السلام عليكم والرحمه والبركه تو خلصت تجهيز فطورنا بس باقي نحطه بالفرن قلت ادخل منتدى حواء اغيرجو
تدرون وش جاء ببالي اليوم وانا ارتب لبسي حق بكرا اقول متى يجي اليوم اللي ارتب فيه لبس بنتي ولا ولدي ياترى متـــــــــــــــــــــــــــــــــــــــــــــــــــــــــــــــــــــى اللي مثلي ماشاء الله معهم 3 و4 ويدرسون ب3 ابتدائي وانا مثل مانا ادخل ع الناس يد وراء ويد قدام لاطفل بحضني او امسكه بيدي قسم عايلتنا اغلبهم كلهم تزوجوا ماعاد فيه الا من19 واقل الا 3 بس مو مثل عمري انا 27 ومن زين الحظ مطلقه مرتين
وينه الطفل ينشرى اشتريه بدم قلبي
والمشكله ماقدر اكفل يتيم اهلي معارضين علشان كلام الناس وووامور ثانيه
لو كان حصلت من زواجي 2 طفل ترا عادي والله ماتزوج ثانيه بس وش جنيت من هالزواج غير لقب مطلقه
ابي طفل عندي مشاعر تعبت ودي افجرها قبل كم يوم شفت موضوع ببدايه عن المعاكسات اطفال بالهبل مرميه ببراميل النفايات وتحت الاشجار وبعضهم بمجاري وانتم بكرامه بالله ناس تتمنى وناس ترميهم ياقلبها افكر كيف ترمي كائن هو حلم كل انثى وقتها دقت وحده محرومه من الاطفال من20 سنه وقالت نفس كلامي ولما سالها المذيع وش شعورك وانتي شفتي هالاطفال مرميه بكت قفلت الخط اعرف مشاعرها كانها تقول ناس تدفع دم قلبها ويكون عندها وناس تركض وراء شهوتها وبكل برود ترميه
تكفون دعواتكم لي بالرزق الطيب الحلال سالتكم بالله
ملاك سدير @mlak_sdyr
كبيرة محررات
يلزم عليك تسجيل الدخول أولًا لكتابة تعليق.
فيونكه تركوازيه♥♥
•
ياحياتي ان شاء اللهـ فرجك قريب يارب مايجي بكرهـ الا وانتي تبشرينا بخطبتك وتخلفين ذريهـ صالحهـ
oohhoo
•
اسال الله الكريم رب العرش العظيم ان يرزقك الزوج الصالح التقي والابناء الصالحين وان يجعلهم من حفظة كتاب الله وان يرزقك برهم ...
اجتهدي بالدعاء ...والله يرزقك الزوج الصالح الحنون ويقر عينك بشوفة اطفالك وما بعد الصبر الا الفرج
المهم انك تتوكلين على الله حق توكله وتدعين وانتي موقنه الاجابه واحسني الظن بالله
فالله عند ظن عبده
المهم انك تتوكلين على الله حق توكله وتدعين وانتي موقنه الاجابه واحسني الظن بالله
فالله عند ظن عبده
الصفحة الأخيرة