من يبايعني بقلبي انا بياع لجل انسى الحب اللي ضاع بشتري لي قلب ثاني

السلام عليكم ورحمة الله وبركاته
اليوم ابيي احكي قصتي اعتبرو الموضوع فضفضه
قصتي هي اني كنت بعمر 13سنه كنت لسه طفله بس بوقتها صرت اقرا كلمة احبك بكثره كنت استغرب ماني عارفه اش تعني هالكلمه
هالكمه كان يكتبها ابن عمي كان بيتنا جنب بيتهم كان كل يوم يكتب في ورقه صباح الورد وبعده كلمة احبك ويحطها في شباك غرفتي كنت اصحى الصبح افتح الشباك الاقي الورقه كنت استغرب واتسال اش معنى هالكلمه بس ماكنت اهتم ولا كنت ارد عليه مر اكثر من سته شهور وهو ع هالحال اخر شي كتبت في ورقه قولي اش معنى كلمة احبك كان رده اذا حبيتيني راح تعرفي معناها وبعد فتره قالي انو بيسافر لمنطقه ثانيه عشان يقدم امتحان الجامعه ووصاني ع نفسي وسالني اذا ابيي شي او ناقصني شي كلعاده ماهتميت وطنشت بعدما سافر ب5 ايام بديت افتقده وحسيت بغيابه

غاب لمدة20ورجع عندما عرفت برجعته فرحت ما ادري ليش فرحت وحسيت براحه ورجع لنفس عادته الكتابه والورق بشباك قعد فتره طويله ع هالحال وعندما عرف بحبي له وتعلقي فيه فاجاءني بسؤاله

