كوبونات الراقية تسجيل الدخول

زائرة •
غيمة نجد غيمة نجد :
الظاهر اغلبهم ينهبلون بعد المولود الثاني يكتفي ويتشبع وينسى شكر النعمة وينسو ان احتياجات الأنثى مختلفة انا اتوقع مرد هذا لطبع متأصل في أغلب الرجال وهو الأنانية💔 أنا حاليا متأذية من وضع أتفشل حتى أقوله لأحد حاط له فراش في المقلط وله حول شهر ينام فيه تكلمت بالمزح والاستهبال مانفع تكلمت بالجد والبكاء برضه اعذار واهية تفشل مالها أي سنع قلت له ترى ماأسامحك وبالشرع يعتبر هجر قال كلامه المكرر انت حساسة وتكبرين الموآضيع والأمور طيبة واخ بس تفاصيل ماودي أذكرها لدرجة فكرت اصور الفراش وارسله لأمه تشوف ولدها الي تخسرت عشان تزوجه كيف عايش سبهللا كنه ورع صراحة مالهم حل الا الدعاء روسهم يابسة وانانيين بإذن الله ناوية ادخل تحفيظ وانشغل بحفظي واسحب عليه
الظاهر اغلبهم ينهبلون بعد المولود الثاني يكتفي ويتشبع وينسى شكر النعمة وينسو ان احتياجات الأنثى...
نفس الحال ..
أنا والله مقدر انام مع زوجي مايجلي نوم ابد الا لما اغير الغرفة ياالله اقدر انام 💔💔
زائرة •
meshi meshi :
اغلب الرجال كذا ياقلبي ولو قعد بالبيت تلاقينه بلايستيشن ولا يتفرج يبغا يروق بعيد عن العيال والاهل الا من رحم ربي نصيحتي لك اشغلي نفسك اعرف وحده نفسك بس زوجها الحاضر الغايب بالبيت وكله بس يتامر عليها سوي وافعلي وكذا يجيب الهمم تقول ياليته يطلع برا وله اصحاب حتى اصحاب ماعنده تخيلي ووحده ثانيه زوجها يابلاستيشن ياجوال وفكره وباعت ذهبها وسوت مشروع صارت مشغوله عنه ولها دخل خاص فيها وصارت تدلع نفسها وطلعت سياره والله يختي الحياه مو واقفه عليهم انتي بس حركي عمرك وانشغلي وشوفي بعدين كيف يدورلك دوراه😅🤌🏼
اغلب الرجال كذا ياقلبي ولو قعد بالبيت تلاقينه بلايستيشن ولا يتفرج يبغا يروق بعيد عن العيال والاهل...
أنا مريت باشياء كثيرة وش اكتب وش اخلي بس في حقوق للزوج واجبة ع زوجته وهي أساس الزواج والا كل باقي الاشياء تهون....وبعد زوجي مايشوف حتى عيالي ماعنده وقت تصوري يعني ماله وجود من الأشغال ابد وانا مو مصدقة انها اشغال لأن احد قالي وهو مايكذب ... كنت اتمنى أنه يجي قبل الفجر ع الأقل يجلس مع عيالي لو ساعة هذا طلبي يطلعنا لو يوم مافي وقت عنده ابد مانجلس مع بعض مانطلع وكثير اشياء الله اعلم بها .
أنا ترى اكيد مو موقفة حياتي عليه والله حتى قبل اتزوج أنا معتمدة ع نفسي حتى اهلي مالقيت منهم اي دعم ...أنا أعرف أن الله مايكلف نفس الا وسعها ف الحمدلله على كل حال الله يعين.
زائرة •
عارفة أن كل الرجال كذا بس ع الأقل منظمين وقتهم هذا زوجي العزيز رغم اني احبه واقدره بس حتى وقته مامنظم هذا شيء يزعجني كثر السهر أنا مقدر وهو يبغى اذا صاحي صاحية والوحدة خلاص تدوخ من البزران ماتقدر تجلس يومين مفتحة تتعب...أنا اجلس للصبح انتظره عشان تأخيره وهو طلع هذاك اليوم قالب دوامه وماخذ راحته برى وانا تسرعت في. الحكم يعني لأن ماقالي أنه يوم قلب دوامه وانا انتظر حسبت فيه شيء أهله فيهم شيء كان اتصل له القى مافيه شي الحمدلله بس تضايقت أنا أنتظر وهو مو جايب خبر لي ولالعيالي مساكين حتى إذا طلعنا ويشوفوا رجال ع بالهم ابوهم يقعدو يبكو 💔💔💔حتى بنتي تكسر خاطري بس يرن الجوال تبكي تقول بابا بابا ومافي احد ماهو ابوها يامندوب والا اني متصلة لأحد مسكينه ماتفهم بعدها وش الإهمال مابغى تكبر كذا كأنها يتيمة مع اني حولها بس كله تدور ابوها واتصل له احيانا يرفع واحيانا لا ومرات أعرف أن حتى الاتصال مايمديه وش هالناس وش هالشغل اللي ماخذينه منا لعن الله الحاجة للفلوس...وجعل كل مشغلينه بتفاهاتهم يبتعدون عنه يارب..لأن اكتشفت ناس مسوية زوجي سواق .