مهري من يقدر 0000000يجيبه؟؟؟؟؟؟؟؟؟؟

سمعت قصة واحد بالسجوني
يقول أنا للذبح بالسيف هايب
يقول أفضّل بالرصاص اقتلوني
والعين من دونه تحول النصايب
لعل بعض الناس مايعرفوني
ودي لو التنفيذ والنور غايب
أنتم عرفتم قصتي وارحموني
أخشى على أبويه تطول المعايب
لو يدري اني مروج للفيوني
واني لشره لهل الإسلام جايب
مدمن حشيش ومثقل بالديوني
يدعي علي ودعاه لاشك صايب
ولا تخبرون اللي بطبعا حنوني
الوالدة تكثر عليها المصايب
أخاف لادريت يصيبا الجنوني
وتصير معتالة على راس شايب
من ضاع عقلة ماتفيد العيوني
والعقل من رب الخلايق وهايب
واللي جرحني وزاد بيّ الطعوني
وقلبي عليه من أول العام ذايب
جماعتي من لبنتي قاطعوني
وكيف الفتى ينساه حتى القرايب
كله سبايب شلة دهوروني
وصار الثمن راسي عليه النصايب
حسبي عليهم شلة ضيعوني
الموت حان وشد يمي ركايب
ومشيت في درب السراب مغبوني
وراسي على درب المهاميل سايب
الله يرميهم مثل مارموني
موت المهونة شلتي به سبايب
وماطعت يوم الطيبين نصحوني
وماينصح الإنسان غير الحبايب
يالله وامرك بين كاف ونوني
خلقتني مابين صلب وترايب
عوّض علي دنياي واحسن ظنوني
واغفر لمن قلبه عن الشين تايب
وياللي حضرتم مقتلي سامحوني
هذي نهاية قصتي بالسبايب

____________
اللهم ألهم أهله وذويه الصبر والسلوان
_____________
مأخوذة من شريط آمـــال للأناشيد الإسلامية