الموضوع منقول
بسم الله الرحمن الرحيم ..
السلام عليكم ورحمة الله ...
عزيزي القارئ انا طالبه من كلية البنات بــ ألمجمعه ..بكتب كل شيء انا اشوفه بعيوني من دون كذب او افتراء وربي يشهد على كلامي ..
وبكتب هالكلام على آمل انه يوصل لاحد المسؤلين ويضع حد ..
في البدايه (---------) وتصدر قرارات وتذل وترسب بنات السعوديه لو انها سعوديه كان صار عندنا اهون.... من ان مسكت العماده السنه هاذي ونسبة الرسوووب مرتفعه وكثيررررمن البنات طوي قيدهم وقعدوا في بيتهم وضاع مستقبلهم بسبب انظمه وقرارت مثل الزفت العميده تقول للدكاتره والاستاذات لكم احقيه ترسبون ثلاث ارباع القاعه يعني ماينجح الا ربع هذا اسلوب عميده هذا بدل ماتقول ساعدوا البنات والشاطر والمجتهد ينجح والكسول يرسب واحنا مشاء الله ماصدقوا خبر ويالله ترسيب في البنات وطرد فيهم وكانها لعبه مو دراسه قلنا اوكي رسبتنا ورسبت صديقاتنا سكتنا زياده على كذا منعت الاكل يدخل للكلية يعني لاتجيبن فطور او شاي في الشتاء اوقهوه هذا اكل ابغى افهم وش دخله في الدراسه يعني مووووتوا جوع وحاطين لنا كفتريا الندم تطلعين من المحاظرات هلكانه يقولون لك خلصت الساندوياشات ومافيه عصير باردواسعار زفت بالله وش اكل انا طيب افطس يعني وصاروا يسون تفتيش وياخذون الاكل اللي مع البنات حتى لو انهم قاعدين ياكلون فيه يجون ويسحبونه منهم وش هذا هل هذي كليه بالله ؟؟؟بما انك شديده فتشي على الاشياء اللي تستحق التفتيش شوفي جولات الكميره اللي تدخل بالهبل مع البنات والله اعلم وش الهدف منها ؟؟ فتشي على البنات الشاذات اللي لا عقيدتنا ولا مجتمعنا يرضى بهالاشكال؟؟وفتشي ع الاشياء اللي تصير داخل دورات المياة((اكرمكم الله)) و اثناء الخروج والبنات عند الباصات وش يسون ؟؟؟؟يعني مخليه حيلك ع الاكل والاسئله >>>شي غريب والله المهم مخلينه والاشياء البسيطه رايحه تسوين فيها (((...
ولا حاطه اللحين نظام جديد اسئلة الامتحان مايكون فيه صح او خطا او اختياري او فرغات كله ا سئله مقاليه ليـــــــه ؟؟ وش عذرها يمكن تجي البنت ماذاكرت بسبب ظروف قاهره وتحل صح وخطا بالصدفه ويصير حظها حلو وتنجح ليـــه يصير حظها حلو ؟؟؟
ترسب تكون مبسوطه بس تنجح لاااااا ...
وغير كذا نظام جديد بعد ممنوع تطلعين من الكليه لو فيك الموت يعني مثلا انا اداوم عشان محاضره وحده ساعه بس مو منطق اني انطق في الحر والشموس الى الساعه وحده الظهر واطلع ليه وش فيها اذا سمحتي للبنات يطلعون يريحون اه ولا بعد الخروج ع بنات وبنات الا ((يعني ماعرفك ماراح امشي موضوعك اعرفك بيمشي موضوعك وتطلعين)) يالقهـــــــــر بس وغير اللبس اللي مو مهم بس يذكر من
ضمن العيوب والمساوء الوان محدده واذا خالفتي يكتبون لك مخالفه وبعدين يستدعون والدتك يقولن لها بنتك مخالفه ترى لو تكرر بنزل لها حرمان في احد المواد عشان لبس يالله مو مشكله ...
خلصنا من العماده نجي للدكتورات والاستـــاذات المتعلمات الراقين حقين قسم اقتصاد..<<
انواااااااااع الذل والاهانه نشوفه كل يوم ونسكت وننطم ولا نقول شي عشان مصلحتنا لازم نخيط افامينا ونلفقها بعد ..
