من يعطيني الجواب.. الاجوبه..

السلام عليكم ورحمة الله وبركاته
سؤالي للي يفيدني هو
انا بشرتي داكنة حاليا في يوم من الايام كانت بشرتي فاتحة نسبيا بالنسبة للسمر اللي زيي....زمان يعني ...بس العيب في بشرتي انها تسمر في زمن خيالي ..تخيلوا لو وقفت نص ساعة في مكان حار .. المطبخ مثلا.. اطلع منه وانا سودا...من جد والله
بشرتي تسود بسرعة مذهلة ... والمشكلة اني مدمنة شمس ... بتقولوا جربي واقي من الشمس اذا انتي ما تستغني عنها .. صدقوني جربت ...بس ما فيه فايدة والحين بشرتي عدم مع اني ما اشوف الشمس ولا اطلع من البيت صار لي يمكن اربعة شهور... انا ما استخدم اي خلطات تفتيح ولا كريمات ...جربت الخلطات وكانت النتيجة ان بشرتي يفتح لونها الين اترك الخلطة وترجع زي ما كانت ...والمشكلة انه مو اي شي يناسبني بشرتي تتحسس بسهولة وهي جافة مرة...
الحين اعاني من مناطق سودا في وجهي .. على جانبي الذقن ... وعلى جانبي عظمة الخد... وعلى الصدغين ...حتى لو استخدمت كريمات التفتيح تبقى الاماكن ذي داكنة بشكل واضح ولو ركزت عليها ... فيها نمش مقلقني واوقات كثيرة اكره اطالع المراية
جسمي كمان لونه ابدا مو متناسق... كني مجموعة بنات كل وحدة لون ومن كل وحدة ماخذة قطعة... وجهي ملون اصفر وبني واسود ...كوكتيل. ورقبتي داكنه وصدري فاتح .. وايديني غامقة وبطني غامق ورجلي فاتحة... هذا غير الركب والاكواع و ثنيات الرقبة والاماكن الحساسة وتحت الابط
يعني كومة مشاكل ...ياليت تحلوها لي..مشكورين
انا جمعتها كلها ورميتها مرة وحدة الله يعينكم عليه
اختكم في الله
lonesome_bride:44: