من يقوم بالضيافه

المفروض الكل يتعاون لأنه المكان للجميع

ايوه هذا المفروض وأنا معك مشكورة

الجميع هذا اللي يصير في جمعاتنا العائلية نحضر كلنا سوا و نشيل كلنا سوا و وقت العشى نتقسم ناس تغسل المواعين و ناس تكنس و ناس ترتب الحوسة و ناس تغلف الاكل المتبقي و وحدة تتكفل بالبخور و امهاتنا و صاحبة البيت جالسين على ما نجيب لهم الدفعة الثانية من القهوة و الشاي

جميل نظامكم التعاون ينظم الجميع

اذا هم متعاونين سوو زي طريقة ميعاد أما اذا هم اعتماديين على الغير يعني ناس تكرف وناس ماتشيل ولا المنديل الي تحتها هنا يلزم تسوون دورية كل مره على عائله الضيافه والتقديم والغسيل وكذا والناس الثانيه الي بيساعد او كيفه كلن وضميره حنا كذا طريقتنا نطلع استراحه طبعا الكل يدفع فلوس على الاستراحه والعشاء بس الي عليها الدوريه تحجز الاستراحه وتوفر العشاء تختار من وين وتوصله وعليها المويه والبلاستك وهي المسئوله عن الترتيب والضف وكذا وبسس بصراحه ارتحنا والقهوه والشاي تتوزع على الحضور قاسمينهم قسمين مره ذولا عليهم الحلا والقسم الثاني القهوه والشاي والدوريه الثانيه يتبادلون الادوار وهاكذا