غير الطلبات الكثيره اللي يتعذب ابوك واخوك وخالك وامك وكل
من له صله بك عشان يوفرون لك الطلبات
نتعب ونشقى ونكرف ونغسل ونسوي اعمال ونرسم وكل شيء يخطر في بالكم نسويه وياليت يعني يقدرون هالشغل والتعب كله والله والله اني اجتهد لعل وعسى ان شيء من اعملي يعجبهم ولا شيء يعجبهم ولا زم يعذربون طيب لا تحطمونا قولوا حلو بس عدلي فيه بتقبلها صدقيني بس اول ماتشوف شغلك وااااي اده موش كويس ايديك موش نظيفه يعني انتي تتعبين وتشقين وتعملين فوق طاقتك ولا يجوز لهم ..
وزياده على كذا قبل فتره عشان تعرفون وجيهم وش وسعها ومعاد يستحون والتعليم صار زفت طلبوا منا 50 ريال ؟؟؟ ليه قالوا بنساهم في عمل يوم مفتوح وبيكون نشاط لكم وعطونا اسماء المواد اللي تبونا نرفع درجاتكم فيها ونرفعكم احنا انبسطنا مع انه مو اسلوب حضاري ابدا بس انبسطنا اكيد رحنا على طول عطيناهم الفلوس قلنا رفعتونا في مواد اللي عندنا فيه درجات ناقصه قااالوا عفوا من يقوله وشلون نرفعكم لا طبعا طيب وين فلوسنا زينا فيها اليوم المفتوح والله انا واللي معاي ماشوف أي شيء مزين بالفوس يعني راحت في بطونهم ... سكتنا ومشينا الموضوع واصلا مالنا الا نسكت مانقدر نقول شيء لانهم ياكلونا بالسنتهم اكل ويصير الحق معهم واحنا الغلطانين
بقولكم يومنا باختصار في هل قسم اللي الزفت<< تكرمون من يدخله ويعرض نفسه للاهانه المستمره دووون توقف ..
يومي اقوم الصباح فرحانه متفائله كلي امل اروح اداوم ادخل المحاضره الاولى يالله صباح خير
فتحوا وركزوا معاي اللي مش هاتسمع اسمها هاحطها غياب طبعا ماتقوله بهدؤء بصراااااخ وزعاااااق على الصباح
وبعد كذا تبدا المحاضره الكل نايم موب مركز معاها يالله يبداء اللسان الوسخ ايه انتم اغبياء متفهموش بليدين جميع الكلمات تطلع معها عادي ياااااارب الهمني الصبر والسلوان
بعد كذا تطلع يالله بسرعه اطلعي ركض على القسم الثاني ولا ترى بعد دقيقه اذا مادخلتي غيااااااب ركض ركض دخلنا يالله خيطي لين يتقطع قلبك واذا ماعجبها فكيه وارجعي خيطيه والا صفر تفكينه اربع مرات خمس مرات عادي مايهمها وبعد كذا توجعك رقبتك وعيونك من التركيز يالله بسرررررررررعه المحاضره اللي بعدها اركضي والا غياب وطرد وتهاوشك وتخليك ماتسوين ركض يالله اقعدي صممي ولزقي تحرق اصابعك وتتعبين وفي النهايه مايعجبها يالله خلصت المحاضره ولا تخلوا من التهديد والوعيد ترى برسبكم ترى بترسبون تراكم ماتعرفوني انا مايهمني ارسب ومن هذا الكلام وكانهم قايلين لها انتي شجاعه انتي بطله انتي احسن وحده بالدنيا اذا هنتي البنات وخليتهم ذليلين لك وخليتيهم مايسون شيء ...
عقبها يالله ادخلي محاضره اخيره واسمعي كلمتين يختمون لك يومك اللي كله هواااااش وذل وتحطيم انتم زي الكراسي اللي قاعدين عليها انتم ماتستحون يااااااااااارب صبرني يااااااااب
خلص يومي اللي بدا بكل تفائل وامل وانتهى بكل ياس واحباط وتعاسه ..
