بسم الله الرحمن الرحيم
اخواتي في الله يعلم الله اني احبكم وادعي لكل وحدة تكتب في هالمنتدى الغالي على قلبي
ولو مااعتبركم اخوات لي ماكان نزلت هالموضوع ابيكم تناقشوني فيه وتعطوني حلول شافيه كما هو معهود منكم
قصتي غربيه جدا
لإنني اعيش احساس صعب لما تكون لكي اخت وحيدة وشقيقتك من أمك وأبوك وتتنكر لك وماتحبك
بأقول قصتي من بداية زواجي وارجو انكم تتحملوني وتعذروني وربي اعيش في حيرة من أمري وارجو انكم تحطو أنفسكم في مكاني ايش راح تعملوا
في يوم ملكتي اي شبكتي كانت في قصر دخلت علي اختي وقالت لزوجي روح ورى الستارة انا بتصور مع اختي انا رفضت عريس ولابس مشلح ويتخبأ ورى الستارة ويتملا غبار قلتلها تعالي نتصور في مكان ثاني من الغرفة قالت لا انا ابغى هالمكان وخرجت زعلانة
وبعد منتهت الزفة جات جنبي انا وزوجي وتقول والله لأوريك يافلان
بعد كذا لما كان يجيني ايام الملكة يزورني بالبيت ترسل له رسايل من غير علمي تقول انت هادم اللذات وانت من دخلت حياتنا خربتها وانقلبت شر وللمعلومية زوجي انسان يخاف الله اولا ويخاف علي ووقفاته مع اهلي من قبل الزواج وهو كامل والكامل الله
المهم قبل الزواج بليلة اتصلت على عمتي ام زوجي قالتلها اختي ماتسافر مع زوجها علشان هو يشتغل في منطقة ثانيه وام زوجي ردت عليها وقالتلها احنا اتفقنا على كذا المهم طنشتها ام زوجي ولى كأنها سمعت السالفة وامي ماتقدر تتكلم شخصيتها ضعيفة قدام اختي رغم ان امي تكون دايم في مشاكل مع اختي
وليلة زواجي خربت شريط زفتي واربكتني وهي بس تصرخ في وتقولي انت جالسه مع زوجك والناس مشيو وكان لسه الوقت بدري بس تبغى تنكد علي وتخرب ليلتي وكنت مسويه حركات كلها خربتها لي
بعد زواجي راحت اختي لأهلي وقالت اني انا كنت على علاقة مع زوجي من قبل الزواج وتقول السواق الي كان يوصلها بالمدرسة هو الي كان يوصلني لزوجي ونتقابل في فندق
وفي شهر العسل سافرت لدولة عربية سوريا بالتحديد اتصلت علي وهي مادق علي ابد قالتلي اخوك في المستشفى وانتي تتمشي فأنهرت وصرت ابكي ابغى ارجع للسعودية فأتصل زوجي على اخوي وقال فلانة كذابه وهي الان في السوق وامي جالسه عندي
بعد كذا صارت تقول لي ان زوجي لعاب ويعرف بنات ويسافر كثير قبل الزواج
المهم انا ماصدقتها لانه يحبني ويقدرني وشايلني على كفوف الراحة والحمد لله
بعد كذا حملت وصرت اولد بعملية في كل ولاداتي لا تتصل علي ولا تسأل ولا تجبلي لقمة أكلها ولا اشوفها غير اول يوم في ولادتي
الحين ولله الحمد انا متوظفة كانت تقول لي لا تتوظفي ومن ترك شي لله عوضه الله خيراً منه
انا ماسمعت كلامها توظفت والحين حياتنا افضل من قبل بكثير
اختي مااكتفت بكذا وبس اخذت اسلوب اخر هو الي متعبني نفسيا واجلس ابكي منها كل مااذكر حركاتها معاي
صارت تسلط امي وابوي واخواني علي فهم يتصلو علي يخاصموني يصدقونها وانا بريئة من كل إتهاماتها وربي النعمة وفي الاخير اجلس ابكي مقدر ادافع عن نفسي الا بالبكى وهم عارفين حركاتها انا زوجت ثلاثة من اخواني تروح تقولهم اني انا امن عليهم وهذا مو طبعي واقول ليتني مازوجت اخواني ولا باقي غير الحليب والحفايظ اجيبها لعيالهم وانا وربي ماقلت كذا بس تحب الناس تكرهني
