مهمومة ومكروبه وتطلقت وتغربت والدنيا تقفلت بوجهي

السلام عليكم
اخواتي انا مهمومة ومو مهون علي الا الاستغفار والتسبيح وسورة الشرح هم اللي يخففون من حزني
احس بالضيم والقهر احس ان كلشي تقفل بوجهي
لو اتكلم لكم مهما اتكلم واشرح صعب تحسون بشعوري وبوضعي اللي اعيشة حاليا

انا كنت مظلومة عند اهلي قبل الزواج وتزوجت بسن صغير جدا وانظلمت عند زوجي والان طالبه الطلاق لان الحياة معه جحيم وهاجرني ومو مسؤل عن بيته و ولده لو يصير لنا شي مايدري عننا وانا جميلة وعلى كثر ما الناس تنبهر بجمالي ويعجبوني فيني الا انه مايطالع وجهي او حتى يقعد معي هو باختصار تزوجني عشان ابوه ابوه صاد عليه شي وقام زوجة عشان يعقل على حد تفكيرة وهو خذاني ستر على بلاوية ومصايبه قدام اهله يعني انا ديكور بس
انا عانيت مع هالزوج ٨ سنوات من عمري

الى الان احس انه الصبر عليه بحد ذاته جرم بحقي وانا صغيرة ابي ارتاح من الهم والغم ابي انفذ بجلدي من هالزواج واربي ولدي وارتاح


لكن المصيبة مو بالطلاق اللي كان بالنسبة لي اكبر مصيبة بحياتي وكاسر ظهري

المصيبة ببيت اهلي ااااااهه وما ادراككم مابيت اهلي 💔💔
ايش اقولكم بس والله اني ادعي ان كانت الحياة خير لي احييني وان كان الموت راحة لي من كل شر فأمتني

بيت اهلي خير وعز وخدامة تخدمني مريحتني وبمنطقة راقية جدا عكس الشقة اللي كان مسكني فيها زوجي بسسسس معاملة حيوانات اسمحوا لي على اللفظ بس جد اهلي تعاملهم همجي كيف اشرح لكم يعني الفاظ سوقية وبذائة ابوي واخواني وانا مابي ولدي الصغير يتعلم منهم وفوق ذلك عصبية لدرجة الجنووون لدرجة كلشي قدامهم لعصبوا يكسرونة وفوق ذلك يعصبون من اتفه الاشياء مثلا اليوم على الفطور كنت انا وخواتي الكبار نشتغل بالمطبخ دخل اخوي الصغير ويقعد يتحلطم قلت له اطلع برى احنا مشغولين قام يصرخ علي قلت له اقول اقلب وجهك قام هاج علينا مثل المجنون وياخذ الصنية الكبيرة اللي مجهزين فيها الاكل ويرميها بالارض ويكسر كلشي ويصرخ بصوت مفزع انا ماشفت الا ولدي الصغير من الفزع عيونه صارت بيضا مثل اللي بيغمى عليه وقام ينتفض والتموا اخواني وابوي واهلي والكل يصرخ من الخوف مثل لصارت مصيبه حتى بالمصاييب مايصرخون كذا واخرتها ابوي يحط اللوم علي واخوي الصح وانا الغلط وهو يطلع من البيت يروح لاخوياة يتمشى وانا اللي اموت قهر



لحظتها بكى قلبي مابكت عيوني بكى قلبي من الالم على المنظر اللي شافه ولدي وهو ماله ذنب
على الحياة الجحيميه هذي كليوم صراخ صراخ صراخ واهانات وسب بدون سبب انا شخصيتي قوية لكن قلبي رحوم يرحم الكبير والصغير يعني اقدر اسوي فيهم مثل مايسوي فيهم اخوي واخليهم يهابوني ومايتكلمون معي كلمة لكن انا غير غير عنه. انا اعرف ان الرفق مادخل في شيء الا زانه واعرف ان الدنيا ماتستدعي الصراخ هذا كله واحب الهدوء

والمصيبة العضمى 💔💔

ان انا مالي غرفة فبيت اهلي
وانا ام وعندي طفل احتاج يكون لي خصوصية احتاج يكون لي ملفى
اقسم لكم بالله البيت واسع فيه مقلطين فاضيين ممكن اخوي ياثثهم احسن اثاث وينام في اللي يبي لكنه محتل غرفتي اللي انا و ولدي ننام فيها مع انها غرفتي اساسا من قبل الزواج من تزوجت وه محتلها وهذا شي ضايقني بس صبرت وسكت خصوصا ان بيتي بمنطقه واهلي بمنطقة فاذا جيتهم انام


عندهم كم يوم والله انام كني شغاله بالغرفه جمبي شنطة اغراضي


واغراض ولدي مانقدر نحطها باي مكان بالغرفه لان البزر اللي اصغر مني يستخف ويسوي لنا سالفه لو حركنا شي

