ام الحلو يزيد @am_alhlo_yzyd

عضوة نشيطة

من يومياتي في المستشفى العسكري 3

هلا حبيباتي رجعت لكم من جديد كما وعدتكم اني اكتب لكم عن ماعايشته داخل اورقه المستشفى منها المضحك ومنها المبكي وكما تعلمون في المستشفى عالم غريب اشياء تمر علينا لانصدق انه فيه ناس كذا وفيه اشياء تدمع عيوننا عليها...مااطول عليكم وهذه مواقف سريعه
1>جائت امراه كبيره بالسن ونظراتها غريبه كانها ماتشوف وعيونها شكله مخيف عليها لمعه غريبه المهم كنت مداومه في عياده الحوامل وعدما جائت كان معها شغاله وكانت تطلب دكتوره معينه باسمها وتكرر الاسم بطريقه غير مفهومه وصوتها غير واضح حاولت افهمها انه هذه عياده حوامل وانتي ياخاله موعدك تحت في العيادات الاوليه ولكن بدون جدوى فامسكت بيدها وطرقت ع الدكتوره وقلت لها فيه امرأه تطلبك ففتحت الباب وعندما راتها عرفتها <وهذه الدكتوره اخلاقها ممتازه وتساعد الغير مع انها غير سعوديه >فحزنت جدا عندما راتها وقالت ياخالتي انا اليوم اشتغل في الحوامل مااقدر اشوفك لان عندي مواعيد كثيره لكن انزلي تحت تشوفك اي دكتوره وكلهم فيهم البركه فقلت لاحدى الاخوات امسكي يدها واذهبي بها الى العيادات الاوليه وسجلي اسمها عند البنات تحت وقولي لهم توصو فيها دخلوها ع طول المهم ذهبت وعيوني ترقبها لاني احس
ان الموضوع فيه شي
بعد نهايه العياده جائت الدكتوره وسالت عنها وخبرتها انها نزلت قالت بكل اسى تعرفين وش قصتها؟؟
هذه امراه تعيش لوحدها مع الشغاله وتاتي الى لمتابعه حالتها لا ادري من ياتي بها المشفى ولكن لاتفهم شي اكلمها عن العلاج وطريقه استعماله فلا تفهم والشغاله لاتفهم اعطيت الشغاله
رسائل عديده لاولادها اريد ان ياتي احد
لاخبره عن حاله والدتهم ولا من مجيب ؟؟؟؟
المراءه حالتها صعبه ولا اعرف كيف افهمها عن العلاج والتحاليل
واقول لها اذا جئت الى المشفى اطلبيني واقوم بادخالها ع طول بدون انتظار .......
سكتت الدكتوره وبدات دموعي بالنزول الى متى؟؟؟؟امراه كبيره قد تكون فيها بدايه خرف وتعيش لوحدها ؟؟
كيف تعاملها الشغاله؟؟؟
ربت وتعبت وهذا جزائها؟؟؟
تمنيت في ذالك اليوم ان استقيل الى متى ارى اشياء ويتقطع قلبي ولا استطيع فعل شي؟؟؟
مع العلم باننا السعوديات نقف مع المرضى وقوم بمساعتهم وافهامهم وخصوصا كبار السن ولا هو معروف مننا هذا وطننا
ولكن تاتي اليك مثل هالحاله وتحسين بالضعف ؟؟؟
هذا شي لانتحمله
ربي هب لي من الصالحين

يلزم عليك تسجيل الدخول أولًا لكتابة تعليق.

تسجيل دخول

jum@na • 14 سنة

بصراحه حاجه تحزن.. الله يرحم ضعفها هالمسكينه ويجزاكم خير على حرصكم ومساعدتكم لها ولغيرها ممن يحتاج المساعدة

عزتي من سمو ذاتي • 14 سنة

لاحول ولاقوة الابالله

اللهم ارزقني حملا سليماا معافى من كل عاهه وبلاء اللهم امين
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير

إيسآف • 14 سنة

لا حول ولا قوة الى بالله شي مؤسف حقا

والله يجزاها خير هاذي الطبيبة خدمت انسانة لله

كملي يومياتك الله يجزاك الجنة لعلنا نتعظ ..

* Charismatic * • 14 سنة

للاسف ومازالت القلوب تنكر

**محبة أخواتها** • 14 سنة

صدقتي والله يااختي انا يوم اروح مع مامتي الله لايحرمني منها اشوف ماالله به عليم ...والله شفت وحده مع حرمه كبيره وجالسه معاها شوي وتطلع ترضع البيبي اللي في اللفه وترجع عند ميمتها جلست ادعيلها ومعاها 3 بنات صغار وولد كلهم معاها رحمتها اسال الله ان بيرونها بكبرها..وارحم الحريم كبار السن اللي يجون مع شغالات كانهم بناتهم الله يعافينا مما ابتلاهم ويهديهم...جزاك الله خير على على الطرح الرائع...واعانكم الله على عملكم وعلى الجهود مبذوله..