اللي انا قصدتها زي مثلا وحده نزلت موضوعها اكتبي قصه زواجك وهي قصه زواجها انها كانت في برنامج تصميم وزوجها تزوجها من هناك بس ماتعرف عليها وصار بينهم مراسلات وصور لا هو جا من الباب وهذا اللي اقصده ...

وكمان بعضهم ممكن من تويتر اما البرامج الهابطه زي الهوز هير او اي برامج تعارف ياجثرها وانا ماعرفها كلها مو برامج التواصل المعروفه

اكيد بيكون زواج فاشل الي ينبني على باطل الله ما يبارك فيه.

بالعكس دحين الشباب اتفتحو اكثر
والكل يبغ يتزوج عن اختياره يرفضو اختيار اهليهم
وبالعكس يعتبر زواج ناجح مو فاشل
طبعا مو الكل ،،لانو الزواج نصيب ،،زي مافي زواج تقليدي فاشل في زواج عن طريق الحب ناجح
وللمعلوميه كثييير اعرفهم اتزوجو عن حب وعايشين حياتهم افضل بكثييير من زواج تقليدي، ماشاء الله عليهم
حتى لو ماصار نصيب واتفرق،،يتفرقو بهدوء من غير مشاكل عكس الزواج التقليدي
،،مايتفرقو الا بعد خصام ومشاكل،،
اعرف واحد امه قالتلو ع وحده ماشاء الله حلوه ودلوعه والولد رفض لانو يبغى يتزوج عن اختياره مايبغ زواج تقليده، خائف تكون البنت معقده وطفشو
ومرت سنتين تقريبا وهو متزوج والعام في الحج سافرو وبصدفه شافو البنت اللي امه كلمته عنها تسوق سياره، مره انبسط انها فلاويه مو معقده
وع طول قال لامه اخطوبيها ليا
وفرحهم الشهر الجاي

والله يا اخوات بني على باطل او حق..انا بديت اصدق ان الزواج من هذا النوع ناجح..((طالما الشاب تعرف بغرض الزواج والعكس))انا اعرف واحدة الله يستر عليها سوت كذا تعرفت وربت امورها ومش اي حد الذكيه تعرفت على خال صديقتها عشان لما يصير نصيب يسالوها من وين تعرفه تقول خال صديقتها..الله يستر عليها الزبدة متزوجين ومريحها ومعطيها حقها وزيادة..
اما اللي يتعرف بغرض صاحبة والسلام هذا اللي يشك وحالته لله ..وعلى فكره:((حتى لو تزوج بطريقة امه او اخته بيشك في بنت الناس المسكينه..لأنها لما صارت في بيته وصلته وهو واصل لمرحلة ان كل البنات استغفر الله يتعرفون))طبعا هذا غلط وحرام..لكن الزبدة:إللي نيته زواج وماتكلمت معاه فالعواطف والخرابيط وكلامهم كله عن حياتهم العامة دراستهم شغلهم تفكيرهم هذا ميستحيل يفكر كذا..لأنه فالأسااااس النية زواج..من الطرفين..اما إللي كل سوالفهم خرابيط وقلة حيا..هذيلاااا بعد اساسا النيّة.....!!!!!!

رغم اني ماحبيت اعلق على هالموضوع بالذات
ولكن كل انسان عايش بقناعاته ولنا دين تربينا عليه
وليس عادات وتقاليد
لاحظت بنات يؤيدون هذا الزواج ويشوفونه هو الي صح
وخطبة الاهل تخلف ورجعيه
طيب تعالي نتناقش شوي
احنا مسلمين ونزل الدين الاسلامي من 1400 عام وسن قوانين نمشي عليها وصالحه طول مابقيت هذه الامه
ولو وصلنا لعالم 2015 او عالم 3000 يبقى السنه النبويه والقران هو مرجعنا ونبراس حياتنا
لما بنت تكلم شاب وتستمر علاقتهم 7 سنوات مثل ماقالت احد الاخوات
هل هم يتكلمون طول السبع سنوات عن الفتاوي او المحاظرات الدينيه ؟
والا غزل وواحبك وتحبني وما اجتمع رجل بامراءه الا كان الشيطان ثالثهم >والا في نظركم الرسول اللهم صل وسلم عليه كذب علينا بالكلام ؟
طيب لما الله سبحانه وتعالى امر نساء النبي ان لايخضعن بالقول >ليش فيطمع الذي في قلبه مرض
يعني كمان الله سبحانه وتعالى غلط لما نزل هالايه وهي في نساء النبي
فما بالك بنساء هذا الوقت والتهاون في حجاب وفي غيبه ونميمه وغيرها
سمعت شيخ قبل 5 سنوات تقريبا يقول المكالمات بين شاب وفتاه نصف الزنا ! اعوذ بالله
واشوف ناس تبرر انه عادي واننا وصلنا لعام 2015 وناس تفكر تفكير متخلف >صار السنه الي سنيناها عن الاسلام تخلف سبحان الله
القران وتعاليمه واضحه وثابته والا فيه ناس يبغونها تتحرف مثل الانجيل والتوراه ؟
بعدين الزواج الي تشوفونه تخلف باختيار الام والا الاهل اولا هذا الي امرنا به الشرع وامر للرجل النظره الشرعيه من شان يقتنع مو يجلس يكلمها سنوات !
الشي الثاني ما للمتحابين الا الزواج <هذي مو حجه اقروا القصه الي قال فيه الرسول اللهم صل وسلم عليه هذي المقوله وبعدين قولوها
لاتاخذون شي من الدين وتتركون شي نصيحه مهما كنتي مقتنعه بالمنكر انكريه ولو في قلبك ولا تزينيه لغيرك
ترا معانا فالمنتدى مراهقات ويقتنعون بسرعه بالذات انهم يشوفوننا قدوه لهم بحكم اننا اكبر منهم
واي وحده تأيد هذا الزواج ابغى اجابه منها هل ترضى بنتها تتعرف او اختها وتجلس تكلم شاب من شان تتزوجه ؟وهل احنا دخلنا بيوت الناس من شان نحكم على هذا الزواج بالنجاح ؟
اما عن مواقع التواصل >واقولها وكلي ثقه كللللللها فساد التويتر جلست فتره اتابع اخبار اليمن وصدفه طاحت عيني على حساب سحاقيات >اي نظافه تتكلمون عنها
الحمدلله اني اجهل البرامج هذي والله يزيدني جهل عنها
عندي بنت ثاني ثانوي خطبها ولد صديقتي وهم من الجنوب وانا من المدينه واتشرف بخطبة بنتي انها بالشي الي يرضي الله سبحانه وتعالى
وقلت لام الولد معاه 10 مرات يطلب الشوفه الشرعيه ماعندي اي مانع
واولا واخيرا التوفيق من رب العالمين انا تزوجت زواجه عادي ولي 20 سنه واقسم بالله الذي لا اله الا هو احس اني كاني مازلت عروس بتعامل زوجي معاي >لاحظو ماتعرفت عليه وكلمته عشر سنوات
وهذي نعمه اشكر الله عليها والله يديم علي وعليكم السعاده فالدنيا والجنه فالاخره