واذكر لكم اقرب موقف صار عندنا في القسم بنتين عندهم اللحين محاضره يالله عندنا محاضره بكل اجتهاد داخلين الاستاذه تشرح والبنات يناظرون ويسمعون((طبعاا قراءه مو شرح وتفهيم)) التفتوا يمين شافوا ناس تلعب التفتوا يسار شافوا ناس تسولف قدامهم ناس تاكل ورئهم في اخر القاعه بنات يبربسون بس مادري وش يسون للاسف شكلهم مو مظبوط
المهم البنات شافوا الدعوه خربانه قلو خلينا نلعب وش معنى كل القاعه مشغولين الا احنا منصتين لعبوا شا فتهم اللي تزعم انها استاذه جامعيه وراقيه في تعاملها مسكت الدفتر اللي كان معهم وشققته ورقه ورقه واحنا على اخر السنه ومكتوب فيه كل المحاضرات ورمته عند الباب وقالت الحقي الدفتر وخذي صاحبتك معاكي هل هذا اسلوب راااقي هل هذا تصرف استاذه وطبعا لازم تطول لسانها انتم ماعندكمش احترام لي ولا للمحاضره طيب خلاص بتاعقبين عاقبي القاعه كلها احنا غلطانين بس مايحتاج تسوي كل هذا وش بيقولون عنك البنات استاذه متخلفه همجيه حتى اسلوب ماعندها وراحوا لها بعد المحاضره بيتاسفون منها يمشون ورها ولا كانها تشوفهم بيلمونها يادكتوره لوسمحتي ممكن كلمه ولا كانها تشوفهم طيب اسمعي وبعدين قرري عطي مجال للطالبه حقرتهم وذلتهم حسبي الله عليها سكتوا وكتبت هالكلاااااااام عساه يطلع القهر والحره اللي فيني ....من اللي شفته ...
.ونســــيت اعلمكم عن حاجه احنا عندنا ماده اسمها رسم عناصر نرسم فيها على لوحه فبريانوا هذي اللوحه يالله حصلنها ويالله لقينا الالوان حقتها المهم بعد ماجمعنا اغراض اللوحه قعدنا نرسم فيها يومين او اكثر بعد خلصنا تعبناااااا وتمصعنا وسلمناها اللوحه في الوقت المحدد بعده بيومين او ثلاث ايام نتفاجاء ان اللوحه مرميه في القسم وكل من مر من البنات وطاها ومشى عليها هل هذا منظر انا وجميع الطالبات انهرنا قاعدين نرسم ونتعب واخرتها بعد ماتقيم ترميها كذا في الطريق طيب ياستاذه حطي اعلان في القسم تعالوا استلموا لوحاتكم معاد ابيها صدقيني بنجي وناخذها مو اسلوب راقي ومو حلو بحقكك نطلع و نتفاجاء انها مرميه وكانها زباله وكل من مر وطاها خير ان شاء الله ..
على عموم انا طولت بلكلام وتعبت وانا اكتب ولو استمريت يمكن ماخلص هذا ولي بس ترم في الكليه شفت كل هل مناظر المؤسفه اللي للاسف ماتصير الا في كلية المصخره حقتنا وهذا اللي قلته نقطه في بحر مايصير لنا يوميا ..
ماراح نطلع الا فيني جميع الامراض النفسيه والجسديه من الكرف ... ادعوا لنا بالصبر والثبات والنصر على الاجانب اللي جاين في ديرتنا ونافشين ريشهم علينا ..
معاناة طالبه تشوف الذل بعيونها وتسكت
الى كل من يهمه الامر الى كل طالبه في هالــ كليه ارجوكم كفاااااايه سكوت كل وحده في قلبها شيء تضيفه على هالايميل وترسله لي انا بحاول انشره في كل مكان لدرجة اني بحطه في موقع جريدة الرياض خلي كل العالم تشوف المهزله اللي احنا عايشين فيها ومع ذلك ساكتين .. تكلموا عبروا عن ارائكم ودافعوا عن حقوقكم ..
******************************
وهذ بعض القصص للطالبات من الكليه والخافي اعظم.....
