من وين أبتدي

طيب حلو انك فكرتي كذا
اهم شي العزيمه وانتي عزيمتك قووويه
اامم انا عندي استعداد تام اني اساعدك
انا مااعرف شي عن الرجيمات بس ابشري ابحث لك ياقمر
اللي عندي حاليا ابي اقولك ع حمام السونا هوا ينحفك وكمان يفتح لون بشرتك
طبعا مع كريمات وخلطات طبيعيه راح اوصفها لك انا شخصيا جربتها
وكمان يبغالك تمارسين السبووووورت اهم شي
اامم ارسليلي ايميلك ع الخاص عشان اشجعك اكثر
لاني ماادخل منتديات كثير
صديقتي وربي انها كانت متيييينه وماشاء مع استمرارها ع سبورت ونوع رجيم مدري بسألها وربي انها نححححححححفت

وانا بعد مستعده أسآآعدك من خبراتي وتجاربي
والعزيمة والإرادة أهم شي ...
تحدي السمنه وغيري حياتك

خصصي لك اسبوع في الأجازه مثلاً ماتطلعيين فيه لأي أحد ولا يجونك الناس
وأبدأي زيتي شعرك وأدهني جسمك كلله بزيووت وسوي رياضه كذا بينشد جسمك ولايصير فيه ترهل لأن الزيت يمنع التمدد والترهل
خصصي لك وقت رياضه في الصباح ساعة كاملة وفي الليل 20 او 30 دقيقه

وكثري من الزبااااااادي لأنه معروف يقتل البكتيريا الضاره ويصفي الوجه والجسم ويطرد السموم
والزبااادي معروف عدوو الكررش وآكلي تفاح على الريق في الصبااح
أقصد التفاح الأخضر ..

طبقي جدول حور الجنان للجماال

هذي مشاركاتها

اهلين حبيتي
استخدمي رجيم التمر هو :
الفطور/
جيبي 7 تمر مع لبن فليل الدسم طبها اكيد ماراح تشربين لين على الصبح ههههه ممكن تشربن حليب او قهوه
الغداء/
7 تمر مع لبن فليل الدسم
العشاء/
7 تمر مع لبن فليل الدسم
مع المشي كل يوم30 د

دكتورعبدالباسط السيد يمدح هالرجيم يقول ينقص 20 كيلو في الشهر
ودخلي نادي صحي مره حلووو
اما عن الخلطات الجسم يمدحون خلطه صابون الغار والمنتداء مليان مليان من الخلطات ماشاء الله
واي شئ انا حاضره
ان شاء الله اكون افدك
ادعيلي

ياقلبي انتي اول شي مشكلتك صعبه صعبه صعبه مالها حل








^
^ ماعجبك ردي بس حبيت اصدمك عشان تعانديني وتقولين بصوت عالي وبكل ثقه لاااااااا لها حل وبتشوفين يا ام بدر

<< وهذا اللي انا ابيه انك تكونين واثقه ان لمشكلتك حل

والحل انتي تعرفيه


1- الريجيم + رياضه + كريم ترطيب فقط ( ابدأي مرحله مرحله يعني هذي تكفي حاليا يعني ان شالله لما تنحفي تبدي بكريمات مبيضه وتساوي لون البشره ...)... والريجيم ابدا لاتسوين الا ريجيم من طبيبهلان الريجيمات اللي بسرعه تنزل وزن هذي تضرك اكثر من انها تنفعك
2- تسجلين باي دورة ( كمبيوتر او انجليش او تحفيظ ) او ممكن 2 الثلاثه اهم شي يكون وقتك مزحوم بذي الدورات عشان تنسين الريجيم وماتقعدين تراقبين نفسك يوميا كل يوم انا نزلت انا نزلت لا مانقصت وبكذا راح تملين من ثاني يوم ..

يعني الصبح تقومين تاخذين دوش و تحطي كريم مرطب تفطرين عالسريع وتحطين واقي وعالباب احظري الدوره الاولى خلينا نقول حاسب .. ترجعين الظهر تعبانه موووت وتتغدين وتروحين تنامين ساعه وتقومين وعالسريع تلبسين وتروحين تحظرين دورة تحفيظ لمدة ساعه بعدها تروحين نادي رياضي وتسوين تمارين لمده ساعه وترجعين المغرب تريحين شوي وتروحين لدكتور الاسنان او السوق او اي مكان ( تظمنيين انك ماتاكلين فيه ) او ( تقعدين تحفظين السور اللي اخذتيها بالتحفيظ العصر )ترجعين بعد العشا وتتعشي وحمام سريع وكريم ترطيب
وبكذا راح تكونين مهدوده هد من التعب ونوم العوافي .. وبكره نفس اليوم

اشغلي نفسك طول الخط لاتخلين لنفسك مجال انك تكونين فاضيه عشان ماتحنين للاكل

واذا فرضا لا قدر الله فضيتي وجا على بالك اكله حلوه يااااااا الله ..< ترا اعرف شعورك ... انتي اقوى من كذا وعزيمتك واصرارك اقوى من ان تهزك لقمه
صح ولا لا ..؟


