السلام عليكم
شلونكم يا بنات عالم حواء
انا من زمان متابعه لمنتدي عالم حواء من حوالي السنتين لكن توني سجلت عقب ما ضاقت فيني الوسيعه ولازم القا حل لمعاناتي مع السمنه ..
في البدايه بدت سمنتي من بعد فتره البلوغ وكنت صغيره عادي ما اهتم اكل من غير شعور ولين كبرت شوي بدت التعليقات من الاهل :09: وكل انواع التحطيم النفسي بطه فيله الخ .... ، وكنت كل ما يقولون لي خفي اكل لا تأكلين اعاند واكل واستمر في الحال قبل البدايه الحقيقه لمحاربه السمنه كنت اشوف وزني واقيسه ووصل لي 99 وكنت بعض المرات اخفف اكل امشي بس بدون نظام معين ...
من سنه 2002 كانت توني توظفت ويتني في ذاك الوقت اراده اقدر اسميها حديديه وقررت وعزمت اني ابتدي نظام رجيم صحي واستمر عليه راجعت عياده التغذيه وقدمتلي الاخصائيه نظام غذائي صحي يناسبني وكان وزني في بدايه الرجيم 94 مع المراجعه الدوريه كان ينزل وزني اول مره نزل وزني يمكن 3 او 4 كيلو ما اذكر بالضبط كان بعد اسبوعين او ثلاث وكنت وقتها امشي مو اقل من ساعه الا ربع او اكثر كان ( رجيم صحي + مشي 5 ايام بالاسبوع + متابعه عند اخصائيه التغذيه = نزول وزن ) وكنت فرحانه وايد وانا اشوف النتايج نزول الوزن وكنت متبعه النظام حرفيا ،، واحيانا لما اطلع مع الاهل مطاعم ولا في جمعات الاهل او المناسبات ما اكل كلش الا المسموح ومن بديت النظام قطعت المشروبات الغازيه والعيش والحمدلله لي الحين ما اكلهم لانهم يساعدون وايد علي سمنتي واستمرت رحلتي تقريبا سنه ونص ونزل وزني لي 67 مشاالله اكثر وزن وصلت له صج كانت مده طويله بس لانه الشي كان صحي يعني ما يرجع الوزن بسرعه .
تغيرت نظرات الناس حولي مندهشين تغيرت وايد بالشكل الناس الي ما يعرفوني حيل يحسبوني اختي لاني كنت ضعيفه نسبيا من فيله الي غزال :22: اكيد تغير جذري
وكنت قريبه جداا للوزن المثالي لي لما احستبه لي الاخصائيه واهو 62 كيلو علما بان طولي 155
صادفني ثبات الوزن وبعدين مليت من الرجيم وعجبني شكلي وقمت تدريجيا اهد الرجيم وارد حق عاداتي بالاكل الغلط وجبات سريعه واكل وكاكاو
تقريبا من سنه 2004 لي حد الان بدا يزيد الوزن بالتدريج كنت اراجع التغذيه بس الاراده كلش صفر اراجع شهر واترك شهور لما اشوف وزني زاد اروح اراجع ولما اشوف ماكو فايده من نفسي اترك وهلما جراا وقتها سويت رجيمات من عقلي شي يعتمد علي الحرمان الكلي الي انزل 3 كيلو وبعدين انهد علي الاكل وارد الوزن وزياده
الحين مااقدر اسوي رجيم واذا بديت في رجيم ما اكثر اسبوع ولما ما اشوف نتيجه سريعه اكنسل الرجيم لحد ماااااااااااااا وصل وزني (( 80 )) :(
اخر رجيم سويت قبل شهر ونص رجيم هوليود سويته بالحرف بس لمده اسبوعين يعتمد علي الفواكه
ونزل وزني 3 كيلو بس الصدمه لما سويت يوم مفتوح طبعا هذا من عندي :42: كليت اشياء دسمه
الي معدتي ما قامت تتحمل رجعت كل الاكل وانتو بكرامه من بعدها قلت بيني وبين نفسي اخفف اكل وامشي احسن
بس المشي يوم امشي وعشره لاء
خلاصه الكلام كله ،،، في سئوال يدورفي بالي والي تقدر تساعدني بالاجابه عليها يزاها الله خير
1- هل الرجيمات الصحيه الي تعتمد علي الاكل المتنوع بكميات محدوده يي وقت عليها وما تنفع الجسم لانه الجسم تعود علي الاكل القليل وبالتالي ما تنفع ؟
ابي ارائكم وتشجيعكم لي واقتراحاتكم بانظمه صحيه تنزل الوزن لاني احاول اخفف من الوزن قبل السفر علشان لا ارجع ويكون وزني زايد واتحطم نفسيني واكون دبه من جديد ...
شاكره لكم مروركم
والله يوفق كل وحده قرت موضوعي سواء ردت علي او ما ردت :26:
ودعائكم لي بالاراده والتوفيق
miss-one
miss-one @miss_one_1
عضوة
يلزم عليك تسجيل الدخول أولًا لكتابة تعليق.
ام عباده
•
الله يعطيك الاراده القويه ويخفف وزنك بدون عله او مرض امييييين يارب
: حبيبتي الله يوفقج وتردين للوزن اللي وصلتيله ولا تتضايقين لأن النفسية اذا تعبت تخليج تتركين الرجيم وأحسن ريجيم اللي يكون مع دكتور واذا انتي مليتي من العيادة اللي تراجعين فيها غيريها وبعدين أنا نفسج أبي نتايج سريعة وهذا اللي خلاني ما أستمر على نظام لازم نتعلم الصبر المهم نوصل للهدف سواء طال الوقت أو قصر أما عن تجربتي فأنا كان وزني 97 وأما الان فالعكس 79 في سنة ونص لاني ماكنت أستمر ولا أبي أضغط على روحي لأن الضغط يولد الانفجار بس المهم اني مازاد وزني قاعدة أحافظ عليه وفي طريقي للنزول أكثر باذن الله شدي حيلج وأصبري وربي بيوفقج وراقبي عمرج لاتخلين جهدج يضيع .
طولت معلش:7_5_122: :7_18_2: :7_5_127: :03:
طولت معلش:7_5_122: :7_18_2: :7_5_127: :03:
بنات لازم نحط في بالنا ان مو بس نسوي ريجيم ونضعف لازم نغير عاداتنا والا مافي فايده لا نتعب انفسنا
الصفحة الأخيرة