السلام عليكم بنات
اليوم جبت لكم طريقة انما ايه
تهبل وتجنن
للمهلبية ( رز بالحليب ) على قولة المصريين
بس ولكن بطريقة جديد ه ومطوره انا دايم اسويها وتعجب الكل وبالذات اخوي الكبير
ويمكن في ناس جربوها بس انا حاطتها للي مايعرفونها
المقادير
نص كوب ارز مغسول اي نوع رز تحبينه
اربع كاسات حليب سائل
نص علبة حليب محلى
قيمر كي دي دي ( لازم هالنوع )
واللي ماتلقى كي دي دي تستعمل القشطة الطازجة قشطة المراعي او نادك اللي تجي بالسوبر ماركت بالثلاجه
ماء ورد + هيل + فستق مطحون
الطريقة
اطبخي الرز في الماء بس لاتكثرين الماء ،، بس تشوفين الماي قرب ينشف والرز نضج اسكبي الحليب السائل ولازم يكون ساخن ،، وخليهم يغلون مع بعض ،،، لين تشوفين الرز صار كثيف وثقل شوي ،، حطي عليهم الحليب المحلى ،، وحركي بعدين اضربيهم بالخلاط اليدوي بروان او خلاط العصير ،، ورجعيهم عالنار خليهم لين يثقلون اكثر ،، واذا شفتي القوام مره ثقيل زيدي عليهم شوي حليب سائل ،،
حطي عليهم ماء ورد ربع كوب تقريبا او فنجان واحد بس ،، وحركي ،، والهيل حطيه للزينه بس واخر شي لما تسكرين النار اخذي ملعقتين طعام قيمر كي دي دي وحطيهم ع المهلبيه وحركي ،،
بعدين ذوقي المهلبيه اذا احتاجت سكر زيديها سكر شوي ،،
والحين اسكبيها في الوعاء اللي تحبينه ،، وبعد ماتبرد شوي افرشي القيمر ( القشطة) على الوجه ورشي عليها شوي هيل مطحون وفستق
واكليها حاره او بارده ،، انا افضلها دافيه
وبالهناء والشفاء
جربوا لاتندموووووووووون
ان شالله اذا سويتها اصورها لكم
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
حبيبة أبوها
•
تسلم يدينك حبيبتي
الصفحة الأخيرة