اكيد الاستعداد للعبادة يكون بالتجهيز قبل دخول رمضان الله يبلغنا إياه

ذكرتوني ... ونا ناسيه العيد ومقاضيه
الله يبلغنا اياه بالصحه والعافيه ان شاء الله

القرعاوي عنده اشياء مره حلوه وفخمه للعيد وفيه بيربري للصغار حلو او ديور
بس انصحك بالقرعاوي
لان الحين في الاعياد كل الصغار ديور او بيربري

الان يا اخوات .... هجمتو علي ... على بالكم متعصبه او معترضه على قضاء الله وقدره .. واللي تقول انتي خياطة وما ادري ايش ..

اولاً ان كان انتقادكم كوني خياطة . فبشهادة زبوناتي من المنتدى .
أنا اترزق الله _ لا ابالغ في سعر _ ولا اخيط عاري _ بالعكس ترى بزوناتي يجيون استر لهم فساتين واخيطها لهم (((( بلاش )))) ___ ماهب عبط ___

و اقسم بالله انه يجوني زباين .. حرمة بناتها كثار او ضروفها ما تسمح لها .. والله اخيط لهم ببلاش وبعضهم اصبر عليهم الشهر والشهرين ...

حطيتو اني احب الدنيا ...
ما صرت خياطة .. إلا اترزق الله .. وهالشي موب حرام ...


ثانياً : تتفرغين في رمضان ... يا اختي ما قلنا شي ...

بس ليه تميزون رمضان عن باقي الاشهر بالعباده ... شهر رمضان فضيل ما قلنا شي و نعرف فضله وما يختلف عليها اثنين ...

بس ليه التعبد الخالص لله في رمضان فقط ... نصكم ما يعرف القرآن إلا من رمضان إلى رمضان ( والله المستعان )

الامر الاثالث : ليه الناس صار اللبس اكبر همهم .... عندي طفلة عمرها سنة ونص .. ليه احطه حكاية .. أي محل أقدر الاقي اللي يناسبها ..
ماهي كبيرة اقول والله عجزت عن ذوقها ... او هي جسمها جسم حرمة كبيرة و عمرها صغير ضايعه لا هي طفلة ولا هي كبيرة ...

الطفل اي شي يكفيه دامه مرتب و حلو و مناسب للون بشرتها و حجمها .

______ ليش تركتو موضوع الاخت والتفتوا لرأيي ...______

تحسبونكم افدتوها ...
عطيتوها معلومة .....
لا ....
دخلتو وشنيتو حرب علي كأني مكفرتكم ...

الاخت اشيل جروحي بروحي .....

تعالي انا افيدك دامك تبين التفرغ لرمضان ....
الطفلة بهالعمر تلاقين كثير مناسب لها .. ولكن قبل ما تشترين ... تذكري امور كثيرة :

1- أشتري لبس اكبر من عمرها الان لان الطفل بعمر الاشهر يكبر بسرعه و يتغير مقاسه من شهر إلى الشهر الثاني .

2- انتبهي لمسألة الفصول لانه ما تدرين هو بيصير حر او برد ..

3- حاولي تبحثين عن موديلات جديدة غير محلات الماركات .. لان الناس تبي تشتري ملابس و تلبسها قبل العيد و تلاقين موديلاتها نفس الموديلات اللي انتي مشتريتها لبنتك ولك ..... يعني يلبسونها قبلكم و يحرقونها عليكم .

4- لذلك ابحثي عن محلات غير معروفه و بتلاقين اشياء مرره حلوة وما ارح تلاقينها على احد لان الناس كلهم يركضون على الماركات ...


5- ...... فيه خيارات كثيرة .....

ان حبيتي أريحّك ...... أشتري لها انا ملابس العيد وارسلها لك ....

وتراها بسعدني ...

اللـــــــــــــــــــــه يهديكــــــــــــــم