السلام عليكم ورحمه الله وبركاته
انا طالبه اييد كاتبت هذا النص واصلا شي نشوفه بعيونااااااااااااااااااااا
كليه المجمعه للبنات كليه ظـــــــــــــــــــــــلــــــــــم وربي ظلم وامنيه ان احد المسؤلات تجي للكليه وتشوف كيف وضعناااا داخلهااا وربي شي يقهر وانظمه مثل الزفت سوالللللللل واحد انا ع فكرة طالبه من قسم ((اقتصاد منزلي))ومعمرة طبعااا باقي لي ترم وانتهي منها بس السوال ليه انا اتعب واكد طول السنه ويالله الاقي الاغراض المطلوبه لكل ماااااااااااده طلبااااااااات بالهبل واخر شي انضغط نهايه السنه واكد واتعب اخر شي الاقي اغرااااااااضي بالارض منطوووله والبنات يدوسون عليها والمشكله انها مو أي اغراض يعني احنا مانجيب اغراضنا الامن المحلات اللي هم يحددونها يعني مثلا ايكيا القفاري جرير وانتم دارين ان هاذي المحلات مو أي شي تبيعه الا الشي الكويس والحلووو والسعرة اللي مايحتاج واخر شي الاقي منطوله طيب وش بيضرك ذبيها بس مو قدام عيني بالله عليكم هذا من التشجيع للبنات انا انسانه خايطه ستارة كبر جدي ومتعوب عليها وربي حتى القماااش سعرة ماتتصورون كله علشان مدرستي اخر شي انتهيت منها لقيتها بالارض منطوله ليه طيب رجعيها لنا تعبنا ولاااااااا بعد القهر انهم يبعونها علينا حتى لو كانت بالارض منطوله يعني دوسي عليها ولاتاخذينها الا بفلوووووووس والله شي يقهر ودكتورات مثل الزفت والحين بنات سعوديات بالهبل جالسين بالبيت لا شغل ولا مشغله ومتخرجين ماجستير وبكالوريوس وتجيبون سودانيات ومصريات حتى الاردنيات طيب تعرفون هذلا الدكتورات وش يسون لنااا وربي انهم يدخلون ويقرون الماااااااااادة مجرد قراءه لا اقل ولا اكثر وهذا الشي تسيوه ميه الف مدرسه سعوديه احنا نبي استقراااار نفسي ونبي راحه نفسيه وربي اول ماتجين الصباح اول محاظرة انواع الكلام الفاااضي والتهزيئااااااات اللي لا تعد ولا تحصى وبعدها استلمي كرف وخياطه وانواع التحطيمات ع اصول والله العظيم وربي الشااااهد علي ان وحده من المدرسات قايله لنا ياحمــــــــــير ؟؟؟؟
هذا اسلوب مدرسه فاهمه ؟؟؟
المهم ماعلينا من الكلام الفاضي نجي للاهم سوال يطرح نفسه _اخبار الاجواء عندكم هالايام؟؟؟ صح حلوة مررررررررررة حر وسمووم وحر يشق الوجه طيب حر وموت ليه مايولعوووووووووووون المكيفات الكليه ليه ليه ليه ليه؟؟؟؟؟؟؟
عشان ندفع من فلوسنا 100 ريال عشان يشغلونها ؟؟؟
الساحات كل وحده كشتها هذي كبرهااا من الحر والحاله النفسيه يرثى لها وقسم اقتصاد مافيه الا 3 قاعات يعني انتي لو ماعندك محاظرة تجلسين بالساحه عشان بنات رابع يدخلون في قاعتك اوك واذا طلعتي برا حررررررر والساحه اللي فيها كراسي ومكيفات ممنوع تشغيلها طيب ليه الله يغني الملك عبدالله مو من حلالك يالسودانيه شي يومك تسكرينه كل هذا تنكيد يعني –
المهم انااااااااااا ابغى احد المسؤلات الكبار تجي لنا بالكليه بليييييييييييييييييييز ارحمووووووووونا وابي يكون مفاجئه عشان تشوفون بعيونكم البنات السعوديات كيف ينهانون وخاصه قسم اقتصاد وانجليــــــزي والله ان هذا جزء من بحر اللي بقلبي ع هالكليه لكن الله لايحللهم ولا يوفقهم كلهم والله لا يوفق من يقراء هالكلام وبيده شي ولا يسويه الله لايوفقه يااااااااااااااااااااارب اذا كان بيديكم شي سووه ليه منسوبين ع الفااااااااضي يالله شدووو حيلكم.......
