لا والله حنا نشتري لها كل شي مسكينه

حتى لو موووووووووووومفروض علي

اسويه بطيب خاطر

من كثر راتبها تقعد تشري شامبو وصابون ومدري وشووووووووووووووووووووو

ان شاء الله كل مانقدمه لوجه الله نلاقيه بالدنيا والاخره

وبس سلامتك

انا اول ماتجي اشتري لها كل شي يخصها

وبعدين اي شي تبغاه شامبو ولا معجون ولا فوط ولا معجون من حسابها عشان تقتصد وفعلا نفس ماتوقعت

مرة تعبت وديتها مستوصف خاص وكلف 300ريال علاجها وطبعا احنا اللي دفعناه دفعة بلا

وهي تشوفنا الاخت استحلتها ماقعدنا 3اسابيع الا الاخت تشكي تبي المستوصف قلت خذي علاج من الثلاجه لان خلاص اذا فيه روح مستوصف فلوس انتي والله صارت حصان سبحاااان الله

طبعا ماننسى نكرمهم في الاعياد واذا شريت حلويات لبناتي اشكل لها في كيسه واعطيها


والله يعطينا خيرهم ويكفينا شرهم

انا اشوف مارح يضركم شي لو عطيتوها الاساسيات شامبو صابونه ليفه معجون وطبعا معروف هالاشياء ماتخلص بسرعه

اعتبريها صدقه ..هاذي الشركات تغطي حقنا وهم يعطونا راتب ...

حتى الملابس الشتويه والصيفيه مارح يضرك اذا تقضيتي لها كم قطعه

وغير كذا اشوف رد البنات انها ماتعطيها من الحلويات والتشبسات

هاذي لايمكن نسويها اي شي ناكله لازم تاكل مثلنا سواء وجبه من المطعم او تشبسات مشروباات ......الخ

ماتسوى اذا طلعت بعينها وغير كذا حرام راتبها يالله يكفيها

اصابعك مو سوا اختي واعتبريها صدقه

عاد والله لو أحكيكم على شغالتي راح تستغربون ,, وإلا أضن تموتون من الضحك ,,

يا حبايبي طبعاً إحنا قاعده أساسية إن الصابون والشامبو والمعجون تاخذ من حق البيت ,, عاااي يعني ,,

وعلى قولتكم إذا قالت فير أند لفلي وإلا ذا وإلا ذاك قلت لها هاتي ,,

والحمد لله كسوة العيد واصلتها , وإذا رحت السوق وطبعاً مو كل مره أجلها روب وإلا غطاء للشعر ,,

يعني زي كذا ,,
طبعاً هذا كان مع كل الشغالات اللي يجونا ,, سواء انا او اهلي ,,

المهم المره هذي جبت الشغاله إندونيسية وطبعاً طلبتها عجوزه قال عشان ما تتدلع على راسي وعشان حضرتي غياره ,,

المهم جتني العجوزة ,, زي العروسه جهازها كامل ( العفش )

شي تتخيلون وإلا ما تتخيلون ,, طبعاً في أول إسبوع أرسلتها عند أمي عشان أفتش في أغراضها ,, ولقيت كل شيء ممكن يخطر على بالكم ,,

عيدان وخيوط أسنان ,, قطن حق الأذن ,, تونك وقطن ,, لصقات جروح ,, قفازات هذي اللي يغسلون فيها الحمام اكرمكم الله ,,

كل انواع الادويه ,, مراهم وكريمات ,, و....و.....و.....و.... كل شيء كل شيء ..

من فتره قلتلها أنزلي عند ماما بتعطيك حاجه ( كنت طالبه قربة الماء الحار ) وشوي الا وهيه جايبتلي حق خالتي , ووحده جديده في كيسها ,, قالت مدام أنا عندي زي هدا أنا جيبو معايا ,, <<<<<<<<<< خلي حقتك لك ,,

و من يومين أنطفت الكهرباء وشوي طالعتلي من غرفتها ومعها كشاف نور هذا اللي بالبطاريات ,,اقلها من وين هذا قالت حقي أنا جيبو معايا <<< أمحق عجوز :06:..

