السلام عليكم ورحمه الله وبركاتة
اخواتي 000 وغالياتي
ابكتب لكم قصتي واتمني منكم ان تكونوون محضر خير :35:
يعني لاتخوفوووني ولا تزيدون همي 00 ابغا تفااؤل ابغا اعيش وابسط عيالي وزوجي
ابغا اكون صريحة معكم مايدخل هالقسم الا وحدة تعبانة وتبغا تتعالج وترقي بذاتها
مااكذب عليكم من 5 سنين اواكثر وانا علي النت ودايم ادخل هالمنتدي بس ماكنت اجي للحياة الاجتماعية ابد كل ماادخل ولاني بالطبخ والا الاناقة يعني ماكنت يدور بخاطري مرض احس كل الناس مبسوطين وتري مو انا لحالي هذا حالنا كلنا شوفي لو رحتي للمشفي وكان عندك احد مريض خلاص ماتفكرين باي شي الا العافية وتقولين كل الناس مسااخين
وبنفس الوقت لو رحتي للسوق تتفائلين وتقولين كل الناس مبسووطين سبحان الله هذا حال الدنيااااا
شكلكم بتقلون من بدايتها فلفسة:04:
المهم طفولتي مثل اي بنت بين امها وابوها تلعب ومايهمها ولاشي الله يازين ذيك الايااااام والله كان لها طعم بس ماطولت كثير لما صار عمري 6 سنوات توفيت امي بمرض ماامهلها طووويل الحمدلله الله يغفر لها ويجعلها سيدة من سيدات الجنة يااااارب وعشت مع اخواتي لحالنا يعني ماكان لنا لاخالة ولا احد ابد اكبرنا اختي عمر وقتها 13 سنة واصغرنا كان عمرة 5 شهووور الحمدلله كانت حياة حلوة تزوج ابوووي ورحنا سكنا معة بمنطقة اهل زوجتة
بس كان البيت موووحش وجانا ايام نخااف فية ويطفي الكهرب ويعني اوقات نخااف وابوي الله يخلية لنا يروح مع زوجتة ويخلينا لحالنا وحنا بنات صغيرات المهم كبرنا وكانت اياام صعبة والله علي مااقولة شهيد وتزوج ابوي علي زوجتة وزوجتة الثانية قعدت معنا بنفس البيت وهو يقول تزوجت الثانية علشانكم يقصد علشان تجلس معنا الحمدلله ريحتنا كثير الثانية وحبيناها وكان ذاك الوقت سن المراهقة عندي وكنت مااخاف ابد لدرجة بنت صغيرة باولي متوسط وتعرفون لاام ولااحد كبير يفهمني جتني الدورة وطلعت من دورة المياة وانتم بكرامة اضحك واقوول صرت كبيرة واختي الكبيرة ياعمري تصيح راحمتني :44:
راحت السنين وتزوجو اخواتي 2 وبقينا نحن مع زوجة ابوي الثانية وكانت تروح لااهلها وتطول عندهم يعني اسبوعين 00اواقل او اكثر علي حسب وانا واختي الي اكبر مني نتحمل المسؤلية وجانا مواقفين مرة حرامي طب علينا ماشفناة بس اتقفل الكهرب وارعبنا بس وابوي كان رايح بعيد وكان ولد الجيران الله يسامحة تخيلو يتصل ويقول ادري ابوكم مهوب فية يالله كانت ايام صعبة وكنت ايامها اولي ثانوي وعلي ثاني ثانوي تزوجت اختي الي اكبر مني
وماتدرون كنت متضايقة لان زوجها مهوب كويس مرة وكل شوي تجي زعلانة كنت اتاثر واقعد ابكي وابكي واقول يالتني بمكانها كان اخذ حقها لانها كانت سلبية مرة راحت الايام ورجعت لبيت ابوي ومعها ولد انا لما كنت بثالث ثانوي انخطبت من رجل بمعني الكلمة كان طيب واخلاقة زينة وحبيتة من كل قلبي بس الحب هذا عقب الزواج انتو عارفين انو مايجوز الاعقبالملكة وانا ماتملكت الا قبل الدخلة باسبوع:mad:
