مهري وش الدبره

شوفي هاتي ظرف وحطي في كل ظرف مبلغ الي تحتاجيه مثل ملابس مكياج عطور شنط وكل يوم انزلي لشي محدد لا تحوسي مثلا تشتري ملابس وبنفس المشوار تبغي عطر ولا شنط لا كل يوم خصصي لشي عشان تشتري بتركيز
بس نصييحه مني حطي مهرك بذهبك والله الذهب يبقى اما الاشياء الثانيه بس خساره فلوس كثرتها
والف مبروك مقدما والله يتمم لك ع خير ❤️

اشتري ملابس كشخه لطلعات والعزايم
اشتري فساتين سهرات
اشتري ملابس بيت قمصان نوم وبجايم ولانجريات
اشتري إكسسوارات ومكياج
اشتري كل شي ناقصك
وذهب اهم شي
وسوي عنايه ببشرتك وشعرك
اسنانك شيكي عليها ولو تحتاج شي سويه من الان عشان لمن تحملين ماتتعبك مثلي
اشتري جزم الله يكرمك وكعوب كشخه
شنط من شي ان تجنن
باذن الله يكفي المهر نفس مهري وربي يبارك لك ويوفقك
مبروك ياعروسه

وعطورات ودلع استغلي العروض تاخذي اللي تبين

لاتغلطين غلطتي
عطرين كفايه مو اكثرررر
وروحي سيفورا اشتري افخم المكياج من كل بحر قطره ب ٣٠٠٠ لا اكثر يمشيك سنين ! اختاري باليت واحد حق هدى بيوتي الفواتح هذيك الي تجنن ابعدي عن البني والرمادي بقية الباليتات طنششششي كريم اساس فاخر و كحل و ايلاينر وروج الى ٤ ارواج كفايه و ماسكارا للرموش
وقلم حواجب مع الصالبونه حقته هذي الاشياء الجماليه
نصيحه لا تكثرين وتكررين الاشياء
،
الملابس حطي عليها ٥٠٠٠ لا اكثر
انصحك من قلب مصيرك تحملين من اول شهرين ثلاثه
خذي العشرين من مهرك واشتري فيها ذهب لك
خواتم سلاسل بناجر
واهم شي وطقم كامل فاخر حدود عشر الاف
وانتبهي ثم انتبهي لا تنباع من زوجك بأي حال من الاحوال
خليها لك
لا انزنقتي واحتجتي انك اولى فيها فقققققط
وبخل عليك او رفض يعطيك او يقول مديون
ورحتي لاهلك واحتجتي مال اقرب مول وبيعي خاتم بدون ما يدري
ودللي نفسك فيها
المهم لايبيعه هو ولا تتنازلين عنها ابداً
الا لنفسسسسك فقط تشترين شي لنفسك مو له او في بيته
الذهب جمال يزيد الانوثه

قلنا ٢٠ ذهب
يبقى ٢٠ قلت لك ٥٠٠٠ للملابس وخلي معها الجزم والشنط
٥٠٠٠ ثانيه للفساتين الراقيه للجمعات واللانجري والداخلي
وابعدي عن الماركات فخ الناس التافهه خدي القماش الروعه والي يفيدك سواء من شي إن ولا اي سوق مفتوح اهم شي ما يكون مول يزودون السعر بسبب ايجار محلاتهم
١٠٠٠ خليها للبجايم البيتيه وابعدي عن الموالات انصحك من قلب اشتري من شي إن وربي تجنن كل شي فيها
يبقى لك ٩ !!!! ماعرف وش تبين تسوي فيها
اشتري عبايه وحده فقط فقط فقط
لاتسوين سواتي مدري وين عقلي اشتريت ٤ عبايات مر ع زواجي ٣ سنوات كلهن بالزباله الحين
اذا ودك بأول يوم اذا من مهرك مو بفلوس اهلك كمساعده ! المكياج والتسريحه انا ابوي تكفل فيها الله يجزاه الجنه
بس انتي ماعرف احوالك
يبقى لك ٨٥٠٠ و ٥٠٠ حقت العبايه
باقي الدبش وزينتها والفشخرة والحركات هذيك يشيلونها من بيت اهلك الى شقتك
اذا مو من فلوس اهلك بمهرك للاسف يادوب يكفي !! انا اهلي سووا لي دبشي بفلوسهم الله يخليهم لي
المهم فكري بعقل بعقل بعقل
حطي بحسابك باقي الفلوس الزايده ولا تلعبين فيها حتى لو ٣٠٠ ريال لا تلعبين فيها بيجي يوم تحتاجيها
ولا تعلمين فيها زوجك مهما صار وكان
ولا تقولين عندي وعندي
خليه يصرف عليك مثل الناس وعوديه ع الصرف من اول شهرين
فكري بعقل لاتكوني مثلي الملابس والشنط والجزم اي شي تحتاجين لمًا تمشين مع زوجك للمول وقتها هو يشتري لك الناقص
فييييه اهم من كل الي قلته ولا تنسينه ابداً
واهم من الشكليات والجماليات
اسنانك صلحيها
ليزر للبكيني ضروررررري
صنفرات تنعم جسمك وتوحد لونها
حمام مغربي
دلكة سودانيه
كل شي حاولي تسويه بنفسك
وكلها تكلف فلوس
وزعي فلوسك مضبوط
خذي ورقه وقلم
واكتبي في كل ملاحظاتنا ووزعي عليها مهرك
وللاسف يعتبر قليل مره في معيشه مثل معيشتنا مره ناااار
بس يارب زوجك يكون كريم وفيه خير ويحسن اليك ويبسطك دنيا واخره

الله يوفقك وييسر امرك ويجمع بينكم بكل خير

اول شي ابدأي بالذهب
واشتري طقم غالي وعليه القيمه وكم اسواره غاليه وعليها القيمه
والباقي اساور يوميه وخواتكم وسلاسل

بعدين فستان الزواج والمسكه والشوز والإكسسوارات التابعه له
وبعدين المصوره

كذا اتوقع خلصتي الاشياء الرئيسيه

تدخلين ع الاشياء المهمه
قمصان نوم لاتكثرين
طقم فخم لليله الدخله +واحد ناعم وجميل ل صباحيه + ٥ قمصان نوعي فيهم قصير او طويل ع راحتك

الملابس الداخليه +البناطيل +الفساتين الناعمه +كم فستان فخم اذا صار سهره او عشاء او عزيمه

شنط +شوزات اختاري الوان رئيسيه محايده يضبط مع كل شي
ولاتاخذين اكثر من ٤ صدقيني
وخوذي فلات وشوز رياضي
اديداس او سكيتشرز او اي ماركه ترتاحين فيها عشان تاخذين راحتك مع زوجك بالمولات او الكورنيش

عطور وميك اب لاتكثرين
يكفيك ٣ عطور ماركه ومسك ومخمرية وعود

اغراضك من الصيدليه الشامبو والبودر والبلسم واغراض العناية الشخصيه وَالفوط ومسكن للالم

عبايه اختاري ٣ فقط

خذي بالمعقول والاسعار المتوسطه
لاتغامرين بعد الزواج بتنزلين المول وتاخذين الي تبغين وينقصك

💗💗💗💗