من يفيدني عن سكر الحمل عاجلا ؟

السلام عليكم

اختي انا بعد عندي سكر الحمل اكتشفت وانا في الاسبوع ال 14 بعد ماخذت الجليكوووز
وانا صايمه كان 124
وبعد الجليكووز بساعه 225
وبعد ساعتين 163

والحين الدكتووره عطتني نظام غذائي امشي عليه والحمدالله اشووف انه اتحسن وامشي 15 دقيقة بعد الاكل

ومعدل السكر في الدم انتظم والحمدالله عطتني الدكتوره نظام 2000 سعهره حراريه على حسب الوزن وفترة الحمل


المعد الطبيعي للسكر عند الحامل وهي صائمه يعني بعد ما تصحين من النوم 95
وبعد الاكل بساعتين 120
واذا زاااد عن هذا المعدل يعني السكر مرتفع


والله الشافي المعافي ان شاء الله
اتمنى اني افدتك

اختي نسيت اقوولج الاعراض الي ممكن اتحسينها

صداع شديد
رجفه
تعرق
الاكل الكثير
الاغماء دوخه
تعكر المزاج


اذا انخفض السكر في الدم هذا خطير يعني خلي يكوون موجوود عندك شووكلاته اذا حسيتي بهبووط ودوران اخذي شويه من الشووكلاته عشان ترفع السكر في الدم لانه لا سمح الله الهبوووط اخطر من الصعوود حيث انه يودي الى موت الجنين لا سمح الله

والله كريم

مشكورة maro0j على معلوماتك المفيدة ..

--

دكتورة أمينة .. ما قصرتي وباكر نتيجة التحليل اول ماتطلع اببلغك إن شاء الله ..

بس ودي اسأل ..

حالي مع الأكل شلون بيصير .. لأني من دريت عن هالسالفة ماعرفت آكل شيء ولا ودي آكل شيء .. مع إن الجوع ذابحني :(

وش نوعية الاكل الجيد اللي ممكن يكون على الأقل وقائي لي من سكر الحمل لا يصير ..

هذا موضوووع الاخت reeemah20
بس يا اختي السعرات الحراريه الي تنعطى للمريض تختلف من شخص الى اخر على حسب الوزن بس انت حاولي يكوون اكلك كذا لين ما تشووفين طبيبة التغذية



اطلعوا على هذه القائمة زين مازين ولازم نعمل بتطبيقها واللي ماتطبقها بجرها مع اذانيها جررررررر أخاف على صحتكم ولا شلون
هذا نظام غذائي يحوي على 1800 سعر حراري وصدقوني راح تلاحظون نقصان في الوزن او المحافظه على عدم الزيادة في وزنك بالاشهر الجايه بالحمل انشالله
تخبرون عاد اهم شيئ اجسادنا ههههههههههههههه

الفــــــــــــــطور
2/1 كوب حليب لبن أو زبادي قليل الدسم أو منزوع الدسم
30جم جبنه قليلة الدسم بيضه واحده
2/1 خبز بر أو 1 خبز صامولي أو شريحة توست
1 فاكه أو 2/1 كاس عصير طازج أو 2 حبه تمر


وجبه خفيفه بين الفطور والغداء
1 فاكهة
2/1 كاس عصير


الغداء
2/1 كوب حليب لبن أو زبادي قليل الدسم أو منزوع الدسم
30جم لحم دجاج أو سمك بدون دهن
3/1 كوب رز ( 4 ملاعق)+ خبز بر
2/1 كوب شوربه
1 كوب خضار
1 فاكهة + 2/1 كوب عصير
سلطه خضراء حسب الرغبة


وجبه خفيفة بين الغداء والعشاء
2/1 كوب عصير طازج
6 حبات بسكويت غير محلى



العشـــــــــــــــــاء
2/1 كوب حليب لبن 2/1 زبادي قليل الدسم
30جم لحم دجاج أو سمك أو 30 جرام جبنه قليلة الدسم
3/1 كوب رز (4 ملاعق ) + 2/1 خبز بر
1 كوب خضار
1 فاكهة
سلطه خضراء


وجبه خفيفة فقط
15جم جبن قليل الدسم
2/1 خبز بر

ولا تجوعين نفسك مرررة مكن تاكلين الاشياء المفيده وتبتعدين عن السكريات والنشويات لان فيها ضرر وهو زيادة السكر بالدم وهذا فيه خطورة على الجنين
اتمنى تعم الفائده للجميع ويعجبكم الموضوووووووووووووع

maro0j مشكورة يالغلاء .. حتى الواحد اللي ماعنده مشاكل القائمة ذي مضبوطة :)

--

دكتورة أمينة ابشرك والحمد لله ماطلع عندي سكر حمل القياسات صارت تمام وكلها في حدود الطبيعي ولله الحمد والشكر ..

وانا صايمة 75

بعد الساعة الاولى 148

بعد الساعة الثانية 144

بعد الساعة الثالثة 111


فقالت هو طبيعي والحمد لله وكله في حدود المقياسات الطبيعية بس نصحتني اقلل من الحلى على اساس الأحتياط بس

ياربي لك الحمد كما ينبغي لجلال وجهك وعظيم سلطانك ,,