والله يوفق كل من يسااهم في حل هذي المهزله
وحتى قسم احيااء مظلومين بموادهم الي تدرس لاول مره هالسنه تتوقعين كم ماده بالترم الاول اول مره تحصل هذي 11 ماده وليته رحمونا وسهلوها علينا لا بالعكس كل وحده تصعب حتى معظم الدفعه حملت المواد لا والادهى اول مره تدرس نص هالمواد واحيانا تكون مو من تخصصنا بعض المواضيع وتكون مخصصه للاولاد وتدرس لنا ليه لانكم احياء يعني اشياء تقهر لا وغيره مدرسينا هالسنه ماده مال امها داعي كلها نبتات وزراعه ليه وحنا وش دخلنا بالزراعه بس قل مواد يعني الا لازم يكثرون علينا وليتها سهله هالزراعه الا تروع حتى نص الكلام فيها صعب مو مفهوم صعووبه مو طبيعيه فيه حرام عليهم الدكتوره نفسها تقول صعبه فما بالك بالطالبات حتى العملي للماده نفسها ماله امه داعي نص التجارب نظري لا وزراعه بعد مدري وش يحسون به نص المواد الي مطلوبه بالتجارب مو موجوده طيب ليه تحطونها اذا مافيه امكانيه اننا نصلحها حنا مو حقل تجارب يجربون نجاح الماده علينا نجي للماده الثانيه نباتات زهريه مانقول صعبه مرره بس نجي للامتحان وفيه رسم نرسمه لها تحطه للبنات كله خطا ليه تبي نفس ترتيب الكتاب مو مهم انه صح لااا تبي نفس الترتيب نسخ ولصق مو هو نفسه نفس المطلوب بس عاد اذا بغوا يخلونه صح خلوه واذا بغوا غلط حطووه غلط يعني صار الهدف اني احفظ الي الكتاب نفس الحركه في كل رسمه علشان اجي للامتحان الصقه لها مو مهم اذا انا فاهمه اولا اذا هي نفسها المدرسه تاخذ الكتاب وترسم منه علشان ماتغلط كيف حنا نجي للي بعده طرق تدريس الدكتوره شوفو اسالتها الشهري لنا وانتو احكمو وشوفو اجوبه البنات عليها لف ودوران بالاسئله حتى الاجابه تبيها شي ثاني غير السوال طيب اكتبي انك تبين هالشي من السوال ليه اللف والدوران يعني تكتب سوال والاجابه في وادي ثاني ليه ابي اعرف كله علشان ترضي العميده المصونه لانها طالبه ان الاسئله تكون بصيغه اللف والدوران علشان مااحد ينجح وعلى قولتها مو معقوله احد يطلع من الدفعه بدون مواد ليه مو ظلم كذا والدليل بنات انقليزي وربي هم اخبر بها وبسواياها
طبعا مانسى كلام البنات الي من قسم اقتصاد على الكافتريا والمكيفات جد عذاااب
نجي لماده وظائف واعضاء حيوان الي ماله مرجع ندري انه صعب ونصه معادلات يعني كميااااااء وربي حتى الكمياء مايذاكرون كثره بس وين المنهج طيب مافيه مرجع واحد للماده حوالي 10 كل يوم طالعه بمرجع فيه صفحه من الدروس طيب والباقي يعني جالسه كل يوم بمرجع فيه درس وفي المحاضره نفسها تجلس تقرا شوي وتشرح حتى هي مو محصله المنهج تدوره عندنا وبعدين تشرح والله حاله قسم بالله طفشنا من الي جالسين يسووونه فينا كل يوم مطلعيلنا ماده جديده ويالله جربو فينا وربي تكون صعبه ومع ذالك ساكتين والدكتوره نفسها تتشكى منها طيب حرام عليكم اذا هي مو متحملتها كيف حنا جد تعبنا
ارجووووووووووو من كل شخص يقرا الرساله انه يوصلهااااااااااا للي يقدر علشان يحسوووووووون فينا
ثالث احياااااااااااء
بنت عززز @bnt_aazzz
عضوة نشيطة
مهزلة كليلة التربيه با المجمعه ...ومن لديه القدره لتوصيل المعاناه لوزير التربيه
24
2K
يلزم عليك تسجيل الدخول أولًا لكتابة تعليق.
لبوة مسالمة
•
الله يعينكم وينصركم على من ظلمكم..
عزيزتي فيه وجهه ما يوقف قدامها احد وتحقق لك كل اللي تبينه اذا اخلصت نيتك وتوجهتي لها وكلك ايمان بقدراتها على حل مشكلتكم الا وهي الرحمن الرحيم العزيز الكريم القادر على كل شئ وحدوا الدعاء واخلصو ا النية واحسنوا الاعمال ا لتعبدية معة ولن يضيعكم ووالله لو اني اقدر اسوي لكم شي ما قصرت وخاصة اني منكم وفيكم لكني عايشة في الشرقية ودرست في الكلية في اول دفعة وبادارتها القديمة اللي كانت مقبولة نوعا ما الله يرفع عنكم واحتسبوا الاجر وان شاء الله ما يضيعكم رب العالمين
حسبي الله عليهم
يا شيخه ما يكفي مستوى التعليم المتدني؟؟ بعد يجيبون هالاشكال تعزز الفشل حقهم
يا شيخه ما يكفي مستوى التعليم المتدني؟؟ بعد يجيبون هالاشكال تعزز الفشل حقهم
الصفحة الأخيرة