مهمومه أبغى رايكم في تصرف .........

السلام عليكم
يا حبيباتي والله ما كتبت هنا إلا من شدة الضيقة اللي بصدري
ومادري ايش الحل
السالفة وما فيها ان فية شخص متقدم لي هالشخص منصب وعائلة وما فية عيب عشان ارفضة
المشكلة ان عندي اخت اكبر مني وهو طالبني انا
طبعا اختي الكبيرة كلمت اختي اللي اكبر مني وفهمتها بالأول قالت عادي الله بسعدها وفي الصباح غيرت رايها وقالت لا ما تتزوجين قبلي ايش بيقولون الناس عني قلت لها خلاص خذية قالت والله ما اخذ واحد طلبك بالأسم
وبالاخير قالت لي هذا شي راجع لك
المهم امي كانت مقتنعه بالسالفة وتقول اذا رضت اختك خلاص قلت لها اذا اختي ما تبغاه خلاص انا ابغاه
يا بنات صارت تهاوشني وهي كان راضية وتقولي انتي خلاص ما عاد فيك صبر تبغين رجال :icon33: ومن هالكلام وصارت تبكي وتقولي خلاص لا تكلميني انتي بتموتيني :icon33: بنات هي كانت تقولي عادي والشيخ يقول عليكم اثم اذا الرجال صالح ورديتوة عشان اختها الكبيرة واليوم انقلبت السالفة
قولوا لي ايش اسوي انا استخرت وابغاه وامي تقول خلاص بنردهم اذا جا احد مرة ثانية باقولك انتي واختك واختاروا
تكفون انا احس تفكيري انشل ماني قادرة افكر في شي قولوا لي ايش اسوى ولى ادعوا لي
عمري 28 سنه
يا بنات أمي من أمس زعلانه علي وما تكلمني واذا حاولت اكلمها تقولي خلاص انتي بتموتيني وتحريني وتبكي يا ناس مالي ذنب
اختي كلمتها وقالت انا موافقه خلي اختي تتزوج وهي زعلانه علي تقولي ليش تقولين ابغاه وتقول لاختي هذا الرجال بالذات ما تاخذة اذا جاء غيرة تاخذة
بنات والله دموعي ما وقفت من امس والاكل احس ما ينزل من بلعومي ليش امي تزعل ايش ذنبي قولوا لي