ماشاء الله
مبروك عزيزتي بس كمهر ٣٠ قليل بالنسبه لجماعتي ٣٠ مهر ثيب وأنت رجعتي منها عشرين !
يلا عسى يقدر ومايسترخصك
انتظري التخفيضات وجهزي بوقتها
وأتوقع بينقص عليك وخلي أخوك يكلمه يزيدك
ماشاء الله
مبروك عزيزتي بس كمهر ٣٠ قليل بالنسبه لجماعتي ٣٠ مهر ثيب وأنت رجعتي منها عشرين !
يلا...
نقول قسمي العشرة بشيء ذكي
اول شي نبداء بليلة الزفاف اذا كنتي بتطلعين لناس بتكون مشكله
لأنو لازم كوشه ولازم يكون الفستان فخم ولازم طقم ولازم مسكه فخمه
مع شريط الزفه مع مع مع
يعني انا اقول الأفضل انك ماتطلعين
لسببين الأول خلي فرحتك بينك وبين زوجك لأني ما اايد طلوع العروس ابدا
وبرضو بتكون التكاليف باهضه
شوفي حبيبتي
اذا كنتي مانتي طالعه زفه
لاتشرين الفستان جهاز لانو غالي
فري النت وخوذي موديل حلو وبسيط ومافي تكلفه
وديه لخياط شغله زين يفصلك اياة ان شالله مايتعدى 600
مع الطرحه طبعاًَ ((واذا تبين اساعدك بالموديل والقماش ماعندي مانع))
نقول 600 راحت باقي 9400
حلوووو
روحي احجزي عند مشغل يكون حلو واسعارهم معقوله
ماهو لازم مكياج عروس
خليها تسوي لك تسريحه ومكياج مايكلفك 400 ريال
وجسمك انتي حطيه المكياج عليه
كيذا بيكون 1000 ريال
باقي 9000 نعمة كريم
اشري كريمات للجسم وللوجه وخلطات وخرابيط مارح يكلف اكثر من 1000
و 1000 ريال
اشري فيها
3 عطورات فرنسيه وعود ودخون وخمرية شعر ومسك ابيض وروحي نكتار اشري بودره جسم اللوشن وعندهم عطور رخيص
ماتعدى 40 ريال اشري لك كم واحد
ولاتاخذن الغالي في عطورات رخيصه وحلوه ماتتعدى 150 وبرضو الدخون والعود اشري الوسط
وان شالله تعوضين اذا تزوجتي
1000 ريال اشري فيها
طقمين تيورات وخوذي كم بلوزه مع تنوره سوداء واكيد الحين عندك ملابس حلوات غسليهم وبخريهم وخذيهم معك
اذا كنتو من اصحاب العازايم بعد الزواج
اشري فستانين حاولي مايتعدون ال 1000
او تسلفي من خواتك والي يعز عليك
باقي 5000
1000 ريال اشري فيها بيجامات وقمصان وملابس داخليه لا تجين المحلات الغاليه ابدن
و 1000 ريال اشري المكياج ((كريم اساس خذي واحد مع بودرته وخوذي كريم حق الجسم
خذي مسكرتين ماسك فاكتر حلوه مره سعرها 45 ريال وخذي مسكره ثانيه من ماركه ثانيه والأرواج لا يتعدن 30 ريال خذي (بلاشر) حمرت خدود اللي يجي اكثر من لون خذي كحل سايل محمود سعيد ب 15 ريال مره تجنن
وخذ كحل اسود ناشف وكحل ازرق واثنين قلم حواجب وخذي ظل من ماركه تكون اصليه
خذي اضاءه اللي تحت الحاجب وملمع شفايف وخذي مناكير الألوان اللي تحبينه لاتكثرين وخذي مزيل مكياج ومزيل مناكير))
1000
اشري مفرش ابيض ان شالله مايتعدى الألف
1000 ريال
اشري جزم الوان اساسيه اسود وبني لايتعدن ال 100
وفلات اثنين وشبشب للبيت
والشنط اشري اربع وتكون اسعارها مناسبه وعباية اشري ثنتين لايتعدن 150
باقي 1000
حفي جسمك بنفسك الأفضل او خلي احد يساعدك من خواتك لأنو غالي الأفضل انك تحطين فلوسك
لنقش وخلي تقشك مو نقش عروس لان نقش العروس غالي جيبي وحده تكون اسعاره مناسبه
لايتعدى ال 400
يبقى معك 600 روحي لصيديله واشري اللواز من معجون وغسول وشامبو وصابون ومزيلات عرق
وبرضو لاتنسن روب الحمام والفوطه
وان شالله بتجيك الهدايا مو مهم الفلوس اهم شي الراحه النفسه والرضاء عن الزوج
والأهم حاولي انك تتذكرين بكل خطوه من مشترياتك تتذكرين الله ومراقبته
لاتشرين شي ربي حرمه
وبرضو لا تنسين الصدقه ((مانقص مال من صدقه))
اي شي تبينه انا بالخدمه