من يقضي أموره (بالسر والكتمان). نبي قصص ورفع معنويات..أتحفنا

أنا نفسج والله بس أحاول ما اخبر كل حاجه
يياريت البنات اللي عندهن خبره يخبرونا

والله اعرف ناس كثير ماشاء الله تبارك الله صاكين فمهم  وتسمعين عنهم أمور طيبه وربي موفقهم بكل شي والله حتى بالأمور العاديه ما  يبذبذون فيها  وفيه وحده قريبه لي كل سنه تقول بسافر وتعلم قبلها بكم شهر وربي ما يتمم لها ويسافرون الي حولها وهي لا وألعطله الي فاتت ماشاء الله ربطت الحجوزات وسوت كل شي ووصت عيالها مايهرجون في السفره لين قبلها بكم يوم وسبحان الله ربي سهلها لهم وسافروا برا السعوديه  ورجعوا بالسلامه 

انا لي قريبه والله لويرجع الزمن لاسوي زيها والله

والله اشبه بالصم والبكم ! شقتها تحت اهل زوجها وكنها عايشه في المررريخ !

لا خيرها ولاشرها اشبه بالاصنام !


اذا جات زياره لاحد والا عيد والا حفله جات وغيرها صاكه على روحها

هذا مايعني انها ماتتكلم لا تتكلم مع زوجها واهلها وصاحباتها لاكن هي تبغى تسلم من اذية اهل الزوج عشانها معاهم في نفس العماره

لانه والله اهل الزوج اذا الوحده كثرت معاهم في الكلام راح تخسر حياتها الزوجيه وخصوصياتها

انا لا ادعوكم للعداوه اللي اهل زوجها حبايب ومنصفين على العين والراس واللي اهل زوجها اذيه ويحشرون نفسهم في حياتها فالافضل تجلس ساكته كذا تسلم وتسلم من المشاكل والحزازات