اذا كان صح انتي تستاهلي اني انزل لك طريقة الريجيم الصحي اللي اخذته ماما من طبيبه تغذيه
( على فكرة ممكن تكوني تعرفين ان الريجيم الصحي الصحي ينزلك من 2 الى 3 كيلو بالاسبوع فقط

يعني ينزل وزنك بطريقه صحيه من دون ماتضرين جسمك واعضائك الداخليه وايضا لما ينزل بالصوره هذي تظمنين انك ماتزيدين بعد كذا لييييييييييه ..؟
تدرين ليه ؟

لانك تكونين غيرتك عادتك الغذائيه لفترره طويله وعرفتي انك تزيدي وزنك بلقمه هنيه سهل جدا لكن انك تنزلين وزنك الكم كيلو اللي اخذتيها من اللقمه الهنيه السابقة الذكر تعبك كثير وكان صعب بالتالي اللقمه ماراح تهنا لك الا اللقمه الهنيه الصحيه بكميه محدوده مو تاكلين الصحن كله

على فكره ذا الريجيم انا سويته مع ماما وتصدقين اني اول يوم حسيت اني ادوخ من الجووع بس اليوم الثاني والثالث جووع بسيط بس بعدين عادي ولا جوع ولا شي .. بس صح اني لما اشوف حاجه حلوه اني اشتهيها وكذا مرره كسرت الريجيم بقطعه حلا بس مع ذلك نزلت كم كيلو

وتدرين وحده من جماعتي تسوي ذا الريجيم من تقريبا شهر سته السنه اللي فاتت ونزلت كثير ماشالله ومازالت مستمره عليه من غير ماتحس

نجي للريجيم


الفطور الساعه ثمانيه الصبح :
1 بيضه او 3 ملاعق فول او 3 ملاعق عدس واذا حابه تحطي عليهم زيت زيتون ملعقه وحده بس
+ 1طماطم مقطعه شرايح + 1خياره
+ ربع خبز اسمر
+ كاس شاي بدون سكر اونص كاس عصير فاكهه او كاس حليب قليل الدسم


وفطور العافيه

وجبه خفيفه الساعه 11 الصبح :
عباره عن زبادي قليل الدسم او شابوره دقيق اسمر حبه وحده بس مع شاي بدون سكر


الغدا الساعه 2 الظهر
ربع دجاجه مشويه في الفرن او مسلوقه او لحمه مشويه بحجم الكف او سمك مشوي بحجم الكف
+ طبق سلطه خضار ( زي ماتحبي )
+ 8 ملاعق ارز ابيض او مكرونه او بطاطس مسلوقه او مشويه او ربع خبز بر
+ شوربة خضار بدون دسم



العصر وجبه خفيفه الساعه 5 عصرا :
حبه شابوره بر مع شاي بدون سكر
او زبادي قليل الدسم


العشاء 8 مساء:

ربع خبز بر + طماطمه او خياره + جبن منزوع الدسم او 3 ملاعق فول او 3 ملاعق عدس او بيضه

ونوم العوافي

تقدرين تاكلين حبه واحده فاكهه في اليوم طبعا تبتعدين عن الموز او العنب لاهم يزيدون الوزن



< تطبيقي لذ الريجيم ... طبعا انا احب السكر فكنت اقول ما اقدر اشرب الشاي بدون سكر ف كنسلت الشاي بالمره من الرييجيم

اول الايام كنت اكثر الرز يعني الملعقه الوحده املاها مرره واحيانا اكررم نفسي واحط 9 ملاعق رز بس بعدين صرت احط 8 ملاعق بس ولا اكله كله يعني ابقي منه

ابدا الاكل بالسلطه فتملا المعده بسرعه فلما اكل الرز بعدها على طول احس بالشبع بعكس لما ابدا بالرز وبعده السلطه

تصدقين اني بديت الريجيم وخلصته ولا وزنت نفسي الا مرتين فعشان كذا كنت افرح بالانجاز لاني صرت لما اوزن القى نفسي نزلت كثير



يعني لا توزني كثير كل اسبوعين مره وحده

واي سؤال وانا حاظره

على فكره كل شهرين روحي اشتري لك ملابس جديده بالمقاسات الجديده وانبسطي بوزنك الجديد




بعدين ان شالله لما تنزلين للوزن المطلوب اللي هو 65 كيلو

ابدي ببرنامج للعنايه بالبشره من تببييض او تفتيح او اللي تبين

اتمنى اكون افدتك

سلامي

شكراً لجميع الأخوات إلي شاركن في موضوعي وفعلاً أنا وياكم إني لازم أركز في البداية على موضوع الوزن وعقب أبتدي في برنامج العناية والله يسعدكم ويحقق إلي في بالكم يا رب وأنتظر تجارب بقية الأخوات ولا تنسون تدعولي بالزوج الصالح والذرية الصالحة لي ولأخواتي ولجميع بنات المسلمين.