مهلبية بالكريمة ...ﻻ تقاوم..وبسر بسيط..راح تحلي مشكله تواجهنا في المهلبية

السلام عليكم ورحمة الله وبركاته

صباحكم خير وسعاده...... واذكركم بالباقيات الصالحات.. خير وأبقى. .

سبحان الله ..والحمد لله ..ولا إله إلا الله ..والله اكبر ..وﻻ حول ولا قوة إﻻ بالله العلي العظيم..

قبل كم سنه ذقت مهلبيه تاخذ العقل... ومن يومها وانا خاطر ي فيها ...لكن عجزت اوصل لنفس الطعم..

طبعا طعمها تقولي ايس كريم. . دريم وب... والقوام كريمي ﻻ يقاوم..

وبديت مهمة البحث.. والاخوات ماقصروا .. اللي تقول بيض.. وله تقول دريم ويب .. وله تقول حليب بودره. . فانليا..قشطه

وكلها جربتها لكن وﻻشئ من الطعم اللي عالق في ذاكرتي...

ونسيت الموضوع لحد ماطحت على مهلبية لاخت في منتدى ثاني ..

وطلعت نفس الطعم

مقاديرها موجوده عندي ..قلت اجل اجربها ..مانا خسرانه..

والحمد لله يابنات طلعت هي اللي ادور عليها والسر بسيط وراح تميزونه في المقادير..

والفضل لله اوﻻ..

المقادير مع الطريقه سهله وبدون غلبه "يعني ﻻ خﻻط و ﻻ فرامه"..

في قدر ويفضل "استيل " صحي وخصوصا لغلي اللبن والتحريك..

نضع كاس وثﻻث ارباع حليب سائل اي نوع وانا استخدمت "قليل الدسم" للتخفيف من الدسامه"

نص كوب كريمه لباني "واستخدمت الخاصه بالحلويات "وفيكي تستخدمي النوع الثاني تبع الطبخ

ربع كاس سكر طبعا السكر "حسب الرغبة" وطبعا النوع اللي استخدمته كان مخصص للحلويات وفيه حلى

وثﻻث مﻻعق طعام نشا "من النوع الجيد

تقلبيه بالمضرب السلك وترفعيه على النار وتبدي تقلبي بالمضرب من ربع ساعه لعشرين دقيقه

طبعا هذا الوقت المستغرق "عشان ماتقولي مامسكت ازيد نشا ..راح تمسك في حوالي هذا الوقت"

اذا بدت تمسك ارفعيها من فوق النار وضيفي ملعقه صغيره فانليا

وملعقه ونص صغيره كريم كرمل "لاني استخدمت كريمه لباني بيضاء وانا ماحب المهلبيه بيضاء مره .. احب اللون الكريمي ..

وهذا يغنيك من استخدام البيض للحصول على اللون الكريمي .. وبدون زفرة البيض"

وبعدين ابدأي اغرفي في الصحون المخصصه...

التزين فيك تزيني ..بالفستق الحلبي... البسكويت المطحون. التوفي.. تخليها ساده

وهذه الطريقه ..مضمونه...لذيذه ..تواجه ...راح يحبها الصغار.. بس مالي شغل لو كل يوم طلبوها..

وراح تحل مشكلة تشقق سطح المهلبيه اللي كثير من الاخوات بيشتوكوا منها..

وحتى لو باتت"مع إني اشك انها تبيت في الثﻻجه "طبعا من طعامتها...

وفي الختام حابه اشكر صاحبة الوصفه"شيف إمارتيه لطيفه "وعسى يارب يحلي ايامها ويسعدها في الدنيا والاخره...

وله متوفره عندها المقادير .. ياليت تجريها. . خاصه للصايمين ..يوم عشورا.. وعسى ربي يتقبل منا اجمعين