من يساهم في صنع ابتسامه ؟ ولها الاجر

:26: :26: :26:

السلام عليكم و رحمة الله و بركاته
اهلا بيكم يا اخوات و انا فرحانه جدا لان اول مشاركة ليا فى البرنامج اللى فوق الممتاز ده بجد هتكون بطرح افكار لاسعاد الاطفال
فى البدايه الاجازات جت و الاولاد يا اما فى النادى او فى الملاهى او قصاد الكمبيوتر لان لازم يخرجوا الطاقة اللى عندهم فى اللعب ليه ما نجمعهمش و لو حتى نبدا باولادنا و اكيد الاولاد و البنات الصغيرين ليهم مقدرة غريبه بنشر السلوكيات الجديده بينهم و بين بعض اى ان كانت السلوكيات ايجابية او سلبيه فليه احنا كعرب مسلمين نخترع تقليعه جديده باننا نجمع اولادنا و اولادنا يجيبوا اصدقائهم و احنا يا كبار نحسسهم بان الموضوع مهم جدا لانه هو فعلا مهم
و بعدين نعمل منهم كتائب او فرق عمل فمجموعه تبقى مسئولة عن تجميع الملابس القديمة نوعا ما من الحى و لتكن ديه مجموعة الاولاد و بعدين تسلم المجموعة ديه الملابس او اللعب او الماديات المجمعه ديه لمجموعة تانية و لتكن البنات لان الذوق لديهم عالى فهما هيوفقوا الهدوم المجمعه مع بعض فى صورة اطقم و بعدين تتسلم لمجموعه تالته و ليكن الاكبر سننا شويه يعنى فى حدود ال 15 لل20 سنه و دول دورهم تنظيف و تظبيط الهدوم و كيها و تغلفها فى شكل كويس و تخرج بعد كده متوجها لملجا ايتام او مستشفيات الاطفال مثالا و بتتوزع و قبل الخروج بيكون فى اجتماع مع الكبار اللى هما احنا و بنوجهم لاهميه الابتسامة و الكلمة الحلوه و احنا بنقدم الهديه لاخونا او اختنا
و بعدين المرة اللى بعدها نوجه الفرق ديه او فرق جديده اذا العدد زاد للتوجه لمساعدة اطفال الشوارع و نكلمهم بالحسنى و نشوف مشكلتهم ايه و بعدين يتم حصر باسما اللى عايزين او اللى نشوفهم عايزين صلحان الحال فعلا و بعدين نتوجه لورش العمل و نرشح لكل ورشه واحد او اتنين من الاولاد دول و بكده يبقى اولادنا فعلا غيروا اخوتهم
فى كمان العمل عن طريق المساجد يعنى مجموعتنا ديه تشتغل من داخل مسجد محدد و لما التجربة تنجح ممكن نشوف افضل عناصر اجتهدوا فى الفرقه الوحده و نخرجها عشان تعلم ابناء مسجد تانى فى حى تانى مجاور على سبيل المثال و بكده نبقى بنصدر الفكر الجيد
و فى افكار جديده عموما بس ناقشوا افكارى ديه و تعالوا نبدا فى تنفيذها و خالونا نشوف هنوصل ولا لا
جزاكم الله خير لحسن استماعكم ليا
فى حفظ الله

بسم الله الرحمن الرحيم
وبه نستعين
اشكرالاخت ام محمد على مرورها وهذا يعني عندي عندها فكره بس موراضيه تطلع اتمنى ان ترى النور قريباً
شكر عميق للاخت المصريه جعل الله ماكتبتيه في ميزان حسناتك اللهم آمـين