بسم الله الذي لا يضر مع أسمه شئ في الأرض ولا في السماء
من زمان الموضوع دا في بالي وكل ماأبغى أنزله تكاسل
طبعا من باب المنفعة وحب لأخيك ماتحب لنفسك حبيت أقولهم جدولي :time: اليومي والشهري والأسبوعي للبيت من زمان من قبل مايتوظف زوجي بس لما توظف ولله الحمد صرت أخذ راحتي أكثر
<<عقبال كل العاطلين يارب
والحمد لله مهما جاني ضيوف سواء كلموني قبلها أو فجأة أقدر أستقبلهم بدون ماأحمل هم شئ :39:
مثال :
في رمضان كنت نايمه وصحيت على صوت زوجي يكلم أخته >> طبعا في مدينه قريبه مننا
وكلمه على كلمه إلا قالي أختي بكره مسافرة وشحنو سيارتهم وجايين الرياض عشان يسافرو بالطيارة قلت إنا الله يحييهم طبعا سويت قهوة وتمره وشويه بسكوتات والحمد لله البيت كان نظيف أستبقلتها وانبسطنا والحمد لله
مثال ثاني :
الخميس اللي فات جوزي كان عزمني على الغدا ومحددين من أسبوع انو الخميس موعدنا طبعا إلا أختي فديتها متصلة الربوع تقول الخميس جايتك قلت الله يحييك طبعا رحت تغديت ورجعت العصر سويت قهوتي وانأ متطمنه انو بيتي نظيف
طريقة تقسيمي لجدولي كالأتي :
شهري
كل أسبوعين
يوم أيوه ويوم لا
الشهري: يكون التنظيف العميق ومخليه تواريخ لدا الشئ :3_13_12:
زى المطبخ تاريخه 22 من كل شهر ومستحيل يتغير إلا إذا كان عندي ظرف أقدمه أو أخره يومين بالكثير
المجلس 25 أقلب أم آموو وأنظفه من إلى
طبعا بين العميق لازم ارتاح يومين أو ثلاثة
والصالة كمان لها تاريخ وهكذا دواليك لكل البيت << مسويه مثقفه
خلصت الشهري ادخل في أبو أسبوعين
كل أسبوعين: لازم الشبابيك وأنظف المكيفات والأبواب طبعا مخليه لدي الأشياء يوم الأحد والحمد لله ماتتعب ولا شئ :)
خلصنا حق أسبوعين
ادخل في كل يوم أيوه ويوم لا: << اللي لازم أسويه أسبوعيا ويوميا
كل يومين أمسح الأثاث من طاولات وسيراميك وخلافه طبعا دا كمان لازم له جدول
طبعا كل يوم أفطر زوجي وإذا ماله نفس أكمل نومي للساعة 9
وإذا يبغى لازم أقوم معاه 6 وأودعه للدوام وإبداء شغلي
يعني يومي يكون بدايته من الساعة 7 صباح ولازم الساعة 11 لازم أكون مخلصه عشان الغداء
السبت: لأنه ممل وطويل نسبيا وجاي بعد جمعه ماامسك شئ في البيت أخليه للطبخ:cook: يعني أدلع زوجي :arb: عالغداء كل سبت لازم طبخه جديدة
الأحد: أبدا في شغل أبو يومين حق التمسيح والسيراميك :3_13_11:
الاثنين: أخليه لغسيل الملابس وأشوف لو فوت شغل يوم الأحد أخلصه
الثلوث : أخليه لغرفة النوم أمسحها وأنظفها وأغير المفرش وأغسل اللحاف أو البطانية يعني من إلى
طبعا غرفتي ماتاخذ يادوب ساعة أخلصها وأعطرها وإبداء في شغل البيت حق أبو يومين وبرضو لازم أكون مخلصه قبل الساعة 11 عشان الغداء
الربوع: أفضية لنفسي:27: لو مين أو أيش مافي شئ يشغلني
أما أسوي سكراب لجسمي وأنظف بشرتي وجسمي وأزبط حواجبي
طبعا سكرابي دي طريقته :
ربع كوب من زيت الكانولا
نصف كوب سكر
قطرات من أي توله أو زيت عطري أنا أحط من زهور الريف
ملعقة ملح
وملعقة من الشاور جيل
والطريقة معروفه
أسويها الصباح وأغسل جسمي بمويه وأنظف بشرتي وأحط قناع وأسوي الغداء ولما اخلص أتروش وأستقبل زوجي
الخميس والجمعة: أخليهم لزياراتي سواء أروح أو يجوني
أو أني أخليهم إجازة لي
وأخلي ألجمعه ساعتين في اليوم أكلم أهلي سكايب
طبعا مايخلو من تمسيحه بسيطة أو تنفيضة غبره
دا جدولي حبيت تستفيدوا منو
دعواتكم ليا ولكل محروم بالذرية الصالحة وانو ربنا يثبت حمل أختي وتجيب حبيب خالتو:04:
ويوفق أخويا حبيبي في دراسته ويهون غربته وكل شباب وبنات المسلمين
<< حسيت نفسي في الإبتدائي بالألوان والإيقوانات:04:
Kuyt Girl @kuyt_girl
محررة
يلزم عليك تسجيل الدخول أولًا لكتابة تعليق.
Kuyt Girl
•
up
مشكوووووووورة و فعلا أحنا محتاجين لتنظيييييييم الوقتو الأعمال ....
عشان يكون البيت دااااااايما نظييف....
عشان يكون البيت دااااااايما نظييف....
الصفحة الأخيرة