اذا انا ارغب بزواج منه ولا لا وقال انتظر ردك مر يوم ويومين وثلاث ايام ما رديت كتب لي في ورقه قال ردي عليه هل انتي موافقه ولا لا عشان اعرف اش اتصرف اذا انتي موافقه بجي عندي عمي واخطبك قلت له اني موافقه وخلال اسبوع اجى عند ابي وخطبني اجى لحاله امه وابوه رفضو يجو معاه لانهم مو راضين بزوجه مني وعندما عرف ابي رفض وما وافق قعد 4سنوات وهو ياحاول فابي بس ابي عند ورفض اخر شي ابي وافق بس حط شروط تعجيزيه وبن عمي مايقدر يوفر ولا نص من شروط الوالد لانه كان يدرس جامعه وعنده وظيفه بسيطه ودخله محدود المهم مرت فتره قصيره الا وابي يعلني خطبتي من احد معارفه بدون علمي ولا علم امي ابن عمي اجى لابي وكان معصب وزعلان ابي قاله رجال وافق ع الشروط اللي انت رفضتها
قال لابي افسخ الخطبه مهلني سنتين ابي قال اوك بس بعد السنتين اذا ما وفيت بكلامك لا تلومني كان رده اوك ابن عمي عنده صديق مغترب في دوله عربيه من سنين كلمه يسعاده عشان يغترب عنده ويشتغل الرجال وافق وماقصر دبر الفيزا وفلوس السفر واستقيل ابن عمي عنده في بيته لمدة شهرين وبعدها حصل وظيفه وشتغل لمدة سنتين وبعدها اخذ اجازه ورجع البلد وبعد يومين من وصوله راح لابي وافق ع كل الشروط وعندما ابي وافق قاله ابي الملكه وكتابة العقد اليوم لان ماعندي وقت كافي ابي وافق وانا قلت طالما ان الرجال شاريني الدنيا بكبرها ما تهمني المهم خلال اسبوع صار كل شي وعمله حفله عائليه وخلصنا طبعا امه ما حضرت الحفله وسالته عنها قالي تعبانه وتبي ترتاح ابوه حضر وكنت اشوف الرفض بعيونه وملامح وجهه طولنا الحفله وسهرنا لساعه2ونص وبعده اخذي ورحنا بيتهم وصلنا وكنت مرهقه من السهر قالي ادخلي الغرفه ارتاحي ونامي وانا بعد شوي اجي انا قلت عيب بالاول اشوف عمتي واسلم عليها وبعدما سلمت عليها هو عتذر منها وقالها تعبانين بنرتاح ما قالت شي دخلنا غرفتنا قعدنا تقريبا 5 دقايق الا دخلت علينا امه بدون اذن ولا طق الباب ع طول فتحت ودخلت وقفت بنص الغرفه وكانت تحمل في ايدها فحم وفي اليد الثانيه بخور واول ما دخلت الغرفه حطت البخور على الفحم بطريقه غريبه وكانت تبخرني انا وبعدين صارت تمرر البخور ع زوايا الغرفه والسقف انتبهت ع طريقتها انها غريبه بس طنشت المهم اعتذرت منه وقلت له تعبانه لا تنتظر مني شي قال نامي ورتاحي نمت وصارت تجيني هذيك الكوابيس واحلم بثعبين واشياء كثير ما صدقت ع الله يطلع الصبح بعد 15يوم من زواجي زوجي سافر ورجع لوظيفته وشغله وانا قعدت عند امي بعد شهرين مرضت مرض شديد كنت اروح المستشفى كل التحاليل والاشعات تطلع سليمه مافيها كل يوم وحالي من سيء لاسواء قعدت سنه وانا اروح المستشفى وكل شي فيني يطلع سليم اخرها امي قررت توديني عند شيخ عندما وصلنا عند الشيخ وحكيت له مرضي وبدا يقرا عليه كنت احس جسمي ينحرق وبعد 3ايام من رقية العين الشخ قراء رقية السحر وهنا بدا الصياح والنياح وظهر اني مسحوره من ام وابو زوجي ابوه جاب السحر وامه حطته بين البخور طلع سحر تفرقه وللانجاب عشان ما احمل قعدت سنتين كل يوم امي توديني للرقيه واحيانا في اليوم مرتين نروح زوجي خلال السنتين اجى مرتين وخلص كل اوراق سفري لعنده وبعده حجز لي تذكره وسافرت قعدت شهر بعدما سافرت وانا اتعالج عند شيخ كان يوديني كل يوم والحمدلله شفيت ورتحت وتحسنت صحي وحملت فرحت فرح عجيب وبديت احلم واخطط لحياتي مع ابني او بنتي ويافرحه ما تمت وانا في الشهر الثالث من الحمل الجنين مات وصار فيه تسمم ودخلت المستشفى لمدة اسبوع ونزلو البيبي وعملو لي تنظيف ورجعت البيت بعد سته شهور حملت فرحت وفي نفس الوقت خفت يحصلي اللي حصل المره السابقه ودقعدت ادعي الله بان يحفظه ويخليه ويفرحني به والحمدلله مرت الايام ولدت وصار عندي ولد كان ابو طاير فيه من الفرحه كان دايما يحكي لاهله عنه ويوصفه لهم ويشرح لهم عن حركاته وضحكاته وكل شي فيه وبعدها هو سافر وشاف اهله وانا ما سافرت بحجة ان عندي ولد صغير وحامل وما في فلوس كفايه ومن هنا بدت معاناتي مع زوجي رجع من السفر متغير ع طول معصب ويصارخ ويلعن وهو طبعه هادي وحنون حاولت فيه يروح لرقيه قالي انتي اللي مجنونه انا ما فيني شي وكلام كثير ومن هذاك اليوم لليوم واحنا كل يوم هواش ومشاكل كل يوم يسب ويلعن واذا حتجت شي وكلمته تقوم القيامه وما تقعد ما يعطيني شي لي ومعشيني حياة الفقر وهو حاله ميسور والحمدلله مستعد يعطي كل الناس الا انا

اسال الله ان يصلح الحال والاحوال

طولت موضوعي بس حبيت افضفض