مهمومة، متضايقة؟تعالي نقرا سورة البقرة

السلام عليكم
ااخواتي
اللي بتحس انها مهمومة
اللي بتحس انه الدنيا مسكرة في وجهها
اللي بتحس انه كل اشي متعركس في وجهها
اللي بتحس انها محسودة او عليها العين

احكيلكم قصتي
يوم الخميس كنت مهمومة و متضايقة و حاسة الدنيا كلها مسكرة في وجهي
و لمين اشكي؟ كل اللي بحلم فيه متعركس من شراء بيت ووظيفة

و فوق هذا ما بحكي مع زوجي مش طايقته يعني كمان شوي بروح عند بيت اهلي و ما برجع

بس يا سبحان الله
الله بعرضنا للمحن عشان يقربنا اله و يحببنا لعبادته

يا سبحان الله
و انا بتصفح بالمنتديات افتح موضوعك يا Essence (حملة "حلي مشاكلك بسورة البقرة" )
الله يجزاك عنا كل خير
و ابدا ما خطر ببالي اقرا سورة البقرة كاملة

المهم صليت العشاء و قراتها
نعسانة اقوم اغير جلستي و اغسل وجهي بس لازم اكملها
يعني بساعة و نص قراتها
و بعدها نمت

لما صحيت حسيت بطمانينة و راحة بااااااااااااااااااااااااال اشي يشرح النفس و طول الوقت افكر الحمدلله و توكلت على الله و اللي بيجي من ربنا خير
و حتى الوضع مع زوجي اهدى

و الليلة اللي بعدها قراتها و نمت
صحيت منتعشة و مرتاااااااااااااحة و حتى عصبيتي خفت كتير على الاولاد
يعني صرت طوووووووووووووول النهار استنى ييجي الليل عشان اقراها

يعني ان شاء الله يحقق لي اللي ببالي و يفرجها بوجهي لكن مهما يصير ان شاء الله اداوم عليها لانها فعلا تشرح النفس و توقظنا من غقلتنا

علما اني احاول اقرا و لو صفحة من القران عقب كل صلاة

الله يجزيك عني كل خير اختيEssence و كل الاخوات على كل المعلومات الرائعة في الموضوع

المهم شو رايكم يا اخوات نتابع الحملة الرائعة
و كل واحدة تحكيلنا شو كانت تحس قبل ما تنتظم و بعد القراءة كيف تغير الوضع؟
بنبدا و طبعا انا الي من يوم الخميس يعني الي 3 ليال و ك

و بدي اجيب اقتباسات من موضوع الاختEssence و اللي عندها معلومات تحكيها نثقف بعض و نجمع بعض على كتاب الله