بس كان وقتها واناادرس تعبت احس بدوار واحس بخوووف ومابغا اجلس لحالي المهم وداني للمشفي ابوي وقالو تنويم طمرت قبلهم وجلست بالسيارة :hahaha:لاني كنت ميتة خووف وماادري وش احسبة وداني ابوي عن احد الرقاة الله يجزاة بالجنة لانو مات وخفييت وتم الزواج وعشت ايام حلوة مرة ولاعاد رجع لي هالخوف ابدالحمدلله ولااصلا كنت ابداني افكر باني قبل لااتزوج كنت تعبانة او اخاف يرجع لي
وراحت سنييين وانا الحمدلله طيبة
ورزقت باولااد ملو علي بيتي يارب لك الحمد يارب يحفضهم امين:27:
بس من تقريبااا 2 سنة واحد من عيالي تعب ماادري وشهو تعبة كان تجية حالة غريبة وبعدها يستفرغ وكنت ملاحضة مرة علية وديتة لكذادكتور وراقي والحمدلله خف وقالي الد كتور هاذي الحالة تجي 1في الالف ويكون الطفل ذكي جدا ومافيها خوف بمجرد اننا نخاف تجية وهو علي مرتفع ويطيح المهم انا عقبها صرت افز من نومي واناضرة واتسمع دقات قلبة وانا لما جتة الحالة وديتة للمشفي وصار ذاك الموقف يتكرر بذاكرتي واقول اخاف يجية ثانية ماادري ماعاد صرت استمتع بالحيااة صار كل حالتي خووووف
لو اسمع احد يتغيرطريقة التنفس باليل افكر واسوس يااارب 000
حصل لي موقف مرة واناجاية بطريق زحمة حسيت اني مخنووقة ومنكتمة مرررة فجاءة قلبي بقوووة يضرب واعصابي مشدودة حسيت اني ابمووت وبرودة باطرافي ورعشة يالله لدرجة اني فتشت قلت لزوجي شوف قلبي حط يدة وقال وش فيك المهم دخلت للبيت واخذت حمام علشان ارتاح ماقدرت دقيت علي اختي ورحت للاسعاف ودخلت ماادري وش اقول اقول قلبي يدق بسرعة حطتني المممرضة ودقو علي الدكتور وجا بسرعة وحطو اجهزةالتخطيط وطلع التخطيط سليم بس فية دقات قلبك بسرعة وانا وقتها ابموت من الخوف اقوول ابموت واخاف علي عيالي ماودي يشوفوني
طلعت ورجعت للبيت بس اقولكم كنت اروح للحمام كل دقيقة ونمت وبكرة قمت وانا خايفة يرجع لي الي صار فييني
المهم صرت اخاف اركب سيارة احس بيجيني واذا ركبت احاول اتنفس حتي زوجي لاحظ وقال وشفيك تخافين صرت ايام اروح اركب ورااو اغمض عيوني المهم تعودت سنتين وابغا انتصر علي نفسي وحملت وسافرت تخيلوو بعيد لفرنسا وكنت خايفة وقتها بس الحمدلله000000000000000 اللحين كل شي اخاف منة يجيني شعور غريب وافكر بالمووت ماصار فيني تفاؤل واستمتاع بالحياة لو اكح واو اشرق اخاف واقول الموت سولفت علي وحدة من صديقاتي ونصحتني اروح لوحدة راقية وفعلا اقنعت زوجي ورحت اول مرة دخلت تعرفون المكان غريب حريم يطالعون وكل وحدة تتالم والي تبكي فالمكان يخووف قام قلبي يدق يدق بقوة قبل لاتقرااااعلي وكانت علي كرسي