من يساعدني في هالطبخه.....بلييييز وبسرعه...

اختي ما فهمت يعني شنو تبين تسوين بسكوت ولا طبخه فيها بسكوت
ولا شسالفه بالضبط :)

هلا أختي ومشكوره على اهتمامك....أنا أبي طبخة البسكوت نفسها....لأن بصراحه اللأمر فيه تحدي مع وحده وأنا أبي البسكوت نفسه....فبليزززز ساعدوني.. :angry:

اوكي شوفي هالطريقة

بسكويت الفانيلا


المقادير:
======
1 2/3 كوب طحين منخول.
1 قالب زبدة.(113جم).
1/3 كوب سكر ناعم.
1 بيضة.
2 ملعقة اكل نشا.
1/4 ملعقه صغيره فانيليا
مربى فراوله للحشوة

للتغطية :
=======
سكر ناعم (بودر)
كاكاو سايح.


الطريقة:
======

تخفق الزبده مع السكر حتى تصبح كالكريمة ثم تضاف البيضه والفانيليا مع الأستمرار بالخفق تضاف باقي المكونات بالتدريج مع العجن باليد حتى تتكون عجينه طرية ومتجانسة.

تفرد العجينة الى سماكه قليله ثم تقطع على شكل دوائر بالقطاعه.

تصف في صينية فرن ثم تخبز في فرن متوسط الحرارة لمده ربع ساعه ثم تترك حتى تبرد تماما

تحشى كل قطعتي بسكوت بالمربى ثم يرش الأطراف بالسكر ناعم والطرف الثاني تغمس بالكاكاو الذائب وتترك حتى تبرد تماما ثم تقدم


ان شاء الله اكون وفيت معاج طريقة البسكوت

مشكووووره حبيبتي ....شكله حلو وسهل وانشاء الله يظبط معي ...مثل ماقلتلك تحدي ...وتعرفين الحريم اذا تحداهم احد...:)

أنا عندي طريقة ثانية للبسكوت

3 كاس طحين
1ونص كاس نشا
3 بيضة
1 ملعقة بيكنج بودر
1 باكيت زبدة
1 كاس سكر
فانيليا
الطريقة تخلطين البيض مع السكر وبعدين تضيفين الطحين والنشا والبيكنج بودر واخيرا الزبدة وممكن نصف العجين تضيفين له كاكاو بودر 1 ملعقة وتشكلين البسكوت بطريقتج