السلام عليكم ورحمته الله وبركاته
كيفكم بنات .....
اليوم راح اتكلم عن موضوع مهم جدا وخاصة في الايام هذي
كثير قرينا وسمعنا مواضيع عن الاحداث اللي حاصله في البلدان العربيه
وتداول كثير من الناس موضوع او حديث الملحة الكبرى وقامو يكتبون يوم القيامه راح تقوم والمسيح مابقي شي ويطلع ومادري ايش .. انا عارفه ان هالاشيا اللي تصير دليل ان حنا في اخر الزمان بس اللي حابه اوصل له رجاء يابنات ابيكم تتركون علم الغيب لله سبحانه وتعال لانه وحده هو اللي يطلع عليه خصوصا ان الناس الحين ومع التقنيه الحديثه صارت تحب تنقل الاشاعات ويتداولون احاديث غير صحيحه ومنسوبه لرسولنا الكريم وصار في الناس رعب من كل شي يصير وفيه ناس مريضه نفسيا وتصدق ها الكلام اللي تتناقلونه خصوصا في المنتديات يوم القيامه من عهد الرسول مذكوره في القرآن : قال تعالى . اقتربت الساعه وانشق القمر .. يعني الرسول اللهم صلي وسلم عليه هو نفسه مايعرف متى الساعه كيف انتم تألفون قصص وحكايات عن المسيح الدجال وانه خلاص قرب يطلع كأن عندكم خبر منه والله وتالله انكم محاسبين على كل كلمه ترسلونه رجاء منكم لاتتدخلون بعلم الغيب واللي يصير لنا في هالوقت هي فتن والله العظيم يابنات اعرف وحده من قرايبي من شدة ما تقرا في المنتديات خلاص استسلمت وصارت من يوم الاربعا تخاف ولاتطلع من بيتها ولا تسوي شي حتى ماتتحرك من مكانها بس تبكي تقول اني اجلس على هالحال الى يوم الجمعه المغرب ما انام ولا اكل ولا اتحرك تقولي ان الناس يقولون يوم القيامه جاء صار عندها وسواس لدرجات ان عباداتها وواجباتها اللي فرض عليها ماتقدر تسويها والسبب مواضيعكم اللي الوحد ه كأن عندها علم من كلامها والمشكله الكبرى تستدل بحديث عن الرسول ويكون من الشيعه هي اللي مألفته وناسبته لرسولنا لانه هي عارفه ان حنا نصدق اي شي للاسف تعودنا على اسلوب النسخ واللصق من غير مانتأكد من كلامنا ولاتنسون حديث الرسول صل الله عليه وسلم : من كذب علي متعمدافليتبؤ مقعده في النار .
ياليت تكونون فهمتو علي ورجاء اتركو كل شي بيد الله واذا تبي تنصحون وتوعظون الناس مهب باسلوب التخويف وزعزت امن المسلمين
اللهم اكفنا شر الفتن ماظهر منها وما بطن
اللهم ارنا الحق حقاوارزقنا اتباعه و ارنا الباطل باطلااوارزقنا اجتنابه
ام الرخاء والشده @am_alrkhaaa_oalshdh
عضوة نشيطة
يلزم عليك تسجيل الدخول أولًا لكتابة تعليق.
ام الرخاء والشده
•
صحيح كلامك اختي الغاليه طرقتها ففتحت لكن الخلاصه من كلامي عدم نشر كلام من غير ماتتأكدون منه سبب كتابتي لها الموضوع امس وحده من قرايبي ارسلت لي حديث منسوب لرسول والناس قامت ترسله وصار الواتس بس يتكلمون عن هالحديث وفي الخير يطلع الحديث غير صحيح والله العظيم لو تقرينه الحديث ان يشيب راسك
الصفحة الأخيرة