ولما وصلت لي قالت وش فيك قلت لها السالفة قبل لاتقرا علي قالت فيك مس بسم الله الرحمن الرحيم والحريم يطالعوني ياربي قالت هدي قلت انا بس اخاف من اي مكان غريب لو ادخل عرس ارتجف وقلبي يدق بقوة قالت ابقرا وقرت علي وتدور بالكرسي وبعدين قالت تعالي لي كم يوم قلت وش فيني وسفهتني ودخلت جواطلعت وكانت حاطة وحدة بالباب قلت كم تاخذ قالت ابد ماتاخذ شي طلعت واقول لزوجي المهم بكرة اخذت اختي لما شافتني قالت وشلونك الليوم قلت ابد مثل امس ماتغير شي والله اتكلم جد قالت لاااا الليوم غير ولا الحريم بعضهم تحكي وتقول وجهك غير الليوم قالت سبحان الله ان الانسان خلق هلوعا اذا مسة الشر جزوعااا واذا مسة الخير منوعااا المهم قالت لها اختي وش فيها اختي قالت فيها مس وانا تعبت منها امس شوفي وتوريني رجلها فيها مخش قالت اختي هذا منها قالت لا وحدة ثانية المهم قرت وبعد ماطلعت نادتني اللي عند الباب وقالت لازم تاخذي علاج قلت طيب وصارت تشرح لي شي اذا ضاق صدري
وشي اشربة وسدر والله كيسة مليانة وقلت كم حقها قالت 750 قلت طيب انا عاد كانت خايفة واختي ماقالت شي وطمنتني كانها مصدقة والمشكلة تقول امس تعبت طيب واليوم ماتعبت طلعت تضحك وتقرا علي وحدة بالحوووش المهم جاني الي يدق بقلبي وانا عندها وتشرح لي ياربي وكنت خلاص من الخوف والضيقة ركبت وانا ساكتة وزوجي ساكت علشان معي اختي ولما وصلت للبيت طحت واقول لاختي طلعي وادهني صدري من الزيت شوي ولازوجي جاي معصب ويناديني وراحت اختي لبيتها وجا يهاوش ويقول مافيك الاالعا فية انتي فيك وهم ومن هالحكي وانا تعبانة صليت المغرب ودقت اختي وحدة ساكنة بعيد علمتها اختي الثانية وتهاوش تقول لو فيني شي اجل فيك شي لاتروحين واقري ببيتك وحافظي علي وردك المهم كني فتحت عيوني ارتفعت معنوياتي رحت وتحمممت وجلست اسولف مع زوجي وعيالي بس مازال فيني الخوووف وخصوااصاا عقب ماقالت لي هالحرمة وكل مافكرت بكلامها يضيق صدري واقوول يوةانافيني شي:44::icon33: مهوب في الناس انا مريضة بس انسي واروح لااهلي واجتمع مع اخواتي انسي بعد هالكلام الكثير ودي تدلوني وش الي اعاني منة بالضبط مع العلم انو انا محافضة علي الصلاة والنوافل والوتروقراءة القران والاورد ولله الحمد وبيتي مافية قنوات ابد غير المجد وكلة ذكر وعيالي وزجي محافضين علي الصلاة بالمسجد
احب شريط المجد ودايم ارسل لة واستانس بالردود ويروح همي شوي وارتاح
بس يرجع بعدين
يمكن عمري انا دخلت الثلاثين يمكن العمر والتفكير يتغير
يمكن علشاني عانيت بصغرتي كثير
يمكن فية مرض نفسي
يمكن هذاتفكير كثير ووضع عادي س انا مكبرة السالفة
ويمكن ويمكن ويمكن والله اني بحيرة من امري مرة احس اني قووية ومرررات اضعف وهالايام يجني بالسوق او بالعزايم احس اني ابطيح وبيشلوني للمشفي واخاف من الزحمة يمكن انكتم وافكر وبيدا قلبي يدق بقوة ويديني تبرد
