السلام عليكم ورحمة الله
اخبار الحوائيات !! يارب تمام التمام
( شوفوا حبوباتي والله قاعدة اكتب لكم وانا اتلفت يمين في يسار من الرررررعب )
هلي مسافرين للحج وزوجي وزوج اختي
والحين قاااعدين انا واختي ببيت هلي مع خواتي الغير متزوجات << تلمح لعرسان خخخخ
طبعا هلي توهم من كم شهر ناطين على بيت جديد ولا متعرفين على جيران ولاهم يحزنون
الموهم
يوم العيد الظهر << قصدي يوم الرعب
دق علينا جرس الباب من الشارع ( مثل ماقلت لكم محد يعرف البيت من اقاربنا ) وللعلم ماعندنا في البيت شباب
كلهم مسافرين
المهم قومت اختي من النوم وقلتلها احد بيجينا ولا وشو ؟!! مين يدق الباب ؟!!
ارررتاعت وقاعدة تلفف في البيت
وجرس الباب يززززززيد ويدق اكثر << خربها يوم محد رد
طلينا من الشباك شوي الا وحصلنا سيارة وهي تمشي من تحت
قعدنا على أعصابنا طوووول اليومين
الين جااااا امس الليل << يالهوتي
والله كنا بنروح في خير كان
جتنا خالتي << هي الوحيدة اللي مرابطة في الرياض من المعارف
وقاعدين يسوون عشا وما الى ذلك مما لذ وطاب << رايقة مع الخوف تف تف خخخخ
انا دخلت انوم
وخواتي قالوا زين دام احد عندنا خلي اخوي الصغير وولد اختي يرمون الزبايل << تكرمون
( استنوا يمااامي والله احس صوت رجلين تمشي جوااا الحين )!!!!!!!
.
.
.
.
.
.
.
المهم نزلوا على بالهم زوج خالتي يحتري تحت
وهم توهم يرمونها
جت نفس السيارة اللي شفناها يوم دق علينا الباب في يوم العيد
جت الحين وكان فيها ثلاث شباب
نزل واحد ومعه شاكوش ( او مطرقه بالإسم المستعار حقه ) هع
وقاعد يررركض ورا اخوي وولد اختي وهو ماعليه ثياب غير فنيله داخلية وشورت
والحمد لله لحقوا على حالهم ودخلوااا البيت وسكروا الباب
توهم ودهم يسكرون بالمزلاج ( الترباس ) الا وهو يصقع الباب بالمطرقة بقوووة
يمه قسم بآيات الله اني عايشة الحين في عالم رعب مو عالم حواء
وقعد الرجال كذا حول دقيقة وسمعوه يضحك ضحكة هستيريه
كل وحده من خواتي ماسكة جوالها تبغى تفتح الرقم السري حقه
يديهم قاعدة تضغط عالشاشة من الرررجفة اللي فيهم
يوم قمت من النوم علموني السالفة وانا مو مصدقة نفسي
لولا ستر الله وحفظه ودعاء الوالدين مدري شلون كنا راح نصبح اليوم
قلت لخواتي زوجي بيرجعلي الصبح والله لأخليكم << ام النذاالة هههه
انتبهوا بنات على عيالكم ترى السرقة والخطف منتشر مررررة
والله بقدر فرحتي ان عيالنا نجاهم ربي من هالخبثاء
بقدر ماحزنت على عيال الناس
لأنهم شباب فاضي ويتسكع واي طفل قدامهم اخاف يخطفونه الله يحفظهم يارب
اتمنى تدعون لي اني ارجع بيتي بالسلامة من دون اغمائااات تهئ
والله اول مرة بحياتي اشوف رجليني ترقص وترتجف كذا من الخوف
اعوذ بالله من شر كل ذي شر
واستودعكم الله وابنائكم واقاربكم والمسلمين من كل شر :(
والسلام عليكم ...
واول يوم دقوا محد رد اتوقع بعد كانوا يجسون النبض
الله يحفظ الجميع