من يجيها هالشعور مع زوجها ؟؟؟؟؟؟؟

الرجاء عدم نقل القصة لاي موقع
ارجوكم ادعو لي قبل قراءة القصة تعبت من الهموم وكل شئ ):




تقول صاحبة القصة















انا نحيلة جدا وزوجي دائما يعايرني بذلك ( نحيلة بسبب مرض ) الله يبعد عنكم شر المرض زوجي لديه اخ واحد فقط متزوج زوجته جميلة بيضاء نظيفة مرتبة ربة بيت ممتازة طباخة ماهرة ثقيلة لها حضور والكل يحبها عكسي تماما في كل شئ وهي قريبة زوجي ( بنت عمه ) علاقتها بزوجي قووووووووية جدااااااا ولها تأثير غريب عليه لا يرفض لها اي طلب لو تطلب نجوم السما عطاها دائما تدق عليه وبينهم تواصل قوي وأي وقت اذا طلبت يوصلها مكان يجري وتجلس معاه في المقعد الأمامي وعطرها يوصل للسما
عكسي لو اموت من المرض مستحيل يفضي نفسه لي مستحيييييييل
ودوم اذا صار فاضي يروح بيتهم وأخوه مو موجود ( هو يحب اخوه بدرجة غريبة )
وحتى اذا مشغول يفضي نفسه لها مع ان زوجها يموت فيها وما يرفض لها اي طلب وعندها اخوان بس ما تطلب الا من زوجي
انا موظفة وهي لا
ووظيفتي متعبة جدا اضطر أقضي في العمل حوالي ١٠ ساعات ومضطرة اعمل لان زوجي بخيل علييي انا فقط وأيضا عندي التزامات وديون ):
بالمختصر نااااااادرا اقعد مع زوجي ناااااااادرا واذا شفته بالصدفة لازم اهله كلهم موجودين واذا صار بروحه دقيقة وحدة يقولي انه تعبان ولازم تصير مشكلة بينا خاصة ان ظروف عمله تختلف تماما عني
وانا ارجع تعبانة نومي قليل ودوم مريضة رغم اني اهتم بنفسي
زوجي على فكرة خاين ويحب البنات واحنا وصلنا لطريق مسدود انا تعبت النقاش معاه عقيم
هو من الأشخاص اللي ما يحب احد يحسسه انه غلطان
اتذكر كذا مرة في السابق كنت اروح ازور بيت اخوه تكون مو متسترة يعني تلبس حجاب بس صدرها طالع وتجلس جلسة احيانا تظهر سيقانها ووو
يعني مستحيل زوجي ما شاف شي
وهي عندها عيال
وعلى فكرة كذا مرة تسبب لي مشكلة بسبب كلامها ونغزاتها
مثلا تقول انها تطبخ لزوجها او تسألني اتصلت لك ما رديتين
تتعمددددددد اذا زوجي حاضر ويجي بعدها يهاوشني ويضربني ان ليش ما ارد عليها او ليش ما أصير مثلها
كلامها مخدرررررررر
القهر اني ما اجلس مع زوجي الا ناااادرا صرنا اكثر من الغرباء وهي تعرف مواعيد إجازاته !!!!
تتعمد اذا صار موجود تتصل او تجي او هو يروح
بالمختصر ما احس نفسي متزوجة أبدا واحنا بينا مشاكل وصلت للمحاكم بس مو عارفة أتفاهم معاه بسبب ان ما عنده وقت لي
صرت اوسوس ادري الإعمار بيد الله لكن اخوه دوم تعبان ومريض احس اذا مات زوجها قبلها الله لا يقوله متأكدة زوجي راح يتزوجها مستحيل يخليها والقهر ان ما عنده وقت لي
وراح يصرف عليها وعلى عيالها
واذا قلت له تعبت من الشغل يسوي حاله ما سمع واذا قلت له ودي بطفل يقول مسؤلية وما عندي فلوس ( زوجة اخوه قالت له لا تجيب عيال والله سمعتها بأذني حسبي الله ونعم الوكيل الله ينتقم منها واذا راح لها لازم تصير مشكلة بيني وبينه ما ادري شنو تقول له عني )
هني القهر انا واثقة ان فكرة الزواج في باله
مو بس زوجة اخوه
اعرف ثنتين متزوجات بعد يعني لو يطلقون او يترملون مستحيل زوجي يخليهم
ادري الواحد ما يضمن عمره بس من قلبي أتمنى ما يجي هاليوم وصرت أتمنى أصير ارملة ولا يجي هاليوم لأن كل ما افكر بالموضوع احس بنار داخلي
على فكرة ابو مرة اخوه كبير العائلة وزوجي يخاف منه ويسمع كلامه في كل شي ):
وزوجة اخوه مااااا تحبني ودائما تطالعني بنظرات غريبة وفيها حسد مو طبيعي مع ان حياتها احسن مني في كل شئ