ومرات شعور غريب بعد الوناسة مع ان كل شي محصلتة الحمدللة
عندي خدامة ومعاملتها بمايرضي الله وهيخلوقة مرة لواسمع عند الخدم علطول اشك فيها
لواسمع قصص عن ناس ماتو وجاهم حوادعلطول اتعب واحس ب الياس
ماعاد صرت احب التمشي مع زوجي لوقال نطلع اخاف واقو لا وشهولة اقعدبالبت ابد ابنكتم ويجي خفقان
ولاعاد احب السفر ابد
الي عندها اي مشاركة لاتبخلها علي اذا هي تبغا تشجعني وتعطيني التفاؤل
اناسمات شخصيتي اني سريعة الغضب ومتسامحة كثير ولااشيل بقلبي والله علي مااقول شهيد انسي بسرعة اتوقع هذا الي متعبني اتعب بلحضتها وانسي علي طووول والله مرت ابوي مع انها سوت بنا نجووووم بالظهر الااني ويشهد علي ربي مسامحتها والله يحللها ويبحها هاذي عادتي وذا تعبت ادعي لها حتي انو اخواتي يقولون ماعندك احسااااااس
ودي ارجع مثل اولومرة كانت عندي وحدة من قريباتي وتسولف علي من جتني من العصر انو فية ولد سلفتها مات وامة تشوفة وماادري ايش وتتذكر ملامحة وسواليفة انا كنت منكتمةةة بس بعد المغرب كنا معزومين عند وحدة من اخواتي بس رحت خلاص تعبت واستفرغت ابعا ارتاح بس جد ماقدرت رجعت للبيت وكنت تعبانة مرة شي بصدري يروح ويجي قلت ابدسكرات الموووت وماادري وشلون عدت ذيك الليلة الحمدلله قمت الصبح طيبة وعيالي ضايق صدورهم مايدرون وش الي فيني
لاحضو مرةثانية رحت للسوق وكان بالليل عندناعزيمة وجاني خفقاان فجاءة وخفت وتعبت ورجعت للبيت وقال زوجي توكلي علي ربك وروحي المهم قويت نفسي ورحت اول مادخلت كنت تعبانة بعدين ارتحت وراح الي بصدري
هل هاذ الحالة عادية ولازم علي الصبر
ودي ماعاد اهتم و:icon33:لااخاااف واتوكل ساعدوني يااخواتي انا احب شريط قناة المجد واحب منتدي عالم حووواء يارب يفرج لكم همومكم
يلزم عليك تسجيل الدخول أولًا لكتابة تعليق.
فديت روحة
•
ماادري وش اقولك بس الله يشفيك ويفرج همك ويخلي لك عيالك ويخليك لهم ويسعدك دنيا واخره اللهم امين
فيه مرض نفسي الخوف من الموت...ابحثي واقري عنها...انا احس من كلامك انك سليمه بس هم بيمرضونك...شغلي قران بصوت هادي عند راسك اذ جيتي تنامين وحافظي على الاوراد وبتشوفين العافيه...ان شاء الله...
وعلى فكره فيه مواقع استشارات نفسيه مجانيه...مثلا موقع طبيب كوم<<<الظاهر اسمه كذا ما عندي رابطه او دكتور كوم اكتبي فيه حالتك
وعلى فكره فيه مواقع استشارات نفسيه مجانيه...مثلا موقع طبيب كوم<<<الظاهر اسمه كذا ما عندي رابطه او دكتور كوم اكتبي فيه حالتك
جزاك الله الجنة وماقصرتي ياعمري الله يوفقك ويسمح امركجزاك الله الجنة وماقصرتي ياعمري الله يوفقك ويسمح امرك
يمكن حاله نفسيةه من اللي شفتيه اللمه يعينك ويشفيك
الصفحة الأخيرة