حتى لها اكثر من سنة ماجات بيتي واهل زوجي مستغربين منها وانا لما اجيها تقول عني اني اجيها علشان المصلحة وانها تروح معايا للناس لانها تعرفني مااحب اروح لوحدي وانا والله اجيها علشان اختي واكبر مني واكون احسن منها
حتى دايم اتصل عليها واطمن عليها وعلى اطفالها وهي عمرها ومااتصلت حتى لما اطفالي يتعبو ماتتصل علي والغرباء يسألو عني وهي لا
رغم انها دايما تتصل على حريم اخواني وبالساعات وكل يوم وانا اختها شقيقتها معذبتني سبحان الله
وتصدقوا انها متخاصمه معاي لها شهرين وعليها علشان اتصلت عليها بعد ما فاض بي الكيل وقلتلها فلانة انتي ليه تروحين لا اخواني وامي وتقولي علي كلام ما قلتو مو حرام عليك قفلت في وجهي وارسلتلي رسالة اني انا اكرها وحريم اخواني كلهم يحبونها واني انا مكروه من الكل وام مشاكل
وانا ولله الحمد عكس كذا بس تبغاني اقلل ثقتي في نفسي واحزن وازعل واكره الناس
قبل ايام صار زواج اخوي اتخيلو رحت سلمت عليها لقيتها عند الكوفيرة وهي ساكة حواجبها قليل وتضربني سبحان الله وانا ماعملتلها شي وفي الزواج الكل لاحظو كرهها وغيرتها مني
احب اقولكم معلومات عننا علشان تعرفو تحلو موضوعي الي شاغلني ليل ونهار
انا وهي مدرسات بس هي زوجها راتبه قليل وانا زوجي مدرس انا زوجي مدلعني وانا احبه موت هي دايم تشتكي من زوجها انا حلوة وعمري 28 واجتماعية وطيبة لحد الغباء وخدومة وام فزعات وهي38 او 39 وماهي حلوة ومغرورة ولا تتنازل لاي احد شايفة نفسها
بس يعلم الله اني كنت احبها واساعدها بالفلوس ولما يجوها ضيوف اخدم كأني شغالة عندها وتتعب اروحلها وابغى ابات عندها هي ترفض علشان لا يعرفو اهلي اني طيبة وبايته عندها وتركت زوجي واولادي
بالمختصرالمفيد تحاول تكره كل الناس في وتحاول اني اكره الناس توصل لي كلام عن الناس انهم يكرهوني
على العموم آسفة جدا على الاطاله بس وربي صرت وماأتحمل تصرفاتها صرت اكرها ايش اسوي لنا 3 شهور متخاصمه معاي وهي الي غلطانه بس احسها مرتاحة هي بهذا الوضع ورغم كذا اخر مشكله كانت يوم الخمبس الي فات تقول اني اقول عند الناس اني انا اوزع على اخواني شيكات واني اصرف على اخواني يعني تسلط اخواني واهلي علي تكفوووووون ابي حل عاجل
والسلام عليكم ورحمة الله
مذهلة2022 @mthhl2022
عضوة جديدة
يلزم عليك تسجيل الدخول أولًا لكتابة تعليق.
أنا هيهـ أنا
•
لي عوده
dema77
•
ادعي لها بالهداية
وخبري أهلك انك بريئة من الكلام اللي تقوله من وراك
واسمعي النصيحة هذي
إذا كنتَ بريئاً و عجزتَ عن إظهار الحقيقة فقل " حسبي الله و نــِـعم الوكيل "
وخبري أهلك انك بريئة من الكلام اللي تقوله من وراك
واسمعي النصيحة هذي
إذا كنتَ بريئاً و عجزتَ عن إظهار الحقيقة فقل " حسبي الله و نــِـعم الوكيل "
dema77 :
ادعي لها بالهداية وخبري أهلك انك بريئة من الكلام اللي تقوله من وراك واسمعي النصيحة هذي إذا كنتَ بريئاً و عجزتَ عن إظهار الحقيقة فقل " حسبي الله و نــِـعم الوكيل "ادعي لها بالهداية وخبري أهلك انك بريئة من الكلام اللي تقوله من وراك واسمعي النصيحة هذي إذا...
الصفحة الأخيرة