كيفكم حبوبات
بما أن كل اللي يدخلون هالقسم حريم وشعورهم خشنة
<< الحين سديت نفسكم عن القراءة ،، اعرفكم يالحريم!! خخخخخفعادي راح انزل طرحتي قدامكم << واثق الخطى يمشي بدون طرحه
عشان اقهركم بشعري وهو مستشور << جعلكم ماتشوفونه بدون استشوار
حبوبات
كل مايصير لي مناسبة
علطول افكر بشعري
ياربي وش احط فيه من شباصة تمسك شوشتي ؟؟ << ياقدمك
تجيني فكرة اني اسويه جديلتين ( ظفيرتين ) بس المشكلة قصيته قصير ولا عاد ينفع << مو احسن ههههه
عاد انا شعري جته فترة وسويته حقل تجارب
ذاق الحنا والحرقوصة والليمون المحروق .... الخ
وكل ماله يصير مثل شعر الجنية!!
مثل اخوي مره قال لأمي ودي بشعري يصير مثل الفلبينيين
امزحت معه امي وقالت حط عليه بيضتين وشوية شطه وفلفل أسود
والأخ ماصدق خبر
على باله كل نصايح الحريم عن الشعر نافعه لأنهم اهل الابداع في الشعر
قال في نفسه لو يطلع شعري مثل نعومة زلال البيض
راح تجيني عروض مغرية ووظائف في المشاغل النسائية
وبدأ اخينا بتجهيز الخلطة البيضية
حطها على راسه ، وانتظر لين نشفت
يوم دخل على امي وتشوف شعره ابيض ومتماسك ومنظره عفش
ارتاعت ياقلبي
قالتله وشو هذا اللي عليك
قال هذا سر الطبخة ،، مارح اعلمكم عشان مايعرفون الحريم اختراعاتي ثم ياخذونها على طبق من ورق
والأخ متفائل ومنتظر يغسل عشان يورينا النتيجة المبهرة المقرفه خخخخخ
دخل واخذ له شور
ويوم طلع صار شعره
فلافل والريح تصك الخشم ،،
مو شطة وبيض وفلفل يعني شكشوكه ،، عاد خلت شعره شكشوكة بدون ملح
وووع
المهم عقبها سيدا عالحلاق ،، والماكينه عالزيرو الا شوي هع ،،
انا من هذا المنطلق
قلت خلني اجرب مثله عساني افلح ويطلع شئ سنع تستر فضيحة العايلة اللي سواها اخوي بالشكشوكة خخخخ
جربت عقب الشور اني ادهن شعراتي بزيت جونسون للأطفال ( شوي بس ماكثرت ) وعلطول استشورته قبل يجف ..
وربي ماشاء الله تبارك الرحمن
طلع مثل استشوار الكوافيرات ،، ولا يهيش او ينفش
وحتى استشواري العادي فيلبس ( مو اللي مثل المسدس لا )
والحين وفرت قروشي من المشاغل
50 ريال ادفعها عشان احرق في شعري ،، المفروض يسوون لنا ببلاش لأن الإستشوار يخرب شعورنا
خخخخخخ على نياتي ...
..........
الزبده .. اني كنت قريت عن السر في الموية حقت المشاغل اللي يحطونها لك قبل الإستشوار
انهم يحطون فيها زيت الفازلين
بغيت اسوي مثلهم
بس لقيت الزيت مايختلط بالمويه ،، فحطيت بيدي ومسحت شوووي من زيت الفازلين
صراحة ظبط معي،، بس مو مثل زيت جونسون
لأن زيت جونسون أخف ويخلي شعرك يهفهف
وبعدين ماحبيت ريحة زيت الفازلين :09:
فانتم جربوا كل الزيتين على حده وشوفوا وشو بيظبط معكم ..
بالتوفيق ياعسولات
اللي تستفيد تدعيلي بالفردوس الأعلى بغير حساب ولوالديني وللمسلمين
واللي ماتستفيد تعطيني زيت جونسون اللي شرته
لأني اعتمدته عندي ( يعني تكسبني زيتها خخخ ) :)
ويلا نزلوا الطرحة معي عقب استشواركم
ابغى اشوف البسمة على براطمكم والتوفير في مخابيكم ودعوه حلوة منكم ..
:26:
لا اله الا الله ..
الله يعينا على هالشعور
انا عقدتي شعري فاشله في تضبيطه وتسريحه
بالعكس اشوف اللي شعورهم خشنه يسيطرون عليها اكثر من اللي شعورهم ناعمه وضعيفه
مشكوره على ذكر تجربتك
الله يرزقك الفردوس الاعلى