طبعا كلنا نعرف اسئلة الصغار المحرجه واللي احيانا مانعرف نجاوب ونرقع من هنا ومن هنا ماتجي عاد الصغار او صغار الطيبين اما اللحين ماعاد فيه صغار صاروا يعلمون الكبار مالكم في الطويلة ..
زمان وانا صغيرة كانت امي حامل .. سالتها كيف ؟جبتينا وكيف صار في بطنك نونو ؟؟
قالت لازم اتزوج وفي الليل اروح عند الشباك وأدعي الله يرزقني نونات وانتظر لين ينتفخ بطني ...
(طيب تسلمين يا يمه اجابتك مقنعه وحلوة بالنسبه لي كطفله فديت الاجابه الحلوة يمه .
!).لكن شووفو الطامه ...
قابلت واحده من عماتي اخت ابوي الشقيقه < وش فيني اشرح
وسألتها عن موقف حصل لي معاها في الصغر ..
من برائتي لمن ولدت امي جيت عندها قلت ليش امي تعبانه كيف جا النونو ,, الخ
قالت :
تخيلو الاجابه !!
قالت : امك استفرغت وطلع النونو
يا عمه كيف كيذا ؟
وكبرت وانا احمل هذه الفكره يعني خلاص كل ما اشوف حرمه معها نونو اقول ذي طرشت وجابت النونو ( وانتو بكرامه )
.....................................
جلست اللين المتوسط وانا احسب الولادة بالاستفراغ
وانصدمت لمن عرفت وقعدت مكتئبه ,,
ليش يا عمه تقولين لي هالشي اللي عقدني العمر والطفوله كلها
انتي طفشتيني بأسئلتك ؟؟؟
!!وقامت تضحك ...
طيب هاتي اجابه مقنعه مثل اجابة امي .
. ما اقول الله يساااامحك يا عمه
... !!!! من قلي اتنيل واسألك ..
وانتو مرت عليكم مواقف طفوله واجوبه مضحكه سواء لكم ولا لعيالكم ....؟؟؟
ابوي زمان لاجاء قالنا قصه ع طول انا واخواني نقول وين كنا ليه ما اخذتنا قال كنتوا في راسي ثم تنطون من اذني لبطن امكم وبعدين امكم تكح بقوه وتطلعون
وعشنا سنين انا واخواني نحسب اننا طرزان ولا بات مان هههههههههه
الله يسقي ذيك الايام بس
وبنتي سألتني كيف طلعت اختها وريتها عمليه وزايده فيني من زمان وقلت شقوني منها وطلعوها وابشرك صدقت .....