من 3 سنين ماحسيت بالعيد, اتطلق ولا اقعد بدون ذريه ؟

بنات انا دموعي بتنشف تعبت من الصياح والهم والمحاتاه تعبت

قصتي يابنات تزوجت من احسن انسان بالدنيا احبه طيب كثير معي صدق الماده ضعيفه بس عيشتي وياه كلها موده ورحمة بس زي مايقولون مافي شي يكمل الا وجهه سبحانه
طلع عنده الحيوانات المنويه صفر وقالو لنا مالكم الا الانابيب ورحنا وحطينا القرش على القرش عشان نسويها وسويناها 3 مرات الاخيرة تو تحليلي ثالث العيد بس الالاسف مالله كتب ونزلت الدورة انا تعبت من وضعي ومن المستشفيات والابر وكل شي
اهلي درو عن وضعنا وقالو لي هالمرة الاخيرة اذا ماصار شي مالك عيشه وياه وانا صرت مابي العيال ابيهم بس عشان اقدر اكمل حياتي معه من دون لايحرموني بس اذا فكرت لبعيد بعد 30 سنه وش بيصير لي خصوصا اني وحيده اهلي وامي وابوي كبار مالي احد بالدنيا غير امي وابوي وزوجي لو بعد عينهم وش بسوي لو مات زوجي وين بروح مالي احد مالي احد
لو غدر فيني زوجي بعد ما اوقف عن العيال وتزوج علي وش بيصير موقفي انا ماضمنة ابد صح طيب بس الدنيا تتغير وانا ادري ان راي اهلي صحيح بس كاسر خاطري زوجي وش بيسوي هو مالة ذنب غصبن عنه والمشكله الاكبر اني متعلقة فيه ومو قادرة افكر حتى بالطلاق انهار حياتي حلوة بس ناقصها العيال ومادري اخاف احاول بالانابيب ومايجيني شي اخاف بعدين اندم اني قررت اقعد معه واتحسف على عمري واخاف اتطلق واتحسف علية ومانساه ويجيني واحد يغثني بعمري ويكرهني حياتي
انا في حيررة ومادري اعاند اهلي ولا وشسوي وكيف بصبر عنه وربي محتارة حطو نفسكم مكاني وش بتختارون الطلاق ولا اقعد معه على اعتبار انه احتمال مايجيني عيال

وماخاب من استشار