مهارات علمتيها طفلك في عمر 4 سنوات افيدينا و اكسبي اجر ..

اضم صوتي لصوتك

انا صراحه طفلتي لسه صغيره
بس كنت معلمة رياض اطفال وان شاء الله اقدر افيدك ببعض الاشياء
وطفل اربع سنوات طفل تقدرين تعلمينه قصدي مو صغير مثل طفل سنتين استيعابه اقل
مثلا اداب السلوك كوني انتي قدوته هو بيقلدك بكل شي لما تحطين له الطعام قولي وش نقول قبل الاكل بسم الله واذا خلص قولي له وبعد الاكل وش،نقول
لما تطلبين منه شي قولي لو سمحت/ شكرا/ اسفه وصدقيتي مع الوقت بيسوي زيك / طفلتي عمرها سنتين واذا عطيتها شي قالت شكرا لاني اتعامل معها كذا

انزلي للمكتبه فيه قصص لعمره تلقين مكتوب علي القصه العمر او تقدرين من النت تطبعينها وتقرين له القصص
باليوتيوب اناشيد عن الحروف والارقام بعد


تعليمه للالوان مثلا اذا عندك موزه ليمونه قولي له هذا لون اصفر موز ليمون وبهالشكل يتعلم بشكل حسي الالوان لان الطفل بيركز بذهنه اكثر الشي المحسوس

ارقام جيبي له مثلا تفاحه وحده وكتاب واحد

بس لاتضغطين عليه من ناحية الاحرف والارقام توه صغير

حاوري طفلك دايما ليش/ كيف/ لماذا هذي الاشياء والاسئله تنمي تفكيره
امدحيه امدحي لبسه امدحي رسمته بتنمي الثقه عنده
اتمني اكون افدتك ووضحت الي تبينه واكيد باقي البنات ماراح يقصرون

وانا بعد ابي استفيد معكم
بسألكم اطفالكم اعتمدو على انفسهم من ناحيه الذهاب للحمام لحالهم وتنظيف انفسهم ولا لسى؟؟

شكرا لكل من تفاعل جعلني الله واياكم على منابر من نور و كل من يقرأ ..

الله يحفظ اطفالنا ويخليهم لنا
في برنامج جميل تقدرين تحملينه في الأيباد
أسمه (عدنان معلم القرآن)
جداً جداً جمييييييل واستفدت منه كثير
يعلم القران جزء عم
وفيه اناشيد واحرف
انصحكم تحملونه
وفي نفس الوقت لاتخلون اطفالكم اوقات طويله على الأجهزه مثل الايباد والجوال والبلايستيشن وغيرها
انا افضل انهم يتعلمون من البيئه والبيت حولهم
وبعد تحطين لهم اوراق والوان واقلام وتخلينهم يرسمون هذا ينمي فيه الخيال والأبداع
وبعد اهم شي تعلميهم على النظااااافه في كل حياتهم يعني الورق واي شي يفكه يحطه بالزباله اكرمكم الله
ودورة المياه ضروري ما يدخل حفيان
وبعد مايطلع يغسل ايدينه بالصابون حتى لو هو ماينظف نفسه علمي فيه القيم الحلوه وهو صغير وبتصير عادته في كبره
وبعد (( احرصي تعلمينه سورة الفاتحه)) لأن فيها اجر عظيم بيصير طول عمره في صلاته يقرأه ويكون لك اجر عظيم
عندي اشياء كثيره بس تعبت من الكتابه
واعذروني على الأخطاء اكتب من الجوال
الله يصلحهم ويحفظهم ويجعلهم قرة عين لنا ويعز بهم الأسلام