طولت عليكم الهذره ,,

المهم نيجي للأكل والشرب ,, بعد أول راتب ,, جايبتلي فلوس قالت مدام أبغى حليب نيدو علبه كبير ,, قلتلها عندك الدولاب أشربي من حقنا ,,

قالت / لا أنا أشرب حليب كثير ,, أبغى اشتري حق نفسي ,, والله في الاول مارضيت ,,

قعدت كم يوم إلا وهيه راجعه بالفلوس ,, مدام أنا لازم ضروري ابغى حليب ,, إنتو مافي يشرب حليب كثير بعدين

كله خلاص عند أنا >>>>>>>> خخخخ أعرف أقلدها صح ..

كلمت ابو البنات وقلتله قال والله حرام مايسير اخاف ربي يحاسبنا ,, قالي قوليلها خليه يخلص ,, وجمعي فلوسك أبرك ,,

بعد كم يوم الا وراجعه بالفلوس ,, وتتبكبك ,, مام إنتي مايزعل بس أنا أبغى اشتري ,, قلتها خلاص طيب ,,

وآخذا الفلوس منها وأقلها حليب نيدو صح ,,, قالت أيوه علبه كبير ,, أأأ مدام كمان أبغى نسكافيه كبير ,, وجبنه كيري :eek: ,, وكورن فليكس , وبسكويت مال الشاي .........

قلت طيب في جبنه في الثلاجه وفي نسكافه ,, لالالالا مدام أبغى حقي عشان أنا أكل جبنه كيري كثير وانتو ماتاكلون ,,,

والله إني حزنت عليها قلت مسكينه مستحيه تخلص حقنا ,,

بعدشهر قالت مدام خلاص حليب وابغى ..... وابغى ...... <<<<<<<<< :buck: وي بسرعه إحنا العلبه تقعد 3 شهور ,,

قلت يحقلها تبغى تشتري بنفسها ,, :confused-

المهم قلتلها انا بروح سوبر ماركت وروحي معايه واشتري اللي تبغين ,,

قالت والله بروح الجمعيه >>>>>>>>>>>>>>> الاخت كانت تشتغل بأبوظبي ,,:ohplease:

يوم رحنا إلأا وهيه جاره العربيه ,, وتعبي ,,

أخذت كل شئ ,, كل شئ ,, ( شوفتو يوم إنكم تروحو تتقضوا إيش تاخذون ......هيه أخذت زي راعيات البيوت )

مايونيز وكاتشب , مربى , أجبان , زبدة فول سوداني ( تتفتمن الأخت ) وكل شيء أكبر حجم ..

كنت اقلها ايش هذا كله ,, ايش بتخلين من راتبك ,, كل هذا موجود عندنا ,, تقول مافي مشكله مدام هدا حقي بروحي عشان آكل براحتي ,,

حتى إنها شككتني في نفسي وأنا ووالله العظيم ,, ويشهد علي ربي يا بنات إني مايوم قلت لشغاله من اللي قد جوني شي على الاكل ,,

المهم حبيباتي ,, كنت كل ما أوقف عند رف آخذ شيء توقف وتآخذ نفسي ,, ( قلت في نفسي آها أجل إنت عجوز غياره )

ختمتها ذيك الليله بكرتون مكسرات , وكرتون فول سوداني ,, وآخر شي أخذي درزن مناديل كلينكس ...

عاد وقتها مدري من تعجبي مدري من قهري قلتلها ( إنت هبله ) أنا أول مره أشوف شغاله بدل ما تجمع فلوسها لعيالها تصرفها عالفاضي ,,

بعد ما طلعنا السياره قلتلها ,, ما تبغين تشترين ثلاجه ,, خخخخخخخخخخخخ وين بتحطين هذا كله ,,

واليومين هذي طالعتلي بحكاية أنا أبغى أشتري شراب تانج برتقال ومانجو ,, والله بلاشعوري صحت فيها قلتلها إنت موصاحيه أبد ,,

إنت غياره ,, زي عيال لمايشوفون هذا عنده حاجه يقولون أبغى زي هذا ,,

أستحي على نفسك شوي ,, تراك دوختيني ,, غرفتك صايره زي السوبر ماركت كلها أكل وكراتين ,, والثلاجه سار نصها محجوز لحاجاتك ..

أحياناً أحلل الحاله اللي هيه فيها / أقول ياهيه آدميه تحب تدلع نفسها وما تحرمها من شيء ,, ياهي عجوز من العجايز اللي يغارون من اللي حواليهم ,,

سورررررررررررررررررررررررري حبيباتي والله إني ثرثاره من جد ..

بس قولولي إيش رايكم وحده زي كذا أشتريلها أنا وإلا خليها تصرف من راتبها وعساها لاجمعت ولاريال ,,