فعلا انا مع البنات اللي قالوا نعتبر الترويش علاج
والله انا اول مااطلع من المستشفى ع طوووول اتروش انا والبيبي وعطورات
تخيلي يجيني زوي وانا وسخه وريحتي خايسه

مين قال بالعكس التروش من اول ما اقدر اقوم من فراشي بالمستشفى لااااااااااااااااازم تروش ويوميا طول الاربعين ونتعطر دائما وانا من نجد ونهتم بنفاساتنا من ناحية الاكل وغيره..
وموضوع الماء قي ناس صح عندهم هالخطا يخلطون بين الشرب بالاساس وبين شرب الماء البارد فالمحذور هو شرب البااااارد بس والا تكثير الشرب من الماء المعتدل مطلوب بل ينظم الهرمونات..
وموضوع الشمم فيه خطا ومغالطات كثير ما يفهمونها صح ..
اولا :: الشمم هو الي يسمى الالتهاب طبيا يجلس الجرح يفرز صديد ويشد ويالم وين ما كان مكانه في الجسم يعني مو خاص بالولادة بس..
ثانيا:: الشمم يصير مو لكل الاجسام او الجروح.. فهنا الناس تحتاط منه من البداية من باب درهم وقاية خير من قنطار علاج.. يهني مو شرط يصيب كل احد..
ثالثا:: فكرة الشمم ان الجرح يتاثر بالروائح النفاذة مو شرط العطور بس لكن لانها من اكثر الاشياء الي ممكن يتعرض لها المريض..
رابعا:: من الوقاية من الشمم ان الوحدة تتعطر او تحط قطن معطر عندها في ملابسها من اول ما تولد .. لاجل الجرح ما يستنكر العطر وتضطر للعلاج عن طريق المرة او المضادات الطبية فيما لو كان الجرح قابل للشمم او الالتهاب..
وانا بتفسي اسوي الطريقة هذي والحمد لله يوميا انواع العطور ولا شمم ولا غيره بس من التاسع اجمع قطن بكيس واعطره بالي عندي من العطور المختلفة واحكم اغلاقه وكل اسبوع ارجع واكرر التعطير على نفس القطن حتى ما يتبخر العطر وتخف الريحة..
ولما اروح للولادة احط القطن هذا بين جسمي (الصدر) واللانجري .. والحمد لله ما اضطر لا للمضادات ولا التهابات ولا غيره.. واظل اتعطر بالي اشتهي طول نفاسي(طبعا مع التاكيد على النفطة الي ذكرتيها بخصوص الرجال والعطر)
ومع هذا ما انكر ان في ناس موجود عندهم انواع من الاعتقادات الخطا بس حبيت اوضخ لك ان في عادات صح وممكن يخلط بينها وبين الخطا..
طولت عليك بس حبيت اوضح عدة نقاط ببالي..
وارجع ااكد مثل ما قلتي دييينا دين مظافة.. والتروش ضروري ومهم يكفي تحسي بالانتعاش والنظافة وتبتهج نفسك..
وكذلك البيبي يوميا او كل يوم ورا يوم يحمم.. حتى سبحان الله ينمو مع التحمم ..
والخلاف في الراي لا يفسد للود قضية..

ياحلوكم اخواتي احب فيكم الذوق في الرد على لو نختلف في الرأي مومشكله واهم شي ان الجميع متفق معي عن النظافه لا ضرر منها وتشرفت بردودكم وحياكم الله
وعلى فكره انا ماصورت المرأه السعوديه على انها انسانه قذره وغير متحضره وانا ماشوهت المرأه السعوديه انا سعوديه ولو ما احب بنت بلدي واحبها تظهر في افضل صوره ما حاولت اصحح بعض الأخطاء وعلى فكره الخطأ وارد مني ومنك ومن كل جنس بشري سواء سعوديه هنديه مصريه سوريه افغانيه صينيه امريكيه ايا كانت الاعراق المهم ان اللي يجمعنا دين واحد يحث على اشياء طيبه ومنها موضوعي النظافه فياليت البنات يكونو موضوعيين لو قليلا سبحان الله لو انا جايه اتكلم عن وحده مو سعوديه الكل صفق لي والكل جلس يسب في المسلمه ويعمم الخطـأ على كل بنات بلدها مع العلم ان الخطأ يرد من الجميع
وارجع اقول انا انتمي للاسلام ديني قبل ان اقول أهل نجد واهل الجزيره العربيه واهل ما ادري ايش
كلنا تحت ظل الاسلام عصبيه قلبيه حتى في محاولة تصحيح الاخطأ تجي كل وحده تمدح موطنها ومنشأ اهلها والوضع ما كان فيه اي شتيمه لأحد او تشويه لصورة منطقه او ذم لأهل مدينه بحد ذاتها
وتشرفت برد الاخوات العزيزات وكلامكم على العين والراس اعتز فيه ربي يحفظكم من كل مكروه

