ..

انا اسمع صوت خشخشة من ولدي ونفس مشكلتك والله ان قلبي يتقطع عليه وصار فيه لحمية ..

والاسنان .. المحلب ممتاز بس بصراحة ما جربته .. الكل كان يمدحه بس ما كان متوفر عندي..

ما تشوف شر ..

حبيبتي الله يعينك ذكرتيني بولدي لما كان في عمرها كان مجنني ذقت الوووويييييل , بس بعدين عودته ينام لحاله في غرفته و تعبت أسبوع أنام معاه عشان يتعود .. و ألحين يوم يفرحني و يوم يزعلني ...

حبيبتي حاولي تنظمي نومها اطلعي معاها خليها تتحرك و تلعب و لا تخليها تنام بالنهار في البداية عشان تنعس بالليل ... و اذا اعتدل نومها , خلي قيلولتها بدري يعشان يمديها تنعس و تنام بدري يالليل ... يعني مثلا نوميها الساعة 10 بالليل , و اذا قعدت 9 أو 10 الصباح خليها تنام مثلا 1 أو 2 الظهر مو أكثر لمدة ساعة و نص أو ساعتين .. و من الساعة 3 أو 4 خليها تلعب و تتحرك عشان ما تجي الساعة 10 أو 11 الاّ و هي نايمة ... و ممكن تحمميها قبل النوم و تدلكيها بزيت الأطفال اللي بالبابونج أو اللافندر مهديء للأعصاب أو بزيت الزيتون الدافيء ... و تاخذينها غرفة هادية و تغنين لها بصوت هادي ... و ان شاءالله تتعود ...

بالنسبة لخشمها .. اعرضيها على دكتور يمكن عندها لحمية و هذا اللي يخليها ما تنام ... و فيه حبيبتي بالأسواق و الصيدليات أداة تسحب السوائل من أنف الطفل شكلها مثل الخرطوم اسألي عنها الصيدلي , و تلاقيها في سيتي بلازا أنواع واشكال ..

و الله يحفظ بنتك و يسلمها من كل شر

ام توفي مشكووره عدة مرات اوديها الدكتور ولا فيها شي حتى صرت استحي اروح للدكتور من كثر روحاتي له مع ان مشكلة خشمها جديده
امينه حبيبتي مشكووره بس غريبه في عمر بنتي نومتي ولدك لحاله ؟! بالنسبه لنومها والله عجزت اعدله مافيه فايده تصوري من ولدت فيها للان ماجربت اني انام في الليل ؟! مو عارفه لييش هي كذا احيانا ما اخليها تنام في النهار بالمره ولاحتى نص ساعه وهي تبكي تبي تنام احاول الهيها باللعب وبس تجي الليل حتى لو نامت شوي وتقعد مصحصحه ؟؟ وتظل كذا ليين الشمس تطلع والا اذا نامت شوي وتجلس وعلى ماتنام يطير النوم من راسي ماتنام بسرع ترضع وبعدين اقل حركه تقعد واهزها وتحوس مادري وش تبي هي بتقعد واذا قعدتها تبي تنام واذا نومتها تحوس تبي على كتفي وهكذا طوووووووووووووول وقتي والله ابكي من وضعي معاها حتى زوجي متضجر الاكل مايجهز الا متأخر مادري لمتى وهي بتظل على هالحال ؟!