حبيت اشارك بشكر للاخوات المشاركات

جزاكن الله خير

ياحبيلكم يابنات عالمي والله ماحطيت الموضوع الا انا داريه انكم فزعات يارب عسى الله يفرج لكم
الي سئلتني كم لي متزوجه :unhappy: خمس سنوات للاسف الى الان ماتعدل وضعي
والي تقولي يمكن انتي من النوع الي تبين كل شي مثالي :hahaha:ياحسرتي انا ما ابي مثاليه ابي بيتي مهيئ
لان اغلب الي اعزمهم دقيقين وانا الي ينرفزني التوتر الي يجيني وبيتي اف حتى اهلي رغم اني امون عليهم لو يقولون بنجي
اشيل هم والله اموت بالجمعات والفله بس مشكله اني انحاس وانرفز اذا جاء احد بيجي مدري وش يجيني
ومشكلت زوحي مايحب اسكر بعض الغرف الخاصه الي يكون فيها ملابس واشياء زايده
اخشى اذا جاني ضيوف يفتحو الاطفال هذي الدواليب واستحي انفخ على احد:unhappy:
تكفون كثرو حلولو الله يفرج لكم والا تبي تنافخ تاخذ راحتها لاني من جد نفسي اكون حرمه سنعه لو يدق احد يقول انا عند الباب اقول حياك تكفووووون الله يجزاك خير

ياعمري اناارتب قبل لاانام ولمن اصحي امسح السراميك واكنس واستحمي اناوعيالي والبس واتكشخ وابخرالبيت قبل العصريعني لواحدجاء علي غفلة انا مستعده واسوي زي المعمول الغريبه يعني ماتخرب لوطولت اقدمهامع القهوي ويكون عندي معجنات مشكله مفرزتهااسخنهاواقدمهامع الشاي يعني ضيافتي تكون كامله نظمي وقتك كنت مثلك بالاول بس الحين نظمت وقتي الحمدلله

اذا عندك بزوره حولي انك تنظفي المجلس الرجال والحريم
وبخري وسكري وخلي المفتاح على الباب والمجلى اهم شي والصالون
باختصار كل شي مهم ولازم يكون مرتتب المجلي زي ماقلت لك
نظفي المجلس الرجال والحريم
وبخري وسكري وخلي المفتاح على الباب

كثري الاستغفار وقبل لا تنامين سبحي الله 33 مره واحمدي الله 33 مره وكبري الله 34مره والطريقة انك كل تسبيحه في مفصل من مفاصل اصابعك وفي يدينك الثنتين وراح يكون عندك 30 مره مثلا سبحتي والاصبع الابهام عيدي عليه مره في كل مفصل وراح يصير 33 مره ان شاء الله انك فهمتيني وراح تشوفين الراحه وبسرعه راح تخلصين شغلك لان التسبيح والتحميد والتكبير تغنيك عن خادم وهذا مثبت عن حديث الر سول عليه الصلاة والسلام
واخيرا ياأختي ثقي بنفسك وبنظافتك وترتيبك وماعليك من اي انتقاد