بسم الله الرحمن الرحيم
مرحبا اخواتي العزيزات :26:موضوعي اليوم للنقاش وبشوف ردودكم ورأي كل وحده فينا واختلاف وجهة النظر لا يفسد للود قضيه بالعكس الكل ياخذ معلومات سواء اقتنعنا فيها اولا
بنات فيه ناس كثير ترفض مبدأ الاستحمام اثناء الدوره واثناء النفاس بحجج ( هواء _ خراب ما ادري وشو خخخخ_ يضر الرحم _ كلام والله كثير حتى السرطان الله يكفينا الشر ربطوه فيه ) وبعضهم ماتتعطر بعد الولاده على طول عشان مايجيها ( شمم ) حاجه اهل نجد يسموها كذا خخخ وهذا خطأ

...
عفوا بس كان في اشارة معينة من كلامك فاحنا اهل المنطقة حبينا نوصل المعنى الصحيح للعادة هذي وما يتعلق بها.. ومو القضية لا تعصب ولا شي لا مننا ولا منك برضو .. فقط احببت ابين المعنى من هذي العادة وانو انا من اهل نجد حتى تكون الصورة واضحة.. من باب اهل مكة ادرى بشعابها .. يعني احنا الي راح تكون علينا مسالة توضيح هالقضية .. لا اقل ولا اكثر..

وارجع اقول مثل ما قلتي المسالة للنقاش والاختلاف في الراي لا يفسد للود قضية..
وكل يؤخذ من قوله ويرد الا محمد صلى الله عليه وسلم.

حياك اختي ليلوسا وربي يحفظك اولا انا لو دققت في كلامي من اهل نجد واضح علي مررررره مو من الطبيعي اني رح اسب اهل منطقتي وبالنسبه لذكري اهل نجد يسموها كذا اقصد بالشمم كتنويه لأهل الحجاز مثلا مايعرفو الكلمه وانا اصلا اعرف طبيا ايش المقصود بكلمة شمم هو نوعا ما (التهاب بسيط ) قد يصيب اي مكان مجروح او مفتوح حتى لغير النفاس حتى للحروق والجروح وغيرها يعني هو موجود مو معنى كلامي اني اكذب هالشي بس انا حبيت ابين ان مايسمونه الشمم لا يمنع استخدام العطر كما يعتقد البعض هذا كل الحكايه وللمعلوميه حتى مجتمعي يسميه شمم بس مع الوقت صار التهاب خخخخخخخ يعني بس تغير بسيط في المسمى ياقلبي عمر الانسان ماكان يصلح الكون بكلمه انا اعرف لكن توصيل فكره او راي معين فيه نوعا شي من الصحه لا يسبب اي مشاكل او اي تشويه او ذم لأحد او مجتمع معين ولاتزعلين يالغاليه حقك على راسي من فوق انت والجميع المره القادمه لن نذكر اي اسم لأي منطقه حتى لا يتحول الكلام لمنحى آخر ويفهم على انه استهزاء وربي يشهد علي اني لم اقصد استهزئ لكن ؟؟؟ لا مشكله !!!
ربي يحفظك اعجبني فيك تواصلك مع الموضوع ماشاء الله روحك جميله ونقاشك بناء
رعاك الله والجميع