مهرررجان جده للتسوووق

السلام عليكم حبيت افتح موضوع بخصوص مشترياتنا من مهرجان جده الي بتحليه وقريب من ايكيا عشان نفيد ونستفيد وياليت كل وحده تكتب مشترياتها تقول السعر وهل استفادت من الغرض الي اخدته والا يعني عملي ويستمر وراااح ابدا بمشترياتي :arb:زوجي اخد جهاز لتخفيف البطن ب150ريال مو جهاز كهربايي لا يعمل فيه تمارين ويقول ارتاح معه انا اخدت مناكير الكافيارب25لقيت سعره مناسب مو القاه برا ب40 واخدت بناطيل فيزون الواحد ب15ريال صرااااااااااااااحه خيال تعبت وانا ادور بالاسواق ومالقيته كويس غير عندهم واخدت عرض 3عطور ب100 ريال وانا سبق وجربت عطورهم مركزه مااعرف احط صووور والا كان توضح لكم اكتر طبعا بااقي اغراض لازم ارجع اخد منها وهي جهاز مساج للضهر والاقدام كل جهازب300 مجموعهم ب600 وكمان القهوه من الركن اليمني حلوه كل شي مخلوط سوا هيل وزعفران طبعا والمنتجات المغربيه متل الصوابين والليف وفيه اشيا اعجبتني متل جلابيه للام وفي منها صغيره لبنتك واكسواراتهم حلوه وااااعتدر ع الاطاله بس حبيت افيدكم وسوري لو فيه لخبطه لان اول مرا اكتب موضوع ويااامشرفات مادري ادا هدا القسم المناسب