فيني حررره من الخطوط السعودية
على الموقف اللي صار فيني وعائلتي قبل اسبوع في الاجازة الماضيه خططنا لهذه الاجازه من فتره طويله وحجزت بالنت على بيروت بتاريخ 5 فبراير والعودة 9 فبراير والتذاكر غير مسترجعة . وكنا مترددين بالسفر لها لما صارت احداث لبنان لكن هدات الاوضاع وعزمنا على السفر والاطفال مره مبسوطين لانهم يتمنون يشوفون الثلج على الطبيعة .
طلعنا المطار يوم السبت 5 فبراير الساعه 1 ونص وقطعنا البوردينق وختمنا الجوازات وشحنا العفش واحنا اخر وناسه واخذنا كوفي وجلسنا ننتظر النداء للطائره (طبعا صوت النداء عموما في مطار الملك خالد الدولي غير واضح ) ومع ذلك سمعنا النداءات لجميع الرحلات ماعدا رحلتنا بس زوجي يقول انه سمع النداء مره وحده وقمنا نصلي قبل لانركب الطياره على اساس انه فيه نداء اخر للرحله ولكن ماسمعنا شي ابدا ولما وصلنا للبوابه قال الموظف
تاخرتوا قفلت الرحله وتم انزال العفش. طبعا حاولنا معه بس مافيه فايده على ان الطياره نشوفها لسه ما طارت وفاتتنا الرحله وضاقت صدورنا وتحطمت نفسيات اطفالي من هذا الموقف
سؤالي ليش مانادوا علينا بالاسم ؟ وليش مالف موظف على الجالسين يبلغهم بالرحله مثل ماشفنا من موظف اخر كان يلف علينا وعلى المسافرين الباقين يقول البحرين البحرين واحنا محد لف يقول لبنان
انا الان ودي احد يدلني كيف اقدر اشتكي على الخطوط وابغاهم يرجعون لنا قيمة التذاكر او يعطون تذاكر بديله لبيروت على الاقل لاننا خسرنا حجز الفنادق وسببوا لنا نكد غير طبيعي طول الاجازه
حسبي الله ونعم الوكيل