من ياخذ حقي منها؟؟

‏السلام عليكم ،،
باخذ رايكم بموقف صار لي امس واتمنى القى عندكم حل يريح قلبي
انا من ثلاث اسابيع صبغت شعري بمشغل بائس جداً بشرق الرياض ماادري وش اللي ضربني على راسي وخلاني اصبغ عندهم وكنت موريتهم صوره للون واشتغلوا على شعري موظفتين من جنسية عربيه وتعرفون فلسفة اغلبهم بالمشاغل عليميات بالشغل بس " تسوي نفسها هي اللي فاهمه وشاطره ولا احد قدها" المهم النتيجه الاولى للصبغه كانت مقبوله بس قالت لي وحده منهم تعالي بعد كم يوم اعدلك اللون ب"الرنزاج" لانه صار برتقالي 💔 ويوم جيتهم امس على اساس تعديل صبغت لي الموظفه "وحده من اللي اشتغلت بالمره الاولى" لون واحد واختفت الخصل وصار غامق ولا له دخل بالخصل!!!!
مع اني عدت عليها كم مره قبل لاتصبغ اني ابغى اللون ينطفي شوي ماابغاه يتغمق !!
والحين اكلم صاحبة المشغل بالواتساب علشان تعوضني تقرا بكل وقاحه وقاة ادب وماترد وارسل لبنتها بالسناب اللي ماسكته برضو تقرا وماترد يعني واضح متفقين على التطنيش !!!
الحين وش الحل؟؟
مين يضمن حقي هل في جهه ممكن تادب هذي الاشكال!؟انا الحين عالاقل ابي تعديل للون ماابي فلوسي اللي خسرتها 600 ريال والله لا يحللها بكل ريال مدامها تشتغل بدون مخافة الله ولعب على الناس ،،
ابغى اي طريقه تادب هذي الاشكال الوقحه الطمّاعه
تكفون انتبهوا يابنات من هذه المشاغل القذره واهلها
لاتغلطون غلطتي
وحسبي الله ونعم الوكيل فيهم ،،