الا يانفسي انتي قوليلي من وين انتي وانا بحاول اساعدك ..

طيب حبيبتي دامك كذا كذا ( الذهب ) الكرسي ماراح تلبسينه الا مره وحده ..وانتي حاطه في بالك راح تبيعينه ...
ليه ما تلبسين واحد من الي عند خواتك !!!الي تزوجو قبلك ,, طالما هذي عادات عندكم اكيد خواتك عندهم ..الا اذا باعوهم ,, لان مااظن يلبسونه في الحفله الي لك الي بعد الزواج !!

قولي لهم الذهب غالي كثير ,, وصدقيني حتي 20 الف للكرسي مارح تسوي شي الان ,,
لان ياحبيبتي جرام الذهب غالي كثير ..
يعني خليني اقولك تو قبل كم يوم كنت رايحه اشتري هديه لوحده .. وهي تحب الذهب ,قلت خل اشوف لها شي حلو ويناسب ,,

لقيت تعليقات نااااااعمه .. اتعب وانا اقول ناعمه وبسيطه ومافيها زود وعيار 18 و سلسال ع حد الرقبه ,, ب 1500 ريال ..

حتي راعي المحل يقول هذي بالوقت الطبيعي ماتتعدا ال 600 ..
فقلت ليه اخذتها يعني شكلها وكانها شي رخيص !! رحت وشريت لها ساعه جنفشي ب 1800 شي ماركه وعليه القيمه وراح يظل عندها ,, وبيظل شي كبير بعينها ..بس لو جبت التعليقه راح تفتكر اني مستخسره فيها بس هو بالواقع الذهب الي غلا

المغزي من ورا هالقصه و وجع الراس الي اقوله ههههههههههه
ان الان 20 الف ع كرسي يمكن تجيب لك اصغر حجم ,,,انتي بعد روحي وشوفي :)
و فكري بالحل انك تاخذينه من خواتك

توته

تسلمين يالغلا .. بس مثل ماقلت حنا عندنا عيب الوحده ماتلبس الكرسي وامممم وذاك الحزام المهم اللي ع الخصر وزين منها لو اشترت هامه= طاسه = المهم اللي ع الراس "الشي الوحيد اللي احبه" بس مو حاصله لي بعد الكرسي وهالاسعار

ولا فكرتك حلوه لو الذهب مو مهم كان وفرت 20 ولا 15 الف بالراحه بس امي مو راضيه عن الـ 30 الف اللي خليتها للذهب تبي اكثر وتقول باقي الاغراض يكفيها 10 !! لا وكلا ونهي انا رافضه هالفكره نهائي .. 30 والباقي الله يسلم ابوي < تتذكر مساعدته لخواتها ههههههه

****************************************************************************
ام دودي

انا من الشرقيه يالغاليه .. بس ماعندي ذيك الخبره بالمحلات .. اروح مجمعاتنا ولااحفظ اسم محل عنده شي مميز ولاعمري اهتميت اللي يعجبني اخذه وكلتها الحين ..

*****************************************************************************
الدكتوره

ومن قالك اني كنت بطلب اذنهم اصلا بذهبهم لو هو عندهم :icon28: خواتي ماقالو بسم الله الا باعوه .. ههههههههههه وطبعا بدون فايده اهدو قيمته لازواجهم

بما انهم يكونون بأزمه ماليه عقب مصاريف الزواج .. انا بخاطري ابيعه واعطي فلوسه ابوي

يساهم لي فيهم وهيك اضمن شي يساعدني انا وزوجي لفتره ..

وصادقه الذهب موت انا زواجي بعد سبع شهور مابفكر بالذهب الا بشهر يوليو عل وعسى يرخص قولو يااااااااااااااااااااااااااااااااارب ..

والله كريم ..

مشكورات يالغاليات

الذهب للبنات اللي يقولون ليه ..لأنه استثمار...سعره فيه ...مش معدن عادي........يعني الوحده بعيد الشر لو صار لها اي ظرف الا عندها فلوس وهو الذهب
وبعدين عادة المهر يروح كله خلاقين والله حراااااااااااااااااام

الدكتورة.Dr
ماشاء الله انا اشوف كلامك في محله انا من مكان


الا يانفسي
شكلك من نفس ديرتي لازم العروس تتغلف بالذهب ولا يصير عيب عندهم واللي مثلي ماتحب الذهب وش تسوي انا منك مراح اهتم لكلام الناس اهم شي راحتي وغير كذا الذهب مراح البس من الا اشياء بسيطه ومو دايم فاليش اشتريه اكتفي بطقم الشبكه والهدايا واشتري طقم بسيط ذهب ابيض لانه اتوقع اللي بجيك ذهب اصفر " بديرتنا عندهم الذهب الابيض اكسسوار عادي وماله داعي" فاتوقع الاغلب راح يهديك ذهب اصفر



سمارا تمارا
هو صحيح انه استثمار بس انا بالاخير ببيعه باقل من سعره وغير كذا مراح البسه فاليه اكثر منه بدل ذالك اخلي الفلوس بالبنك ولا استثمرها بشي ثاني يعني احرك الفلوس باسهم ولا مشروع ولا غيره بكذا بيكون الربح اكبر
وبس هذا رائيي لا اعرست هذا اللي بسوي بس بكثر اقلام كحل>> تموت بالتكحل