من يشخص حالتي رزقكن الله

اول شي اسال المشرفات بالله انهم ماينقلون الموضوع

تزوجت من سنه بالظبط ومن بعد شهر من زواجي بدت تجيني احلام فيها يضايقوني الجن باشكال

ومن الجنسين حريم ورجال يتعرضون لي (اعذروني على كلامي)جنسيا لاتتم بيننا علاقه لكني احس

بحركاتهم على جسمي غالبا لا ارى وجوههم ومرات اشوف اشكالهم مره من المرات رايت واحد منهم

يلتصق بي من وري ويضمني بقوه فحاولت اني اشوف وجهه وفعلا شفت وجهه كان اسود البشره

وعيونه كبااااار وحمراء فحاولت انسحب منه ووالحمدلله قدرت وصحيت على طول مع اني في كل

احلامي احاول اصحى لكن ما قدر وللاسف تتم كل احداث احلامي في غرفتي واصحى بعد

احلامي تعبانه نفسيا وجسديا اجلس فتره علي ما استوعب انه كان حلم انقطعت احلامي لفتره

وغالبا بعد هذه الاحلام اصدع مرررره ولكن للاسف رجعت لي نفس الاحلام اليوم والله يابنات

اقرى قبل انام وحمدلله اصلي واقرى قران ولاني من اللي يكثرون اكل وينامون سبحان الله اللي

ملاحظته الاحلام هذي ماتجي ابدا الا اذا زوجي راح يداوم اليوم زوجي تاخر ماراح ومافي احلام

وقمت بعد ماراح اخذت شاور وافطرت قلت بنام قبل صلاة الظهر والله يابنات نمت الساعه11:44

وقمت12:30 احس اني نايمه صار لي يومين ثلاث لان الجن تعرضوا لي بالحلم وهذي ثاني

مرره اشوف شغالة اهل زوجي بالحلم اليوم شفتها وكنت استنجد فيها تنادي اخت زوجي

وامها وكانت توقف بجنبي وماتروح تناديها لين ربي رحمني وقعدت وعلى طول شغلت

سورة البقره علشان احس اني صحيت وقدرت اقوم علشان اصلي اول قالوا لي يمكن

تخافين يعني قصدهم اوهام بس والله يابنات الخوف كان اول اربع شهور من زواجي وانا ساكنه

مع اهل زوجي مو لحالي الشكوى لله يابنات فقط ولكن ابي نصيحتكم وش اسوي تعبت :angry:

شوروا علي انا بعد شهر بزور اهلي بالرياض من تعرف راقي بالرياض تدلني عليه الله يسهل

عليها والله يابنات ماكذبت بشي وكتبت هنا الا لانها ضايقه فيني ودايم ادعي ربي يصرف اذى

الجن والانس عني وللعلم انام على طهاره دايم والله يجزاكم خير ان شاء الله القى نصايح تنفعني

باذن الله القران مايطفي بغرفتي الا اذا كان زوجي عندي ومن يطلع اشغل القران وارتاح من بديت

اشغل قران خفت الاحلام عني لكن اليوم قصرت على صوت القران وشغلت المكيف قلت مابي اسمع

ازعاج الشارع لانه كان موعد خروج المدارس كلامي مو مرتب لكن عساكم ماتشوفون اللي اشوفه

والحمدلله على كل حال

تكفووون اللي ماعندها رد تدعي لي ولها بالمثل ان ربي يرزقني ذريه صالحه لان فيه ناس تشكك ان

مافيني عيال لاني سويت عملية تنظيف من سبع شهور وللحين ماشاء الله اني احمل والحمدلله مهما

حصل

واي سؤال انا حاضره اعتبرتكم خوات لاتخذلوني