مهلا أيها الظالم عين الله لاتنام

بسم الله الرحمن الرحيم
اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد. .
فيه موضوع حابه اقول لكم عنه ..الظلم .كلمه قاسيه ..كلمه لا حدود بمعناها ..الأغلبية منكم قد صار يوم من الأيام مظلوم اذا م هو كلكم بس اش شعورك الآن اتجاه اللي ظلمك؟؟؟؟ردي
الله سبحانه جعل أجر العفو أجر عظييييم أجر لا يعلم به الا هو لأن م أحد يعرف حرقته الا الله بس لو كنتي ظالمه اش شعورك اتجاه الإنسان اللي ظالمته ...ياربي لا تجعلنا نظلم اي شخص ممكن بظلمك تاخذين الشيء اللي تبينه بس بدعوه بيحرمك الله كل شيء ..لاحول ولاقوة الا بالله الكل صارو يشوفونه شيء عادي ليييش اعرف وحده م ترضى الخطأ على نفسها ولا على عيالها لسانها طويل على الكل حتى زوجها عيالها م ترضى أحد يغلط عليهم الكلمه ترجعها بعشر معلمه عيالها الانتقام وم تخلي حقك تضرب اللي يرضبك وزياده تجرح الكل بكلامها وأنا اللي م أحد يكسر كلمتي .وصار الكل يتجنبها ووالله انها بنفسي اسمع الدعوات اللي تقشعر الجسم ووحده والله انها مصليه وباقي في مكانها انها تدعي عليها بالمرض والدعوات اللي تمنيت اني م سمعتها دعواااات تعور القلب واقول ليش م تتكلمين في وجهها قالت ابي افتك شرها والدعوات من الصغير قبل الكبير ومن القريب قبل البعيد لا يغركم النعمه ولا يغركم امهال الله لأحد هي الحين تعد لا شوي بس بعد ايش والله ان عيالها في حاله واللي مقررين عليهم بعمليات والشكوى على الله وهي بنفسها في هموم لا يعلمها إلا الله واني بنفسي شايفه دموعها بس م اقدر اقول لها خلي الناس تسامحك لعل الله يعفو عنك م أبي أزيد عليها اللي هي فيه وعارفه الناس ذي ابد ابد م راح ي سامحوها بس اقول لكم يا بنات تكفون لا يغركم ضحك الشخص اللي تمزحين عليه بكلام يجرح ويقول لا م زعلت علشان يضحكون الباقين ترى من وراك يدعي عليك حتى لو ضحك انتي لا تجرحين اي شخص حاولي قد م تقداري حتى لو شغاله ترى احنا بحاجة من يدعي لنا مو يدعي علينا خلاص ابدأي صفحه جديده تغافلي عن الناس الناس اللي تعرفين انه يكسرون خاطرك تجنبيهم عودي نفسك قلبك يكون نظيف والله ان تسعدين انتي قبل كل شيء باذن الله وانتبهو من الظلم لو كلمه غيبه في إنسان والله ان يسألك ربك عنها والشخص اللي أضعف منك حاولي م تكسيرين بخاطره ووحده من اقاربنا كانت قوووويه شخصيه على عيال زوجها ومعاملتها لهم مو طيبه ورجعت لها في بناتها .....انتبهو من الظلم دموع المظلوم ماء يسيل ولكنها عند الله ليست بالهينه هذا وصلى الله على نبينا محمد وعلى اله وصحبه وسلم تسليما كثيرا