من وين اشتريت ملابس بناتي؟

العنوان قريب من الموضوع
السالفة وما فيها ياخواتي اني ابي الحل والمشورة منكم بعد مااستشرت المقربين وعطوني حلول استحي اسويها لاني من النوع اللي مااقدر افشل احد
مالكم بالطويلة
هاذي بنت حماتي بناتها كبر بناتي وكل مانتقابل مع بعض تلحق بنتي (5 سنين ) اذا طلعت برا وتفتش التكت اللي على ملابسه وتفتح البنطلون وترفع التنورة وتلمس الشعر اما الصغيرة ( 8 شهور ) اذا شافتها مع الشغالة تروح تفتش وتشوف التكت حق ملابسها لحد هينا بكيفها مسكينة عاجبها اللبس وتبي تدري من وين ( طيب ليش ماتسألني انا من النوع اللي اسولف عادي رحت وشريت وما اخبي ومااكذب اقول المحل واوصف بعد ) وبس اللي قاهرني ومخليني ابغاها توقف عند حدها تقول الشغالة تطالع المصاصة اش نوعها وتقلبها وتطالع الاكل اللي في الصحن خلص او لا وتشوف الرضاعه ترفعها شربتها كلها ولا لا!!!!!!!!!1
اش رايكم السالفة ذي لها خمس سنين وانا ساكتة وما كاني ادري ودي ابين لها تراني مانمت على اذاني وادري عن كل شي
ودي تسألني بدون ماتفتش من وراي
ودي بدون زعل لانة حبيبة ومابيني وبين اهل زوجي الا كل احترام
بس هالتصرف قاهرني وخايفة من عينها مع ان بناتها والله يلبسون احلى لبس وماركات وماقد كررو بس ماعندها ثقة بنفسها هذ ا تفسيري
اش رايكم لو انحطيتو بهالموقف اشلون اتصرف بدون مااسوي مشكلة ؟
وسامحوني عالاطالة