اقسم بالله العظيم الان توني متطلقة وانا ماعندي مكان والله اني ادخل الغرفة ببكي اخاف احد يدخل علي ابكي وانا ساجدة ورى السرير وادعي الله يفرج همي وادعي بالموت ان كان فيه لي رحمة وادعي لولدي بالسعادة والهنا اللي ماعرفتهم من طفولتي وسط هالعايلة البائسسه التعيسه اللي اتعست نفسها بنفسها الكل هنا يصرخ مثل المجنون واحيانا توصل للضري مارحم الا نفسي وامي اللي خواني يضربونها اقسم بالله اشفق على نفسي و ولدي عليها خصوصا اخوي الكبير يتلفظ عليها ويضرب ولدي الصغير ضرب مبرح
مع انهم يحبونه ويدلعونه بس لعصبوا كفروا فيه كفر حسببي الله بس
غير السب والشتم اللي يجيني بدون سبب
ويلا انقلعي بيت زوجك وشتبين جايتنا ' امي للحين ماعلمتهم بنية الطلاق

والله مادري كيف بعيش احس بموت من الهم هذا الموت البطيء والله اني انا وامي الليل والنهار ندعي ونستغفر ونتحسب
وبكل سجود ندعي

يارب تفرج همي يارررررب 💔
تعبت وتعب كلشيء فيني لمى كنت عند زوجي صبرت عليه صبر مايصبره احد لدرجة الكل يلوموني لي? صابره عليه وليه قاعدة عندة مايدرون ان سبب صبري الطفولة التعيسسسسة اللي عشتها ببيت اهلي والنكد والتهميش والهم والغم اللي كنت فيه

والان رجعت لحياة العذاب احسد خدامتنا ان لها غرفة صغيرة خاصة فيها تقفل على نفسها فيها انا حتى مكان ارمي نفسي فيه ماعندي

انا تطلقت بناء على رغبة امي لانها ماتبيني اعيش معه تقول ربي بيعوضك ابرك منه
و وعدتني ان بتخلي اخوي يطلع من الغرفة وانها بتكلمة عشان تصير لي خاصة وحاليا نبحث عن بيت اكبر

بس يبي له وقت اكيد



محرومة من كلشي اقلها الخصوصية
الامان
الحب
الكلمة الطيبة
ابي احس اني انسانة يحق لها تعيش
ابي مكان اختلي فيه بنفسي ابكي واشهق ماحس بالذل ولا اخاف من نظرة احد ابي اموت بس وارتاح وادخل الجنة هذي ابدا مو حياتي حياتي الحقيقة بالجنه 💔
جمال وجسم وبياض وكلن يحسدني ولا يدرون عن شي

وسبع صنايع وصبورة وحظي مايل لا اهل ولا رجل الله يعوضني بهالولد حتى الولد مارتجي منه شي ابي الله يصلحة لنفسه بسس

احيانا من كثر عصبيتهم يضربوني وانا مراه ام عيال يعني اي حيااة هذي اللي تجبر الانسان ينذل وينهان ينضرب قدام عيالة
والله حرام والله حرام تعبت تعبت مادري وين اروح والله مادري وين اروح
شسوي لاتقولون لي لييه تسكتين عن حقك حطي لهم حد هنا مافي حد هم اساسا زي المجانين قبل شوي وصلت فينا خلاص ابتصل بالشرطة من الخوف
وسبب المشاكل ابوي اذا جى اخوي الكبير المجنون للبيت يقعد يعبي راسه شوف اخوك شسوى واختك شسوت ويعطيه الموجز بالتفصيل ويجيك ذاك مهدود كنه ثور هايج مايشوف قدامه وخذ صياح وصراخ وضرب وسب ولعن ولدي يرتاع يروح يركض برى البيت يتخبى بالمخزن

💔💔💔مو محترق قلبي الا على هالولد

قلبي عليه ارحممه ارحمه ولا بيدي شي
الله يرحم ضعفي

لا دراسة ولا وظيفة ولا سند

ادعوا لي دعوة صادقه بهالليالي ان ربي يفرج همي ويجعل لي من كل ضيق مخرج
وان الله يرزقني وضيفه

احس ان صار لي دخل خاص فيني بقدر
اخذ ولدي حضانة او شي اشغل وقته فيه عن هالمصايب اللي يشوفها بسن صغير اللي عقدتني طول عمري مابيه يتعقد طول عمره

عقلي وتفكيري مشتتت انا باصعب مرحلة بحياتي

يارب رحمتكك


اهلي بيتهم صغير


‏رَبِّ ابْنِ لِي عِنْدَكَ بَيْتًا فِي الْجَنَّةِ‏ ❤️